Andinin-tSoratra Masina malaza indrindra nalaina tao amin'ny Lukéstar 6

Hizara

Den‐ta, thai kadél tuménge o Del, lačó kiló, thai t’ovél lačés basdimé, lačés stégnato, thai pó‐pherdó, thai kadél tut o Del čoká. Sar te merínen tumé, čoká kamerínen tuménge‐da.

Jek lačó manúš kerél lačipé katár po vogí, lačó kai isí: o bilačó manús kerél khanelipé katár po vogí, khaniló kai isí. Sóske kána pherdó isí o vogí, varesó, e móstar‐da čhórjol.

Amí te dukhán tumaré düsmanjénge, te kerén lačipé, te den páres, bez te na mangén palál váreso, čoká barí k’oovél tumarí nagráda (katár o Del), thai k’oovén e Baré‐Devléskere čhavé, ov kai isí lačó e manušénge, e bilačéngeda thai e namkjurjénge.

T’oovén rahmáni, sar tumaró Dad‐da rahmáni isí.

Ma sudínen‐ta, ta te ne ovén sudimé, ma osudínen, te na uvén osudimé. Prostínen‐ta, ta t’ovén prostimé.

Amí phenáv tuménge, kai šunén: Te dukhán tumaré düšmanjénge; kerén lačipé odolkénge, kai tumén namrazínen. Te blagoslovínen okolkén, kai akušén tuménge, te molínen‐tumén e Devléske asál okolkénge, kai klevetínen tumén.

Sar mangén tuménge te kerén o džené, kerén tumé lénge‐da.

Kána jek murš marél tumén e čhamáte, te sikavés i javér‐da. — Odovká murš te lel tuméndar ti rúba, den léske o gad‐da. Te den saoŗénge so mangén tuméndar, thai kon lel tumaré šéxja, ma mangén léstar o šéxja napálpale.

Nanái lačó kašt ta te del bilačó plódos, ili bilačó kašt ta te del lačó plódos.

Amí pe plodéstar aští pendžárdjovel o kašt, lačó kai isí. Nána kíden indžírja e kaŗéndar, nána kíden o drakhá katár o kaŗé.