Andinin-tSoratra Masina malaza indrindra nalaina tao amin'ny ULÚKU 6

Hizara

Aá yá ācɛ ɔhá ɛhi, cɛ́ɛ́ Ɔwɔicō kē ī yá aá ɛhi. Ɔkwɔɔkwɛyi, aá géē mīyɛ ɔdā nēé le miya omōōmu nēé lɛ abɔ̄ da ɔ́ báajɛ, lɛ ɔ́ gwotū, klla ī ce klɛ́ɛcɛ ā. Okoolo nɛ̄ aá ī miya ɔdā lɛ ɔ̄cɛ ɔhá ā, okoolo ékpó ɔ́ɔmā nēé géē bī le miya ɔdā lɛ aá dúú á.”

Ɔ̄cɛ olɔhi gē gbɛlá ɔdōlɔhi ipú ɔtū kú nū anɔ́ɔ ohígbū ɔ́ɔmā ɛlā olɔhi nōó gē ka á. Ɔ̄cɛ obɔ̄bí gē gbɛlá ɔdōōbɔ̄bí ipú ɔtū kú nū, anɔ́ɔ ohígbū ɔ́ɔmā ɛlā obɔ̄bí nōó gē ka á. Ɔdā nōo yɔ̄ odo kú ɔ̄cɛ ā nɛ̄ okónu gē ka wɛ̄ɛcɛ á.

Amáŋ aá yíhɔtū tá aólɛlā kú aá, aá yá ɔdā olɔhi lɛ uwá. Aá lɛ ije kplá ācɛ, aá leyice kéē gbā ije ā cīgbīhi lɛ aá ŋ́. Ɔwɔicō géē gbā ulé nɛ̄hi lɛ aá. Aá kē géē je pīya ayínɔ̄nyīlɔ kú Ɔwɔicō nōo lɔfú fíyɛ́ dúú ā. Ó gē yá ɔdā olɔhi lɛ ācɛ nēé kōo gē tá ahínyá ŋ́ mā mɛ́mla ācobɔ̄bíipú dúú.

Aá ményinyi ācɛ ɔhá, ɛ́gɛ́nɛ̄ Ɔwɔicō, Ádā alɔ gē ményinyi ɛjɛ̄ɛ̄jī ācɛ ā.

“Aá híīī kɛpɔ̄ tū ācɛ ɔhá ŋ́, cɛ́ɛ́ kú Ɔwɔicō kóō híīī kɛpɔ̄ tū aá ŋ́. Aá híīī ŋmó ācɛ ɔhá okónu ŋ́, cɛ́ɛ́ kú Ɔwɔicō kóō híīī ŋmó aá okónu ŋ́. Aá je ɔdā nɛ̄ ācɛ yá ā yá uwā ɛhi, cɛ́ɛ́ Ɔwɔicō géē je ɛ̄nɛ̄ aá yá ā yá aá ɛhi.

“Amáŋ ń da aá, nēe ī pó ɛlā kú um ā ka aá yíhɔtū tá aólɛlā kú aá. Aá yá ɔdā olɔhi lɛ ācɛ nēe ī wɔ́tū aá. Aá da Ɔwɔicō kóō hɔ́hā ce ācɛ nēe gē tokónu lɛ aá ā. Aá kē gbɔ̄ɔkɔ lɛ Ɔwɔicō ohígbū ācɛ nēe gē yá aá ōwē ā.

Yá ɔdā lɛ ācɛ ɛ́gɛ́nɛ̄ a dɔɔ̄kā kéē yá ga awɔ ā.

Ɔ́dāŋ ka ɔ̄cɛ dúú lɛ abɔ̄ fíyɛ́ uwɔ ahɔ̄ éyi, lɛ ɛga je lɛ ɔ́ kóō lɛ abɔ̄ fīyɛ̄ abɔ̄ ɔhá ā dúú. Ɔ́dāŋ ka ɔ̄cɛ dúú lɛ awulú kú uwɔ kpó, lɛ ɛga je lɛ ɔ́ kóō lɛ úwé kú uwɔ kpó dúú. Je lɛ ɛjɛ̄ɛ̄jī ācɛ nēe bá odée ŋmá ɛgiyí uwɔ ā. Eko nɛ̄ ɔ̄cɛ éyi kwú ɔdā kú uwɔ í kpó, ā híīī mīyɛ ɔ́ ŋmá abɔ̄ nū gɛ ŋ́.

Ɔcí olɔhi í gē gwá ikpō obɔ̄bí ŋ́, ɛ́ɛ́ nɛ̄ ɔcí obɔ̄bí gē gwá ikpō olɔhi glá ŋ́.

É gē jé ɛ́nɛ́ ɔcí dóódu ŋmá lɛ ikpó nōo gē gwá ā. É gē wū ikpō ɔkpɔ́ɔma ŋmá okwɔnyɛbɔ́tū ŋ́, ɛ́ɛ́ nēé kē ī wū alemú ŋmá okwífú ŋ́.