Andinin-tSoratra Masina malaza indrindra nalaina tao amin'ny Yohane 15

Hizara

Yaku we pusu lipas ma cida ka yamu. Meeniq ckceka mu klaali we meeniq ku ckceka daha klaali uri. Seediq nii we maha mghei bale. Ado mlatac yaku we uxe namu mooda ani maanu.

Eeniq klaali ckceka mu ka yamu, kiya de yaku we meeniq ku yamu klaali uri. Nasi ini plutuc pusu lipas ka cida na we ini tduwa mghei nanak. Nasi namu ini eeniq ckceka mu klaali ka yamu we maha namu so kiya uri.

Nasi namu meeniq ckceka mu klaali ka yamu we maha meeniq ckceka namu klaali ka kari mu uri. Ani maanu kmpesa namu ma dmurun namu we ptkuun mu mege yamu.

Uxe yamu ka gmnao yaku, yaku ka gmnao yamu. Smkagul ku yamu mosa namu mghei ma maha so bsiyaq ba ka gnhei namu. So namu spooda ngayan mu, ani maanu ka pnesa namu Tama we maha mege yamu ka heya.

Ririh dadal na wada qmada knuudus na we uka mgkala paru nii dungal ka gnaalu seediq.

Kana ini pgheyi ka cida ckceka mu we sqetun na. Kana mhiyi na we gbbawan na smbleyaq smeqic so maha egu ka heyi na.

Yamu we pggaalu, mntena so gmalu ku yamu. Nii we kari pnosa mu.

Nasi egu ka pnugheyi namu we maangal knledax ka Tama mu. So kiya de mmaha tnugsaan mu ka yamu da.

Yaku we bale ba pusu lipas, Tama mu ka mppdakil na.

Nasi ini eeniq ckceka mu ka seediq we maha so sqada nganguc, mdengu de ngalun daha ma qada daha puniq psqama.

Wada mu srengo yamu ka so nii we eeniq lhebun namu ka qnaras mu. Kiya uri we maha mttuuku bale ka qnaras namu.

Nasi namu wada muyu kari pnosa mu we maha namu meeniq gnaalu mu klaali. Mntena so muyu ku kari pnosa Tama mu ma klaali meeniq ku gnaalu na.

So nii ka kari pnosa mu we so namu maha pggaalu.

Nasi namu nbobo dxeral we maha gmaalu nheya nanak ka bobo dxeral. Ado yamu we uxe namu nbobo dxeral ka yamu. Yamu we gneegan mu peeyah ckceka bobo dxeral. Kiya ka qmnriqu yamu ka bobo dxeral.