Andinin-tSoratra Masina malaza indrindra nalaina tao amin'ny ULÚKU 12

Hizara

Aá abɔ̄yī aá, dúú, í tútū ohígbū ka Ɔyínɔ̄nyilɔ kú Ɔ̄cɛ í wā eko nɛ̄ aá í leyīce ŋ́ mā”

Ikɔkɔ ɔ́ɔmā, aá yɔ̄ ī yá kú Ɔwɔicō kóō ce ɔcɛ́, cɛ́ɛ́ aɔ́dā mbá ā le pīya ákú dúú.

Ó klla da odúúdú uwā kahíníī, Aá leyī kwɛcɛ cɛ́ɛ́ kú aá gbō iyī aá ŋmá ɛdɔ kú únwū ɔdā ō yá dóódu. Ohígbū kéē gē miya oyēēyī ɔkwɛ̄yi kú ɔ̄cɛ ŋmá agbénú nōó lɛ ā ŋ́, ɛ́gɛ́ dúú nōó lɛ agbénú lɛ nááná”

Ohígbū ka ɔtū kú ɔ̄cɛ géē yɔ̄ ɛga nɛ̄ agbénú kú nū yɔ̄ ā.

Ɔ̄cɛ dúú nōo gē lɛ ɔtū plicō ohígbū oyēeyī kú nū, ɔ́ɔmā í gáā yá kóō jɛ licō lígii fíyɛ́ ɛ́gɛ́nɛ̄ ó lɛ ā glá ŋ́.

Anɔ́ɔ Ujísɔ̄si da ayíkpó kú nū kahíníī, “Ɔ́ɔmā yá nɛ̄ n da aá ka aá híīī lɛ ɛlá wu ɔdā nɛ̄ aá í lé kú aá yēeyī ā ŋ́, ámāŋ ka īlī nɛ̄ aá géē le wiiyē a ŋ́.

Ɔwɔicō kōō jé áluka kú inyilɛyí nɛ̄ a lɛ ɛyí kú aá. Ohígbū ɔ́ɔmā aá yúúfi ŋ́, aá jē Ɔwɔicō eyī nɛ̄ɛnɛ̄hi fíyɛ́ akpáŋdēde alɛwa á.”

“Aá yúúfi ŋ́, aígwu nɛ̄ŋ́cɛ́ kú ɔlɛ́ um, ó géē he Ɔwɔicō ɔtū kóō je ɛga lɛ aá kú aá cɔɔcɛ́ mla anú ajɔ̄ɔ̄cɛ́ kú nū.

Aá leyī yɛ aɔ́tágláma ɛ́ɛ́. É gē nyī īkpɔ̄dɛ̄hɔ̄ ŋ́, é kē ī ce ikpɔ̄dɛ̄hɔ̄ ŋ́. É kōō lɛ aɔ́bā nēe gē kpó īkpɔ̄dɛ̄hɔ̄ kú uwā tū ŋ́. Amáŋ Ɔwɔicō kē í je ɔdōlé lɛ uwá. Aá cɛgbá nɛ̄ɛ̄nɛ̄hi fíyɛ́ aígbáanɔ á.

Ohígbū ɔ́ɔmā, aá yá ɔtū kpoókpoó gē lɛ ɔtū tá ɔdā nɛ̄ aá géē lé ámāŋ ka ɔdā nɛ̄ aá géē gwá ŋ́.

Ɔwɔicō wɛ ɔ̄cɛ nōo gē lɛ īlī wu ácí kú ipácí iyē á. Ácí nēe yēeyī icɛ nɛ̄ óócí nēé le uwá kpó ŋmó, lɛ uwá kpó tū ɔlá ā. Aá gbɛlá ka Ɔwɔicō géē lɛ īlī wu aá iyē fíyɛ́ ŋ́ nɛɛ? Ɔtū nɛ̄ aá le ce Ɔwɔicō ā í nwuné ŋ́.

Ɛjɛ̄ɛ̄jī ɔdā dóódu nɛ̄ ācɛ yá tayínū kpɛ́mm ā, Ɔwɔicō géē je ɔ́ ca klɛ́ɛcɛ gēdēē.