Andinin-tSoratra Masina malaza indrindra nalaina tao amin'ny Ohabolana 17

Hizara

Izay tena sakaiza tokoa dia tia amin’ny andro rehetra ary ny rahalahy dia nateraka hamonjy amin’ny fahoriana.

Ny fo ravoravo dia mahasalama tsara, fa ny fanahy kivy mahamaina ny taolana.

Izay mikatsaka ny fihavanana dia manarona heloka, fa izay mamohafoha heloka mampisaraka ny tena mpisakaiza.

Izay mahafihim-bava no manam-pahalalana, ary izay mahatsindry fo no manan-tsaina.

Na ny adala aza raha tsy miteny dia toa hendry, ary izay mahafihina ny molony dia manan-tsaina.

Tsara ny sombi-mofo maina misy fiadanana noho ny trano feno hena misy fifandirana.

Ny manomboka ady dia toy ny manata-drano; koa ilaozy ny fifandirana dieny tsy mbola mifandramatra.

Izay manamarina ny meloka na izay manameloka ny marina dia samy fahavetavetana eo imason’NY TOMPO.