Andinin-tSoratra Masina malaza indrindra nalaina tao amin'ny Genesis 32

Hizara

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

As dooyrt eh, Lhig y raad dou, son ta’n laa brishey: as dooyrt eh, Cha lhig-ym yn raad dhyt, mannagh jean oo mee y vannaghey.

As va Jacob faagit ny-lomarcan: as ren dooinney gleck rish, derrey brishey’n laa.

As denmys Jacob yn ynnyd shen Peniel; Son ta mee er vakin Jee eddin ry eddin, as foast ta mee bio.

As tra honnick eh nagh chossyn eh er, venn eh rish kione e lheeasid: as va slheeasid Yacob ass ynnyd, myr v’eh gleck rish.

As dooyrt eh rish, Cre ta dty ennym? as dooyrt eh, Jacob.

As dênee Jacob jehsyn, as dooyrt eh, Insh dooys, ta mee guee ort, dty ennym’s: As dooyrt eh, Cre’n-fa te, dy vel oo briaght son my ennym’s? as vannee eh eh ayns shen.

Cha vel mish feeu jeh’n ayrn sloo jeh ooilley ny myghinyn, as jeh ooilley yn chenjallys ynrick t’ou er hoilshaghey da dty harvaant: son cha row aym agh my lorg tra hie mee harrish yn Jordan shoh, as nish ta mee er jeet dy ve daa heshaght vooar.

Shen-y-fa cha vel cloan Israel gee jeh’n feh ren shyrgaghey, t’er kione y lheeasid, derrey’n laa t’ayn jiu: er-y-fa dy venn eh rish kione slheeasid Yacob ayns y feh ren farbagh.

As dooyrt Jacob, O Yee m’ayr Abraham, as Yee m’ayr Isaac, yn Chiarn dooyrt rhym, Chyndaa reesht gys dty heer hene, as gys dty chynney, as neem’s dellal dy mie rhyt

Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.