Andinin-tSoratra Masina malaza indrindra nalaina tao amin'ny Talfut Kese 17

Hizara

Beli, Abalam em itol e 99 kele ding dim bakate, Yawe e teleko, Abalam elo weng mak bokolewomele: “Nem wiin e Elsadai te! Ku nem weng afak keko, kakabomelewi, nem kiin dim kel kiol kuw kukuw gelewemolewka!

kasike, kom wiin e Abalam be koleweko, wiin kikis Abalakam kangi te. Nimtew angom? Kulo kunum mongom angom banso im alew kekemi kasike.

Kuso amkoko, duku kemi sunsun kitakamin weng be nam banime te. Kom muluwel dow so, im dukudak dukudak kelokoliw kawtiw biso, kitakamin weng be kait diwkuw diwkuw belei, awet keko, nam banime te. Feinka! Nakalem ete kuso, kom muluwel dow iso, alik alik yom Sunbin-Got nete te.

“Kuso dukukabi kitakamin weng be kanekote: Kawtiw banban im kunum mongom kekemi

Dangse kate, Sunbin-Got e yan weng bokolewomele: “Bayo! ‘Sala u kunum aul mak duku kemoku te.’, kangi weng be fein weng te. Kunum aul beem wiin e Aisak dangolewka! Feinka! Eso, akalem muluwel dow iso, kangsi kitakamin weng be dukusomi, diwkuw diwkuw ibolow fukunboki te.

Kame kilele kilila! Ku kakow kunum keko, Kenan kawtiw im aneng kakabelew kate, aneng kale ku so, kukalem muluwel dow iso, alik alik yulo diwkuw diwkuw fein kuw yukalem duyemoki te. Duyemsomi, alik yom Sunbin-Got kebi te.”, dangse kale.

Dangeko, Abalakam e kawin dim dak katin bukbuk gatak wakas angese kate, abenggise kale. Nimtew angom? E ibolow fukunomele: “Nem itol e 100 kese kasike, aul mak nam kaili te! Sala ukal fasel kesomi, um itol e 90 kese kasike, u ki keko, aul mak nam dukuloku kai!”, angse kasike.

Dangeko, Sunbin-Got e Abalakam elo weng makso mak bokolewomele: “Kom kalel um wiin Salai kame koleko, um wiin kikis e Sala wanga!

Yom dulum duyembi kitakamin weng beem anung e kanekote: Yu kunum alik alik im kal e okiloliwka! Okilew kemin beem mongom ete neso yuso alik alik nu kilele kal keluwete: Neso yuso tele tele beem dim e kitakamin weng be kait diwkuw diwkuw boke te.

Kate, nem kitakamin weng be Sala um min Aisak em dim elo kuw dulewoki te. Makmak itol banime ding dim kabalak, u Aisak beelo fein dukuloku te.”, dangse kale.

Kitil weng be kunum angom alik alik im dulum bakayembi te. Kunum aul dukului, em duan kel ding kele ding dim bakate, yu im kal okiyem kemoliwka! Kom muluwel dow dukudak dukudak kebomi, bokoliw ding dim bakate, alik alik biilo kaneko kukuw kuw keyemboliwka! Yukalem weng afak kunum ikal, weyembiliw kunum ikal, yukalem weng afak waneng im kunum aul ikal, alik alik yom dim biliw kunum angom biim kal bakal okilew keyemboliwka! Kebiliw kawtiw bi fein nem sunsun kuw boke kitakamin weng beem afak kawtiw kebiliw ite te.