Andinin-tSoratra Masina malaza indrindra nalaina tao amin'ny मत्ती 13

Hizara

सेजी आछी बोंद्री भूँम्मीं, जिंन्दो बींज़ बऐ थो, से सेजा आदमी असो, जुण्जा खुषख्बरी शुणों, अरह् तेसी बचन सम्झों ऐ, से सत्तिखे संईसारी दा षोंह् गुँणा, षाठ गुँणा, अरह् तीष गुँणा फल़ आँणो।”

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

जुण्जा कुँऐं आदमी, पंणमिश्वर के राज्य के बचन शुणिंयों सम्झोंदा ने, तबे शैतान तेथै आँव अरह् तेथै जू भे किऐ बचन को बींज़ तेस्की सासो दो बऐ थो, से तेसी कैई शो तेथू दड़ियों आगू नियों, अरह् से सेजो ही बींज़ असो, जुण्जो बाटो पुडो पड़ो।

अरह् जुण्जो पाथरो शगाल़ी मुँझी पड़ो, से सेजा आदमी असो, जुण्जा बचन की खुषख्बरी प्रचार शुणों, अरह् तेसी खुशी-आँनन्द शा माँनों; परह् ईन्देंखे के तेने तेसी बचन दी जड़ ने सारी पाका ने हई, से ठीके ही बख्त्तो खे टीकी सको; परह् जेई तेस गाशी बचन के कारण दु:ख सताव पड़ो, तेई से तेसी ही बख्ते तेसी मंत्त-ज्ञाँन शा भट्की ज़ाँव।

“स्वर्गो को राज्य खेच़ौ दो दाबे अंदें धंन के खजानें जेष्णों असो, जेथू कोसी आदमी भेंटो अरह् तेने तेथू खेच़ौ दो दाबी-चूरी दितो, अरह् आँनन्द-खुशी के मारे आप्णों सब-कुछ बिकी दितो सेजो खैच़ मोंले खर्दी पाव।”

परह् किऐ बींज़ धर्ती की आछी बोंन्द्री भुम्मी दो पड़ो, अरह् से फल़बंन्त हुओ, किऐ षौह् गुँणा, किऐ षाठ गुँणा, अरह् किऐ तीष गुँणा।

गींऊँ, अरह् शींऊँ शाख सह्लाणों के बख्त्तो तोड़ी ईनू ऐबे साथी बड़णों दियों, जबे शाख पाजी ज़ाली, तअ शाख लुण्णों सलांणों वाल़े धियाड़ूवा खे हाँव अज्ञाँ देऊँबा, के ऐजे जाँगल़ी बींज़ शींऊँ कठै करियों ईन्दें के पूल़े-बीडै बानियों, फूकी दियों, अरह् आछे गींऊँ मेरे खल़े-खलियान दे कठै करह्।”