Andinin-tSoratra Masina malaza indrindra nalaina tao amin'ny Матфейица бицараб Рохалил хабар 5

Hizara

Кӏалагъоркье гьабун сахӏ тӏад лъезе гуро чирахъ бакулеб, рокъор ругел киназего канлъи кьезе борхатаб бакӏалда лъезейин. Гьедин нужер нуралъги канлъи кьеги гӏадамазе, нужер лъикӏал ишал гьезда рихьизе, зобалазда вугев нужер Инсуе гьез реццги гьабизе.

Нуж руго дуниялалъе нур. Борхатаб магӏарда бугеб шагьар кин бахчизе кӏолеб?

Гьардарал гурищ гьел, ракӏ бацӏцӏадго бугел, – гьезда Аллагь вихьизе вугелъул.

Гьардарал гурищ гьел, ритӏухълъиялъухъ ракъарал-къечарал, – гьел гӏорцӏизе ругелъул.

Дицани нужеда абулеб буго: нужерго тушбаби рокьа, нужее гӏазаб-гӏакъуба кьолелги дугӏадулъ рехсе.

– Гьардарал гурищ гьел, Аллагьасда цере жал мискинго рукӏин лъалел, – гьезие бугелъул Зобалазул Парччахӏлъи.

Гьардарал гурищ гьел, ракълие рачел къалел, – гьезда Аллагьасул васалилан цӏар лъезеги бугелъул.

Гьардарал гурищ гьел, гӏодулел ругел, – гьел рохизаризе ругелъул.

Гьардарал гурищ гьел, ритӏухъго хьвадунилан гӏадамаз гӏакъуба кьолеб бугел, – гьезие бугелъул Зобалазул Парччахӏлъи.

Гьардарал гурищ гьел, гурхӏел-рахӏму бугел, – гьездаги гурхӏизе вугелъул.

Гьардарал гурищ нуж, – дун сабаблъун нужеда рогьо балеб мехалъги, нужее гӏакъуба кьолеб мехалъги, гьечӏеб рагӏи нужеде абулеб мехалъги – рохизе ругел. Роха-хинлъун рукӏа, разиго рукӏа, Зобалазда кӏудияб шапакъат щвезе бугин нужее. Цересел аварагзабазеги кьедал гӏадамаз гьедин гӏазабги гӏакъубаги.

Гьардарал гурищ гьел, хӏалимаб гӏамал бугел, – гьезие щвезе бугелъул дуниялалъул кверщел.

Нуж руго гьаб дуниялалъул цӏам. Амма гьелъул цӏамгӏаллъи холеб бугони, гьеб кин кӏиабизе цӏамгӏаллъизабилеб? Халкъалъ хӏатӏикь мерхьине гӏодобе бани гурони, сундуениги къваригӏунаро гьебмехалъ цӏам.

Гьединлъидал нужги камилаллъун рукӏа, Зобалазда вугев нужер Эмен камилав вугев гӏадин.

Бугелда бугин абе, гьечӏелда гьечӏин абе, хутӏарабщинаб рагӏи илбисалдасан бачӏараб буго.

Нужеда лъала: «Бералъухъ къисасалъе бер бахъе, гӏусалъухъ гӏус бахъе», – янги амру букӏараблъи. Дицани нужеда абулеб буго: квешлъи гьабурасда дандечӏоге. Дур кваранаб кӏаркьеналда кьабуни, квегӏаб кӏаркьенги ккве гьесда цебе.

Дур кваранаб бералъ мун мунагьалде цӏалев вугони, бахъун рехе гьеб. Цо лага камиго лъикӏ дуе, тӏолабго черх жужахӏалъул цӏадабе рехизегӏан. Дур кваранаб квералъ мун мунагьалде цӏалев вугони, къотӏун рехе гьеб. Цо лага камиго лъикӏ дуе, тӏолабго черх жужахӏалъул цӏадабе ккезегӏан.