Andinin-tSoratra Masina malaza indrindra nalaina tao amin'ny Luk 17

Hizara

Ne yó bud mon Jisas mò du, “Mdai ne, Wè, ne hlósi. Yóm kehtahuhem béléu, yó se gónóhen mkó yóm desem.”

Baluen he ke hitu duléken gemsalà bélê ye yóm sendaw, ne ke hitu duléken se hegsel bélê ye, tódô hnifót ye.”

Wen sotu bélê le bè yóm ktonen du yóm deng kkó yóm desen, tódô mlóy semfulék ebè Jisas, ya tey kdóyónen ke Dwata, tey kehgelen udélen. Tódô na a hegluduk klohok ti Jisas, ne tey kdóyónen du. Nim tau ni, là Juhen, tau lemwót bè Samarya.

Duhen yó,” monen, “eles hol ten-gama ye se yóm kuy kmò. Ke wen salà nmoen bélê ye yóm sotu dumu ye,” monen, “bnólów ye. Sok hegsel, hol hnifót ye.

Ne mudél ebéléen Jisas, monen, “Là sfolò ye du kô yóm deng gotu mkó desen? Nô se lu du yó kem syóm?

Bnalà Jisas se, monen, “Ke bnotù tekuy yóm kehtahu ye, anien ke lómón kutiten yóm lem hulu alì lemnek bè kdéen, kaem gbek ye ne mdók nim koyu bong nii anì tódô mdó bè ni, ne mili elem mohin, tódô nimónen yu.”

Yóm tau ke knamaen klowilen, angat lanahen yóm klowilen yó. Okóm yóm tau ke là knamaen du klowilen, angat gutahen yóm klowil laen dù sónen.

Yó bud mon Jisas ebè yó kem gel lemolò du, monen, “Laen kô gembek semya du se ke bangen sut bè tau yóm gónóhen btang elem salà. Okóm nawaw tey tafaken yóm tau hebtangen kem dumuhen. Mom hyu béléen he yóm tau yó ke tódô bot le elem mohin gu laanen là deng wen tau hebtangen, tléwéng bè liholen yóm botu gónó gel gmaling, olo ke hebtangen elem salà yóm sotu ngà.

Gu laanen là deng semfulék yóm Ngà Tau,” mon Jisas, “hol lómón yóm tehe kun kdaw Nuwa. Yó nmò kem tau, mken le, ne minum le, ne syehen le efet yóm khotun Nuwa elem yóm kafal nmoen. Ominen yó msut yóm tey dunuk, ne gotu le meglà yóm kdê le.