Andinin-tSoratra Masina malaza indrindra nalaina tao amin'ny Yookhani 15

Hizara

“Ɨne ne muzabiibu, ɨmwe mwe mpaaswa. Umuntu we akwɨkhala mukaasi yaanɨ nɨɨne mukaasi yaakwe, wʉnʉʉyo akwela amatunda aminji, kwe kʉtɨ sita neene mʉtangakhola kʉbhomba lyolyonti.

Mʉjendeelele kwɨkhala mukaasi mʉmwanɨ, nɨɨne ɨnɨkhalaje mukaasi mumwinyu. Anza she ʉlʉpaaswa lʉtangakhola kwela amatunda lwene sita kʉlemeela mu muzabiibu, shɨnɨɨsho nɨɨmwe mʉtangakhola kwela amatunda sita kwɨkhala mukaasi mʉmwanɨ.

Ɨnga mwɨkhala mukaasi mʉmwanɨ nɨɨne mukaasi mumwinyu, pe mʉlaabhaje khokhonti khe mʉkwanza nɨɨmwe mʉtɨpeelwe.

Te mwemwe mwe mwánsebhile ɨne, lyoli neene nábhasebhile ɨmwe na kʉbhasonteelezya mʉbhale mwelaje amatunda, ge gakʉdɨɨla. Woope ʉTaata waanɨ atɨbhapanje khokhonti khe mʉtɨmʉlaabhaje kwɨ taawa lyanɨ.

Atalɨɨpo umuntu we alɨ nʉ lʉgano ʉlʉpɨtɨ kʉshɨla ulu, ʉlwa muntu kuyifumwa kufwa kʉnongwa ya bhamanyani bhaakwe.

Ʉlʉpaaswa lyolyonti lwe lʉtakwela amatunda, ʉTaata waanɨ akuludiba na kʉlwefwa. Ɨleelo ʉlʉpaaswa lwe lʉkwela, ʉTaata waanɨ akulupulundila ɨnga lwele nhaani.

Ɨndajɨzyo yaanɨ ye yɨ yɨɨnɨ, ‘Mʉgananaje anza she ɨne imbaganile ɨmwe.’

Ɨnga mʉkwela amatunda aminji, na kʉbha mwe bhalandati bhaanɨ abha nalyoli, pe mʉtɨlolesye palʉkɨndɨ uwumwamu wa Taata waanɨ.

Pe uYeesu akhajendeelela kʉbhabhʉʉzya abhalandati bhaakwe akhatɨ, “Ɨne ne muzabiibu ʉwa nalyoli, ʉTaata waanɨ we mulimi.

Umuntu we atakwɨkhala mukaasi mʉmwanɨ akʉsʉmbwa kunzi anza she ʉlʉpaaswa lʉkʉsʉmbwa kunzi na kwʉma. Abhantʉ bhakʉteenya na kʉlʉsʉmba mʉ mwoto lʉlʉngʉlɨle.

“Imbabhuziizye zyonti zɨnɨɨzyo ɨnga ʉlʉseshelo lwanɨ lʉbhe mukaasi mumwinyu, nʉ lʉseshelo lwinyu lʉkwɨlane.

Ɨnga mwazɨlema ɨndajɨzyo zyanɨ, mʉtɨyɨɨkhale mʉ lʉgano lwanɨ, anza she nɨɨne inzilemile ɨndajɨzyo zya Taata waanɨ na kwɨkhala mʉ lʉgano lwakwe.

Ɨndajɨzyo yaanɨ kukwinyu yɨ yɨɨnɨ: mʉgananaje.”

Ɨnga mʉbhanje mwe bhantʉ abha mʉ nsɨ ɨnɨ, abhantʉ abha mʉ nsɨ nhanɨ bhabhaganile anza she bhaganiine bhɨɨbho na bhɨɨbho. Ɨleelo ɨmwe te mwe bha mʉ nsɨ, lyoli ɨne imbasebhile kufuma mʉ nsɨ ɨnɨ, kʉnongwa yɨnɨɨyo, abhantʉ abha mʉ nsɨ bhakubhaviitilwa.