Andinin-tSoratra Masina malaza indrindra nalaina tao amin'ny Nehemia 9

Hizara

Nefa niavonavona ireny razanay ireny ka nanamafy ny hatony ary tsy nihaino ny didinao; nandà tsy nety nanaraka izany izy sady tsy nahatsiaro ny fahagagana izay nataonao teo aminy; fa nanamafy ny hatony izy ka nikomy sady izay nanendry mpitarika mba hiverenany ho any amin’ny fahandevozany; kanefa Andriamanitry ny famelan-keloka Ianao ka miantra sy mamindra fo, mahari-po sady be famindrampo ka tsy nahafoy azy.

Ianao dia Ianao irery ihany no TOMPO; Ianao no nanao ny lanitra, dia ny lanitry ny lanitra, mbamin’ny kintany rehetra, ny tany sy izay rehetra eo aminy, ny ranomasina sy izay rehetra ao aminy, Ianao no mamelona azy rehetra; ary ireo marobe any an-danitra dia samy miankohoka eo anatrehanao.

kanefa noho ny haben’ny famindramponao dia tsy mba nahafoy azy tany an-tany efitra Ianao; ny andry rahona izay nitondra azy teny an-dalana dia tsy niala taminy raha antoandro, toy izany koa ny andry afo izay nampahazava azy nony alina dia hahitany izay lalana tokony halehany. Ny Fanahinao tsara dia nomenao azy koa hampianatra azy, ary tsy niaro ny mananao tsy hohaniny Ianao sady nanome azy rano raha nangetaheta izy; eny, efapolo taona no namelomanao azy tany an-tany efitra ka tsy nisy zava-mahory akory izy; tsy rovitra ny fitafiany ary tsy nivonto ny tongony.