Andinin-tSoratra Masina malaza indrindra nalaina tao amin'ny यहूना 15

Hizara

मैं एक अंगूर का ब्योलो छूँ, तुम उक हांगा छा; जो मैंमें बनिना को रूछो, और मैं उमें उ भौत फलछो, क्याखिनकि मैं भटे अलग हो भेरन तुम केले नै करि सकना।

तुम मैंमें बनि रौ, और मैं तुमून बनि रूलो, जसीकैं हांगो अगर अंगूर का ब्याला में बनिनाको नै रौ, त अफी नै फल सकनो उसीकैं तुमूले केले निको नै कर सकना।

अगर तुम मैंमें बनि रौला, और मेरि शिक्षा तुमून में बनिना की रौली त जो कुछ ले तुम चाछा माँगा, मैं ऊस तुमून खिन पुरो करोलो।

तुमूले मैंस नै चुनयो लेकिन मैंले तुमून चुनछ्य और तुमून नियुक्त करछ्य ताकि तुम संसार में जा और फलवन्त हो ज्या, और तुमोरो फल बनिनाको रौ, तुम म्यारा शिष्य छा येक कारण जो कुछ तुम म्यारा नाम ले पिता परमेश्वर थैं माँगला, उ तुमून द्योलो।

कैका पास यो दिखून खिन कि उ अपून मित्र थैं प्रेम करछो, यो है ठूलो कोई तरीका नाहातिन कि उ मित्रून बचुन खिन अपूनो जान तक दी दे।

हरेक हांगो जो मैंमें जुड़ीना को छै, और फलनो नै ऊस उ काटि दीछो, और जो फलछो, ऊस उ छाटछो ताकि और फलो।

मेरि आज्ञा यो छै, कि जसकैं मैंले तुमूनथैं प्रेम राखछ, उसीकैं तुम ले एक-दुसरा थैं प्रेम राखा।

म्यारा पिता परमेश्वर की महिमा येले हुछी, कि तुम भौत फल ल्या, तब तुम म्यारा शिष्य हुना को सबूत छा।

यीशु ले क्योछ, “मैं एक सच्ची अंगूर को ब्याल छूँ। और म्येरो पिता परमेश्वर किसान छै।

अगर कोई मैंमें बनिना को नी रौलो, त उ हांगाका नियाती कट भेरन खिती दी जाछो, और जब उ हांग सुखी जाछो, त लोग ऊस जाम करभेरन आग में डाल दी जाछो, और उ जलि जाछो।

मैंले यो बात तुमूनथैं येक कारण क्योछ, ताकि तुमूनमें ले उई खुशी हो जो मैंमें छै, और तुम पुर तरीका ले खुश रौ।

तुम म्यारा हुकमून मानला, त म्यारा प्रेम बनिना का रौला जसीकैं मैंले अपून पिता परमेश्वरा का हुकमून मानछ्य, और उक प्रेम में बनिनाको रूछूँ

इन बातुन की आज्ञा मैं तुमून येक कारण दीछूँ, कि तुम एक-दुसरा थैं प्रेम राखा।

अगर तुम संसारा का लोगून की नियाती हुना, त संसारा का लोग अपून थैं प्रेम राखनान, लेकिन येक कारण कि तुम संसार में सम्बन्ध नै राखना, लेकिन मैंले तुमून संसार में भटे चुन ली है छ; येक कारण संसारा का लोग तुम खिन बैर राखाला।