Andinin-tSoratra Masina malaza indrindra nalaina tao amin'ny यूहन्‍ना 2

Hizara

येशूये जाट्‍च अचम्‍मौ चिन्‍हको मध्‍याङ इसे पहिलो चिन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महिमा टान्‍हाका, र होसकुङ चेलाकै होसको मीटाक विश्‍वास जाटा।

येशूये डेया, “मोइ, ङै ही जाट्‍की पर्ले नाकै ङाकी डेकी मापर्ले। ङौ समय अझैसम्‍म माह्रामने।”

येशूये नोकरकोलाक डेया, “इसे घ्‍याम्‍पाको डीये न्‍हेपाक्‍नी।” होखुरीकै होसे घ्‍याम्‍पौ मेङ्‌गेरसम्‍म न डीये न्‍हेपाक्‍ङ याहा। होटै न्‍हुइङ येशूये होखुरीककी डेया, “इसे चेक्‍जा वाकार भोजुङ मुखियाकी म्‍याङ्‌की आल्‍न्‍ह यान्‍ही।” अनि होखुरीकै आल्‍हार याहा।

येशूये होखुरीककी डेया, “इसे परमेश्‍वरौ मन्‍दिरकी भत्‍कडीनी, अनि ङा इसकी फेरि सोम याकाङ खास्‍न याल्‍हे।”

तब येशूये काट कोर्रा खासा, अनि होसे पट्‍ट न भेडा र ठोरकोलाक परमेश्‍वरौ मन्‍दिर लकीङ बाहिर लगारीया, पैसा योस्‍चकुङ टेबलको पल्‍टडीम याहा र सिक्‍काको भेरेट्‍न याहा। अनि होसकै ढुकुरको आर्लाच भर्मीकोलाक डेया, “इसे पट्‍ट ठोक इला माडानी! ङौ बोयो इमकी व्‍यापार जाट्‍च ठाउँ माखास्‍नी!”