Andinin-tSoratra Masina malaza indrindra nalaina tao amin'ny Lúg 12

Hizara

Ví á̧ḿ, i mbaa bə́', moo ı̵́ míí Tayɨɨ ka ba'an ya yɛ, sey a̧n fíí ya tée, víń gaa né.”

Séý i dəŋ soo gbaŋ waalı̵́ Tayɨɨ woo pȩ́ń tée, sı̵́ń ha'ad ví hȩn ı̵́ yȩ vu̵ té'.”

Duu o̧d dúú vu̵: “I gággú̵. I kɔ́ ɗɔgɔm sá, moo hȩn naa há'an nán vu̵ nɔm né, kóó a ɓu̵u̵ ú̵ si̧'.”

Moo ya hȩn naa víí ku̵u̵ du̵u̵lı̵́ máa, zó̧ó̧ víí vu̵ du̵u̵lı̵́ á̧ḿ.”

Nóo víílí sa̧a̧mé, dam gbɔ́lı̵́ woo ka há"u̵ nɔm waaná' agalá?

Yesu duu o̧d waa duulí woo vu̵: “Moo woo nɔ mí o̧d ví, i gbɔ́ dam moo fó̧ó̧ víí sá, kan hȩn lálı̵́ víí vu̵, kan sa̧a̧m dɔ́lı̵́ víí vu̵ sá á̧ḿ.

Wá' yúú hú̧' víí vu̵ 'waa sú̵'ú̵ á̧ḿ. I kɔ́ dú̵ú̵ sá; Tayɨɨ hí̧í̧ ví mba dȩ' naag vu̵ ɓu̵u̵lı̵́ na'a.”

Yesu duu o̧: “Hú' mbee waaná' yɛ ví, i kɔ́ dú̵ú̵ sá. To̧o̧d Ba' víí Tayɨɨ moo bi dɔd ví gbaŋ waalı̵́ woolı̵́.

I tə́g lá ví kpa̧a̧naag vu̵ yu̵, vu̵ ban hȩn né, vu̵ su̵gu̵n hȩn bab vu̵ né, vu̵ kan lig hȩn 'yɛ́lı̵́ pɛ́lı̵́, a̧a̧ pɛ́lı̵́ á̧ḿ. A̧máa kóó ı̵́ yo̧go̧ si̧', Tayɨɨ dɨ vu̵ hȩn lálı̵́ pú̵lı̵́ɨ. Máa, víi mban nɔ́g waa vu̵ náa?

Ɨ́ víí, i soo hȩn vu̵ daa, i o̧: ‘Vɔ́ń lá ȩná?’, ‘Vɔ́ń zɔ ȩná?’ sá. I gbɔ́ dam sá á̧ḿ.

Ɓəə máa, hó̧d dii hó̧g tíŋ́, yɔ́gɔ́ vú̵ń saawu̵ gbɔ. A̧máa Tayɨɨ dɨd vu̵ sa̧a̧m dɔ́lı̵́ ı̵́ yo̧go̧, ma dan tóó víaa? Nán moo fȩȩlȩ́ waaná' yɛ víw.

Moo hȩn tóó ba wáy, ban kúu ní máa wú̵ń pɛ́lı̵́. Kóó hȩn tóó ba yú̵g, nán ban gaa né máa pɛ́lı̵́.