Andinin-tSoratra Masina malaza indrindra nalaina tao amin'ny uLuuka 23

Hizara

UYeesu ahati, “We Taata! Uvhaswile, mwe pe vhatazimanyile zye vhakuvhomba.” Avhasikaali vhaala vhahagavhana amenda aga Yeesu, kwi idala ilya kugahomela ulutambu.

UYeesu ahamwamula ahati, “Nalyoli nkukuvhuuzya kuuti, ileelo ili, kuuti uvhe pooka niine ku Paladiiso.”

Pe ahati, “We Yeesu! Nkulaavha lwe ukwinjila mu vhumwene vhwaho, uhankumbuhaje!”

UYeesu ahavhilishila kwi izwi ipiti ahati, “We Taata! Nkuyivhiiha mu nyoovhe zyaho.” Lwe ayanga izyo, ahafwa.

Lwe vhaafiha pe vhahatinji pi Ipangaawe ilya Itwe, vhahamuhomeela uYeesu pa shihovhenkanyo. Vhoope avhatalamalandu vhaala vhavhili vhahahomeelwa pa vihovhenkanyo vwavho, wumo ku luvhazu ulwa kundiilo ulwa Yeesu, uwamwavho ku luvhazu ulwa kumongo.

Kwandila ahavhaliilizyo aha vhushenzelo kufishila saala 9, ishiisi shihagwa insi yonti, izuvha litahalamaga. Umwenda we wápituliinye iNyumba iMfinjile, wuhazeepuha pahati kufuma pamwanya kufiha pansi.

Umupiti uwa vhasikaali lwe aalola zye zyavhombeha, ahamutiima uMulungu ahati, “Nalyoli umuntu uno aamile mugolosu!”