Andinin-tSoratra Masina malaza indrindra nalaina tao amin'ny Wiwitan 9

Hizara

Gusti terus ngetokké tembungé: “Iki tandané perjanjiané sing Tak gawé ing antarané Aku lan kowé lan kabèh sing urip sing mèlu kowé, nganti turunanmu ing sak lawasé. Kluwung-Ku Tak pasang ing mendung, kuwi sing kanggo tanda perjanjian-Ku lan bumi.

Yèn kluwung kétok ing mendung, kuwi bakal sing Tak sawang Aku terus éling ing perjanjian-Ku sing langgeng ing antarané Gusti Allah lan kabèh sing urip, ing bumi.”

Sapa sing ngutahké getihé manungsa, mesti getihé bakal dikutahké karo manungsa, awit Gusti Allah nggawé manungsa kuwi pada karo gambaré Panjenengané piyambak.

Gusti terus mberkahi Noah lan para anaké, lan pada diomongi mengkéné: “Pada tangkar-tumangkara lan kebakana bumi.

Saben sing obah, sing urip kuwi dadia panganmu. Kuwi kabèh wis Tak wènèhké marang kowé; mengkono uga tetukulan sing ijo

Sak rupané kéwan-kéwan ing bumi lan sak rupané manuk ing awang-awang kuwi bakal pada wedi marang kowé; kabèh kuwi pada kwasanana.

Kowé kuwi pada tangkar-tumangkara, nganti ora bisa diitung ing bumi, ya pada tambaha okèh.”