Andinin-tSoratra Masina malaza indrindra nalaina tao amin'ny 1Tantara 16

Hizara

Mitadiava NY TOMPO sy ny heriny, katsaho mandrakariva ny tavany!

Miderà NY TOMPO fa tsara Izy, fa mandrakizay ny famindrampony!

Miderà NY TOMPO, miantsoa ny anarany! Ampahafantaro ny firenena ny asany!

Ataovy ho reharehanareo ny anarany masina! Aoka hifaly ny fon’izay mitady NY TOMPO!

Tsarovy ny asa mahagaga izay nataony, dia ny fahagagana nataony sy ny fitsaran’ny vavany

Mihirà ho Azy, mankalazà Azy! Saintsaino ny fahagagana rehetra ataony!

Fa lehibe NY TOMPO ka mendrika hoderaina indrindra, sady mahatahotra, fa ambonin’ny andriamanitra rehetra.

Omeo NY TOMPO ny voninahitry ny anarany! Manolora fanatitra ka mankanesa eo anatrehany! Miankohofa eo anatrehan’NY TOMPO amin’ny fihaingoana masina!

Famirapiratana sy voninahitra no eo anatrehany, hery sy hafaliana no ao amin’ny fitoerany.

Mihirà ho an’NY TOMPO, ry tany rehetra! Lazao isanandro isanandro ny vaovao mahafalin’ny famonjeny!

Ambarao any amin’ny Jentilisa* ny voninahiny, ary any amin’ny firenena rehetra ny fahagagana ataony!

Aza mikasika ireo Voahosotro, ary aza manisy ratsy ireo mpaminaniko!

Ny andriamanitry ny firenena rehetra dia tsinontsinona, fa NY TOMPO no nanao ny lanitra.

Tsarovy mandrakizay ny fanekeny, dia ilay teny nomeny ho an’ny taranaka arivo mandimby

Aoka ho faly ny lanitra ary ho ravo ny tany! Aoka holazaina any amin’ny firenena hoe: NY TOMPO no Mpanjaka!

Isaorana anie NY TOMPO, Andriamanitry ny Israely, hatramin’ny taloha indrindra ka ho mandrakizay. Ary ny olona rehetra dia niteny hoe: Amena! Sady nidera NY TOMPO.

Ry firenena, manomeza an’NY TOMPO, eny, omeo voninahitra sy hery NY TOMPO!