Andinin-tSoratra Masina malaza indrindra nalaina tao amin'ny 1Samoela 2

Hizara

Tsy misy masina tahaka NY TOMPO satria tsy misy afa-tsy Ianao; tsy misy vatolampy tahaka ny Andriamanitsika.

Izy no manangana ny fadiranovana avy amin’ny vovoka sy manandratra ny mahantra avy eo amin’ny zezika mba hampiara-mitoetra azy amin’ny olo-manankaja sy hampandova azy sezam-boninahitra. Fa an’NY TOMPO ny andrin’ny tany ary eo amboniny no ametrahany izao tontolo izao.

Ny tongotry ny olo-masiny dia tandremany, fa ny ratsy fanahy kosa dia hampangininy any amin’ny haizina, satria tsy amin’ny hery no handresen’ny olona.

NY TOMPO no mampahantra sy mampanankarena; Izy no mampietry sy mampisandratra.

NY TOMPO no mahafaty sy mahavelona; Izy no mampidina ho any amin’ny fitoeran’ny maty* sy mampiakatra avy any.