Andinin-tSoratra Masina malaza indrindra nalaina tao amin'ny Lukas 17

Hizara

Oyo iasau honu osi ia hanaie rei. Iahata, “Hitio roe na anunia. Ano aparisaa tanuku reiso Anahatana isuisenea nea.”

Sani kakam wanim rei iuna sana tanua nai itu tau onone rei sirinia oyo ieu mai tanua sui osa na iahata, ‘Mka au una san rei tewa nea. Usopa koku roua na pene apasanaku ee.’ Areimo pene anom resaa tanui nea.”

Ia isa arihoni sio hutusa rei inoo ata ne kupue rei iake nea. Oyo iuni iai-ainaa runa Anahatana nioi mainae. Iasau ata, “Uainisi iake arihonia, Upuku! Tau we kupue iake nea!” Oyo ieu noi Yesus oyo irike tune mai Yesus uai anoe iahata, “Ama, uainisi iake arihonia. Tea mo, we kupue iake nea!” Ia hanaie rei mo, ia Samaria. Sio Samaria mo, sio Yahudiu no sukaso tewa.

Reiso, oainati na ruamo. Sani anoo kakam wanim isa wain iparisaa tanuku iuna sana, areimo kahurae akapuku tanui. Sani iarihoni ne rosa rei, pene anom resaa tanui nea.

Oyo Yesus iasau osiki. Iahata, “Usuisene omi hutusa tea? Oo sio sia mo, wasonpa?

Yesus iasau ata, “Kanapua kanie mo, ikine man. Ne reruhu reuna ai onate. San rei oi na omi. Sani oparisaa mkane man sani kanapua kanie ikine rei, omi mo, mka oasau tau ai onate isa ata, ‘Ai onate! Asukaya arihon naniam na aeu nau nuae na aruhu nau rei!’ Oyo orase rei sirinia, ai rei resukai nau nuae.”

Ia sia wain iamahaiki pusu Au tewa, mka iamahaiki ikata Anahatana rotu-tu ria supan tewa. Ne ia seia wain iamahaiki ipusu Au, mka iamahaiki ikata Anahatana rotu-tu ria supan.

Taue isa Yesus ianamana osi ne mampusua, iahata, “Mai tuniai reini mo, mka mo imin tau sae man. Reiso mka sio oreamo sui osa na opalalosa. Ne mka siraka tau sio wasoni oreamo rei. Sani ia isa irea ia isa wain iparisaa ia-ia tau Au tewasi na ipalalosa mo, nene iake okanihoo hatu mainae roe ia wain irea ia rei tionai oyo omokoi nau nuae. Omi ata kani areimo oapasanai mtinte, ne Anahatana mka iapasana sio wason ouna ia isa ipalalosa. Iapasanai mtinte renesi honu sani omokoi nau nuae.

Ne orase wani Au Tumata Reini mo, Anahatana Ihitiku, nanie uhokaku mai tuniai reini honu, mka mansiau ouna sani naone ouna tau Nuh ne naene. Tau Nuh ne naene rei, Anahatana nanie iapasanaso, ne anoo rauponu runai tewa. Hasae oai, oninu, na oausaha sirinia. Ouna sani rei sirinia rotu-tu Nuh sio osaaso roe kapane anoe. Osaaso roe, oyo sira tau waene onate resaa rotu-tu sio wason nau kapane rei mui mo, omoko pusiso.