Andinin-tSoratra Masina malaza indrindra nalaina tao amin'ny मत्ती 12

Hizara

कने हऊँ तुहां लोकां जो दस्सां भई न्याय रे दिन हरेक माहणुये जो अपणिया बोल्ली रिया गल़त गल्ला रा हिसाब-कताब देणे पौणा। काँह्भई तेरी गलाई रिया गल्लां रे अधारा पर इ परमेशरा तेरा न्याय करीने तिज्जो निर्दोष या दोषी समझणा।”

तुहें जहरीले सप्पा रे बच्चयां साई ये, तां जे तुहें बुरे तां खरियां गल्लां कियां बोल्ली सक्कां ये? काँह्भई सै जे मना च भरोईरा, सैई मुँआं ते निकल़ां।

खरे माहणु खरियां गल्लां कराँ ये काँह्भई सै खरियां गल्लां कट्ठा करीने अपणे मना रे भण्डारा च रक्खां ये, कने बुरा माहणु बुरे भण्डारा ते बुरियां गल्लां कड्डां।

इस खातर हऊँ तुहांजो बोलां भई परमेशर हरेक निंध्या कने पाप करने औल़े माहणुये जो माफ करी सक्कां, पर पवित्र आत्मा री निंध्या करने औल़े जो माफ नीं कित्या जाणा।

“जे पेड़ा जो खरा बोल्लो, तां तिसरे फल़ा जो बी खरा बोल्ला। जे पेड़ा जो बुरा बोल्लो, तां तिसरे फल़ा जो बी बुरा बोल्ला; काँह्भई पेड़ फल़ा तेई पछयाणया जां।