Andinin-tSoratra Masina malaza indrindra nalaina tao amin'ny Genesis 39

Hizara

Tinebangan te Timanem si Jose, aw mèpiya se kedita te eg-inangen din. Ininang sikandin sineligan doton te balay te amo din sìyan tege Ehipto.

Insalig din se kedakel te kedònan din diyà ki Jose, so dalem te pegpengibing i Jose kenyan, wedad palos keilangan eneng-enengen din, olò kànen din se egpemellien din. Nayan, mèpiya se bawa i Jose aw magsen se lawa din.

aw ininang din sikandin egpengibing te kedita te otaw kineleboso, aw sikandin se simogò aw eden se inangen dan doton didalem te keleboso.

Impedakep din si Jose aw impekeleboso doton te kotà egsolan te selotan te menge otaw ipegpelumun din. Yan se sinolan ki Jose. Meneng tinebangan sikandin te Timanem, aw gayed dakel se pedowan te Timanem kandin. Neluba se otaw egbantay te keleboso ki Jose

Wedà kenamay, neibeg se esawa i Potifar ki Jose aw minikagi sikandin, “Layok ka den kanak.” Meneng mig-eked si Jose, aw timaba sikandin, “Wedad palos keilangan eneng-enengen te amo ko so sineligan a din. Insalig din se kedakel te kedònan din diyà kanak. Iling te onawa se kelangkaw ko diyà te kelangkaw din dini te balay seini. Wedad palos wedà din seligi diyà kanak olò sikona, so esawa ka din. Eked kepakay aw meg-inang a te medaet iling kenyan. Eked kepakay aw meg-inang a te salà diyà te Timanem.”

Doen sebad aldaw, minawop si Jose te balay so doen inangen din doton, aw wedad doma sineligan kidoen. Yan minawid se bayi te buktun te saol i Jose, aw minikagi sikandin, “Layok ka den kanak.” Ayas limowà si Jose lekat te balay aw kimadas sikandin, meneng netenanan din se saol din inewidan te bayi.