Andinin-tSoratra Masina malaza indrindra nalaina tao amin'ny Yohanes 1

Hizara

Tapi isema-sema nantarima Ia bo nomparasaya Ia, nidekeikaNa kuasa majadi ana-ana nu Alatala.

Ri lamba pamulana naria mamimo Tesa nu Alatala. Tesa haitu nosinggani-nggani ante Alatala, bo Ia nasimbayu nte Alatala.

Reme haitu nevanta ri kalandana ri dunia hitu. Bo kalanda haitu ledo ntoto nompakule mompepayana.

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Iamo nipopale nu Alatala nompajadi pura-pura anu naria. Nau sangaya ledo ria rapajadi ane ledo lako nte Ia. Iamo puna katuvua nabelo, bo katuvua nabelo nompakareme pekiri nu manusia.

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

Tesa nu Alatala naria mamimo ri dunia, tapi nau Ia nipopale nu Alatala nompajadi dunia, manusia ri dunia ledo nadota nangisaniNa. Ia nakava ri ngataNa mboto, tapi tona ri ngataNa haitu ledo nadota nantarima Ia.

Reme haitu reme nakana anu nakava ri dunia mompakareme pura-pura manusia.

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.