Andinin-tSoratra Masina malaza indrindra nalaina tao amin'ny Ubwandilo 28

Hizara

Ukēte: Une ndi nanụngwe kangi nịsakujaga na nụngwe. Kōsa kuno kubūkaga, nịsakukutwalaga kangi nkị̄su kikiki. Ndịsakukulekaga na panāndi mpaka mbōmbe isị nakubulịle.

Po papo alinkummbona UNTWA īmịle pabupị̄pị nagwe, alinkummbūla alinkuti: Une ne NTWA Kyala gwa gūso Abụlahamụ ne Kyala gwa Ịsịhaka. Ikị̄su iki ulāmbalelepo kyo nịkukupaga ugwe na banndujụ̄ngụ lwako.

Po papo Jakobụ alinkulēmbuka ntulo alinkujoba alinkuti: Nalolị UNTWA alịpo pa bujo ubu, une ngāsyagēnịe.

Jakobụ alinkufị̄nga ulufị̄ngo, alinkuti: Linga Kyala ali nanịne, linga ịkūnyūbatila une mōsa mụno ngwenda, linga ịkūmba une ifyakulya nifyakufwala; kangi linga njịle kugomoka ukwịsa kumyitu nu lutēngāno kisịta butolwe, po lelo UNTWA ịsakujaga jo Kyala gwangu. Ilị̄bwe lilili, ili ndikūmbị̄le apa ukuja mbānda, lya kukumbukilamo, lyo lịsakujaga nyụmba jāke Kyala; po lelo fyosa ifị āmbēle umwene nịsakumpāgulilangapo ifya pị̄lōngo.

Bịsakubālaga fị̄jo, bịsakujaga bo ulufụ̄mbi lwa kị̄su kangi bịsakubalanịlaga mfị̄su fyosa, na kubujōngelo na kubusōkelo na kulūlu na kwịtōngo, ifịkolo fyosa ifya bāndu fịsakulwagilaga ulusajo mmyako ugwe.

Po papo alinkubupa ubujo bububu īngamụ ja Betelị, lolị pakwanda īngamụ ja kāja kala āli jo Lụsu.