Andinin-tSoratra Masina malaza indrindra nalaina tao amin'ny Dubbii Nagayaa Ka Yohaannisii 15

Hizara

«Ani jirma woyini'iiti; isinillee dameewwan kiyya; anaan addatti womaa godhuu waan hin dandeenneef; ka naan jiraatu, ka anillee isa keessa jiraadhu inni daraaraa heddu daraara.

Ana keessa jiraadhaa'a; akkasuma anillee isin keessa jiraadhaa. Dameen yoo jirma woyini'ii irra hin jiraanne, ufitti daraaraa daraaruu akka hin dandeenne, akkasuma isin ammo yoo ana keessa hin jiraanne daraaruu hin dandeettan.

Na keessa yoo jiraattan, yoo dubbiin kiyyallee isin keessa jiraate waan barbaaddan maraa kadhadhaa'a isinii ta'aa.

Anatu isin filate malee isin na hin filanne, Aabballee waan maqaa kiyyaan kadhattan maraa akka isinii kennu, deemtanii akka daraaraa godhattan, daraaraan keessanillee akka jiraatuuf isin muude.

Lubbuu ufii jaalalloota ufiitii kennuu caalaa, jaalala kana caalu eennullee hin qabu.

Damee daraaraa hin baafne ka na irra jiru maraa Abbaan kiyya kutee gata; ka daraaru maraa guddisee akka daraaru hin tottolcha.

Akkuma ani isin jaaladhe, isinillee akka wol jaalattan ajanyi tiyya tana.

Uduu daraaraa heddu godhattanii darasoota kiyya taatan, Abbaan kiyya kanaan kabajjama.

Jirmi woyini'ii ka dhuga'aa ana. Ka isa dhaabee guddise Abbaa kiyya.

Ka ana keessa hin jiraanne yoo jiraate, akka dame'ee muramee gara diidaa gatama; hin goga; dameewwan akkasii wolitti qabamee ibiddatti gatamee gubama.

Akka gammachuun kiyya isin keessa taa'u gammachuun keessanillee akka raawwatamu kana isinitti himeera.

Akkuma ani ajaja Abbaa kiyyaa eegee jaalala isaatiin jiraadhu, yoo ajaja kiyya eeddan jaalala kiyyaan jiraattan.

Akka isin wol jaalattan kana ajaja» jedhe.

Isin uduu worra adunya'aa taatanii adunyaan waan ufii hin jaalatti. Isin ka adunyaa kanaa waan hin taaneef adunyaa irraa isin filadhe. Kanaaf adunyaan isin jibbiti.