Andinin-tSoratra Masina malaza indrindra nalaina tao amin'ny Luk 6

Hizara

Benlay ye kem dumu ye anì benlay Dwata yu se kuy. Tey hyu klemen du bélê ye yóm blayen kuy, nnoken elaan, kninsigen, ne hebésen. Yó se kbong yóm kuy blay, yó se bud kbong yóm blayen kuy.”

Yóm tau hyu, hyu se kebkóhen lemwót bè yóm hyu nô lem hendemen. Yóm tau sidek, sidek se kebkóhen lemwót bè yóm sidek nô lem hendemen. Yó se gel nô lem hendem yóm tau, yó se gel lemwà bè sumóngen.”

Okóm kuy du,” mon Jisas. “hol kenbong ye nawa yó kem hohon ye, hol henyu ye kmò ye ebélê le. Ke hutóng ye, bê ye bud snolò. Ke lómón se ni gel nmò ye, tey angat ofol ye, ne angat ngaen yu yóm Dwata alì geta bè kdéen. Abay se yóm Dwata, balù yó he kem tau laen dù nawa skodu bélê le ne yó kem tau sidek nmò le, ewenem sana tey kkoduhen kul.

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”

“Bê ye abay tódô hendeng kul kmò kem dumu ye tau,” mon Jisas, “anì là tódô hendeng Dwata du se yóm kuy kmò. Bê ye abay tódô tnuled kem dumu ye ke wen salà le anì là tódô tnuled Dwata kuy. Hol hnifót ye kem dumu ye ke gemsalà le bélê ye anì hnifót Dwata se yu ke wen kuy salà.

“Okóm ni monu mò kuy, yu kem tau hmungol dou,” mon Jisas. “Kenbong ye nawa yó kem hohon ye, hol henyu ye kmò ye ebè yó kem tau gel kmutó nawa kuy. Mom hni ye bè Dwata dé yó kem tau hemnulà kuy, ne utóm ye lu bè Dwata yó kem tau sidek nmò le bélê ye.

Yó se kuy nóyô nmò tau bélê ye, yó se kuy gna nmò bélê le.

Yóm tau ke tenféen yu bè doli hifi ye, bud bayà ye du dolihen. Yóm tau ma kgal ye, bê ye ngali du yóm gewuhen lafin. Ke mni bélê ye yóm tau, benlay ye. Ne ke tódô nahen yóm kimu ye, bê ye bud snolò.

Ne bud wen sotu tulón Jisas kul, monen, “Yóm koyu hyu, hyu se kbunguhen. Dalang se yóm koyu sidek, sidek se kbunguhen.

Kihu koyu, tódô dilóem bè bunguhen. Yóm koyu semnual, là kóen mungu soging. Dalang se yóm leteng, là kóen mungu kmatì.