Andinin-tSoratra Masina malaza indrindra nalaina tao amin'ny Ohabolana 29

Hizara

Mamandrika ny tahotra olona, fa izay matoky NY TOMPO no tsy hanana ahiahy.

Raha tsy misy fahitana dia atondraka hanaram-po amin’izay tsy mety ny olona; fa raha mitandrina ny lalàna kosa izy dia sambatra!

Ny hatezeran’ny adala dia avoakany avokoa, fa manindry fo kosa ny hendry.

Ny tsorakazo sy ny anatra no manome fahendrena, fa ny zaza avela hanao izay tiany hatao dia mampahamenatra ny reniny.

Anaro ny zanakao dia ho famelombelomana ny fonao izy, sady ho fifalian’ny fanahinao.

Ny fiavonavonan’ny olona no hampietry azy, fa hahazo voninahitra kosa ny manetry tena.

Ny olona mora tezitra dia manetsika ady ary ny olona masiaka dia be fahadisoana.

Hitanao va ny olona faingam-bava? Ny adala aza misy antenaina kokoa noho izy.