Andinin-tSoratra Masina malaza indrindra nalaina tao amin'ny Mə́líʼkus 10

Hizara

Kɛ́lɛ lɛ́, mɛɛ́nyɔ́amɔɛ́d Mɔɔ́n o mɔɔd, ntiʼkə́əgiim a nsí yɛ́ɛnɛ lɛ́ ná pɔɔd aa pɛ́ɛnɛɛ́ munə́mbí móam, ndóo. Njíím lɛ́ ná mɛ áa nyɛ́ɛnɛɛ́ inə́mbí yɔ́ɔ́bɔn, ndɛ nyɛɛ́ʼkɛn ɔlaa wáam agɛɛlɛ lɛ́ nyááŋɛn ɛ́fɔlɛ́ ɛ́ pɔɔd.»

Yə́sus ayɛ́bodɛ́ʼtɛg a udi log log log, náa ɔnɔ́ na pɔ́lɛ́: «Ɛɛ́ɛ, kɛ́lɛ náan fɔ́lɔ́b lɛ́ a mɔɔd na mɔɔd, ngə́ ɛgɔɔ́yɔ́ɔyɛ ɛdɛɔ́gɔ. Náa a Táán, ímuʼ na ímuʼ yɛ́ ɛ́lɛɛ́ ɛ́gomoyag ɛ́dɛɔ́gɔ lɛ́ nyɔ́lɛ́ ogóódi toɛn tó kɛɛlɛ yiim.»

Náa Yə́sus ɔnɔ́ na nyɔ́lɛ́: «Mɔɔ́n wo mbáa, tod áaá! Omɔ́ɔy lɛ́ omáág oʼto na Táán.» Əgín kɔ áay kum a nsí, əə́bə́ə́ kodɛ́ʼtɛganan. Ayɛ́ɛ əgiim ə́yə́njən Yə́sus kɛnɔ kiim.

Mɔɔd oʼkóodi anɛ́ɛ́n lɛ́ ásaa nkə kɛ́ Táán áálad!»

Ná mɔɔd nyóon yiísə́ə́ náan, Yə́sus aáság komodɛ́ʼtɛg yəə́b. Yɛɛ́nyɔ́ga na nyɔ́lɛ́, náa ɔnɔ́: «Ɛɛ́ɛ, yoom yáʼkogoólɔbɛn ímuʼ súg: Tod, ólɛga nkə kiim kɛ́ ugódíí. Mɔɔnɛ́ móom wáaban mɔsɔ́gasɔ́gá ná wíim anɛ́ɛ́n wínjə́ən, wagɛɛn na tugúm a mɔɛn.»

Yə́sus əyímuŋíən ɔnɔ́ əə: «Olɛ əgiʼkíŋə lɛ́ nyɛ́ɛlɛ tuə́ na wɛ ə́?» Náa mɔɔd ɔnɔ́ na nyɔ́lɛ́: «Kɛlág, ndaanyɔ́ŋɛn lɛ́ wɛ́nyɛɛlɛ nyíiʼkini kodɛ́ʼtɛganan.»

Náa, a pəŋi, kíʼkóodi lɛ́ kíɛn náan, ndóo. Kíɛn agá lɛ́ nyɔ́ alɛɛ́ anyɔ́ŋɛn kɛɛn kɛgóʼkóón, yáyáánɛ inə́mbí ɛ́ pɔsɔ́g.

A fɔ́lɔ́b ndabodɛ́anɛ lɛ́ nyɔ́ əsiədinií Nɛlaamɛʼ nɛ́ Táán wɔnɔ́ ná ɛyaa ɛ́ moóngaa, nyóon adɛndɛ́ɛ́ kosɔd a nɛ́lɛ́.»

Piíŋ pá pálɛɛ́ nɛ́gɔŋ yuudi pálɛ́ɛ́ kuúlini ngim. Piíŋ tɛn pá pálɛɛ́ nɛ́gɔŋ ngim, pálɛ́ɛ́ kosan yuudi.»

Náa, əgín kɔ́gɔ́ɔg a niə́bə́ə ná Táán ayɛ́ɛ aáʼkɛɛlɛ muim, ayɛ́ɛ́lɛ mɔɔd lɛ́ na ɔnɔ́mɛɛd na ɔʼkɛ́ɛd Kólɛ́ aa ɔnɔ́mɛɛd alɛ́ɛ́ kudi ə́mə́dí sɛ na ŋŋí agɛɛn agaálad na oʼkán. Pándɛ anyóon úmmuʼ súg, pə́ndigi kə́mmú nto ɛ pɔɔd ɛ́baan.