Andinin-tSoratra Masina malaza indrindra nalaina tao amin'ny Jɔn 12

Hizara

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Wə̀d we ne ghə̀ʼrə̀ ìwi ìtḛ̀, tengàŋ biri nim ìtḛ̀ we. Àsi wə̀d ne chəyi we ghə̀ʼrə̀ ìwi ìtḛ̀ igun isəg aŋa, tengàŋ biri jəg ìtḛ̀ ighə̀m imɔʼ.

Mə gha tesiʼ inən gha, “Fitam kyì mə chəyi fi nyi aseg ku, fi biri tḛ yi kwàʼ tèzìʼì. Fi mə̀ ku, fi ya gwère, kweg, ko titam nɔʼ nɔʼ.

Mə ya yèʼe igun isəg icheg ìzḛzḛ, ni ghì gha, imbə̀ʼ wə̀d ne nɔŋi ibḛfiŋ igun inum ywiri chughi yi izimi.

Bəd mə̀ zug ìmə ikən chəyi mbi zugri ìwiwən chəyi mə̀ biri sàʼ awɔb. Chəyi mə̀ ya yèʼe ni sàʼ bəd igun isəg. Mə ya yeʼe ni pumni awɔb.

Icheg ne mbi yaya jə̀ghə, Mèri ya niŋ chəŋ məwud àka inun ne mbi ya tangi məyi ane nad, zɔʼ ighog ìmbi Yeso inga, bə̀ fug ane ìti nyɔ̀ŋì atog. Ifɔ məwud mbe ya dù, nàmì nəb ijìm.

Mbi yaya nìŋə izaŋ ighəb ghò ni bɔ̀mbì tì məd. Mbi yaya nè kyḛ gha, “Tè ghùmnə Ŋwiye! Ŋwiye ziye àbɔrɔ̀bɔd igun wə̀d we ne yèʼe ane ikum Anɔŋisəg! Ŋwiye ziye àbɔrɔ̀bɔd igun ifɔn mə̀Izre!”

Yeso gha ywìtì gha, nyùmə̀ fə kòʼ ne Ŋwiye biri ghì gha mbe ghumni Ŋwan Wə̀d.