Andinin-tSoratra Masina malaza indrindra nalaina tao amin'ny Mbombo tsa Vapositili 2

Hizara

ɄPetulo akavaanda akata, “Ʉmuunu mpamato mpamato mwanyie pannogye alaate imbiivi tsa mwene, nʉ kwotsiwa mu litaawa lya Yɨɨsʉ Kɨlɨsiti, pakʉta asyɨkɨlwe imbiivi itso, nʉ kwʉpɨlɨla ʉMepo ʉMbalatse.

Avɨɨdɨki vooni valɨkʉgendelela ʉkʉmanyila ʉkʉhʉma kʉ vapositili, valɨkwɨvopa paninie, valɨkʉlya nʉ kwʉpɨlɨla iSiinu iSivalatse paninie, ikange valɨkʉnʼdoova ʉNgʉlʉve paninie.

Avaanu vooni vakadɨtsiwa amaka ga Mepo ʉMbalatse, vakatengʉla ʉkʉtsova kʉ nzovele itsinge, ndʉwʉ ʉMepo ʉMbalatse aavapye ʉkʉtsova.

Wʉ vataamile mulya, baaho kʉkapʉlɨkɨka ʉlwʉjɨɨlo ʉkʉhʉma kʉkyanya ʉlwale ʉta nkuluguuto ʉmbaha. Ʉlwʉjɨɨlo ʉlwa lʉkiitsa lʉkadɨga ɨnyumba jyoni ʉmwʉ vaataamile. Baaho vakavona isiinu isivyʉta ndimbo tsa mwoto, sikɨgavania, nɨ kɨnge kɨkatsiiva pakyanya pa mpamato mpamato. Avaanu vooni vakadɨtsiwa amaka ga Mepo ʉMbalatse, vakatengʉla ʉkʉtsova kʉ nzovele itsinge, ndʉwʉ ʉMepo ʉMbalatse aavapye ʉkʉtsova.

Valɨkʉlʉndamana isigono syoni mu lʉvɨgo lwa tembile kukɨsaja. Kange valɨkʉlʉndamana mu nyumba tsa veene pa kʉlya na pa kwʉpɨlɨla iSiinu iSivalatse paninie mu lʉhekelo na mu lʉgano. Valɨkʉnʼginia ʉNgʉlʉve, na vaanu vooni valɨkʉvakeela avɨɨdɨki. Isigono syoni ʉNtwa ʉYɨɨsʉ alɨkʉgendelela ʉkʉvapoka avaanu, pwʉ nɨ mbalɨlo jya veene jɨkagendelela ʉkwongelela.

‘Mu sigono sya kʉ vʉsililo ndɨlavaduudila ʉMepo vango avaanu vooni. Avaswambiinyo na valɨviinyo valapʉlɨsaaga ɨlimenyu lya Ngʉlʉve, avaana viinyo avalʉme valatsivonaga imbonekelo, na vanzagɨla viinyo valagonaga amagonasivi.

Avɨɨdɨki vooni valɨkʉva kɨɨnu kɨpamato, isiinu sya veene syoni silɨkʉva sya vʉhange. Valɨkʉgʉtsa isiinu sya veene. Indalama itsʉ vaakavaga, valɨkʉgavania ʉkʉkongana nʉ kwagɨlwa kwa mpamato mpamato isiinu sya kʉntanga.

Ʉmuunu ʉvaveetsaga ʉvidoova ʉvʉsyɨkɨlo wa mbiivi tsa mwene nʉ kʉlɨhʉʉvɨla ɨlitaawa lya Ntwa ʉNgʉlʉve, alapokwa.’”

Nakwene kʉkyanya ɨlitsʉva lɨlaandʉka lɨlaava ngʼiisi, nʉ mwetsi gʉlavonekaga inʼduungʼu ndʉ nkisa. Itso tsyoni tsilahʉmɨla wʉ ʉwɨɨmɨkiwa wa Ntwa ʉNgʉlʉve vʉkaanale ʉkʉvoneka mu kɨgono ɨkɨvaha kɨlya.