Andinin-tSoratra Masina malaza indrindra nalaina tao amin'ny Luke 6

Hizara

Ma wete ma'imi nuwatagwala tomota wahelauwedi, ma 'oinega Yehoba 'ihelauwegomi, ma 'ina helauina madou hedada 'oimiya 'ilosiwa. Weyahina to'aha 'imi paihowa tomota 'oidiya, Yehoba wete gide 'ipaipaihowa 'oimiya.

Gide loheya mumugana, 'eguma loheya 'ina nuwatuhu 'ausalana mumugana mabwaiyana bwebwe'ana. Ma 'eguma loheyaina 'ina nuwatuhu galadi mumugana mabwaiyana galadi. Weyahina nuwatuhuwedi to'aha gide 'atemiya simiyamiya sauga baibaiwana 'ahwamiyega silatulatu.

Ma 'omi hesi 'ami 'alehao wahamwadi, ma wahelauwedi, ta wa'ebwaya 'oidiya, ma sahena hemaisa weyahina wayamwayamwa. Ma 'abwa 'ami maisa madouna waloba, ma 'oinega 'omi Tomiya tabwana hedada natunao. Weyahina tauna tohopa'alao ma togalao 'ihehelauwedi.

Coinega 'omi wete tuwa wahelau, gide Tamamiu 'ihehelau 'esegomi.

Ma sahena tomota wa'ahwa'ahwa galegaledi, tabu ma Yehoba wete 'i'ahwa galegalegomi. Ma wete sahena 'iyamiyao wahe'ewadi, ma 'oinega 'omi sahena he'ewa walobaloba. Ma hesi 'iyamiyao mumugadi wanuwasamudi, ma 'oinega Yehoba wete mumugami 'inuwasamudi.

Ma 'igu he'ita bewa wahesagohe, ma 'ami 'alehao wahelauwedi, ta taudi siguipailegomiya wa'abihetedi, ma wete taudi si'ahwa'ahwa galegalegomi wa'ahwa bwebwe'anedi, ma taudi silolo'alehegomi weyahidi wa'ahwa'ahwanoi ma Yehoba 'i'abihetedi.

Ma 'eguma to'aha nuwanuwami ma tomota 'oimiya sipaihowe, 'omi wete gide 'oidiya wapaihowa 'ese.

Ma 'eguma taiya 'ase'aseu 'isapi, sahena 'uhehenima hile, ma hesi hali 'ase'aseu wete 'utagwale ma 'isapi. Ma 'eguma taiya 'ino sita 'i'eweya, 'a 'ale'o wete 'utagwale 'oina. Ma wete 'eguma taiya 'oiuwa 'i'ahwanoi ginaula 'aigeda weyahina, ginaulaina 'u'ebwae. Ma 'eguma taiya 'ino tobwatobwa 'i'eweya ma 'oina 'imiyamiya, sahena weyahina 'ugwaegwae hilahila.

“Caiwe bwebwe'ana geya sowasowahina ma huwaina galana 'ihuwae. Gide wete 'aiwe galana geya sowasowahina ma huwaina bwebwe'ana 'ihuwae.

Coinega 'aiwe 'aigeda 'aigeda huwaidi 'oidiyega tasanasanapudi 'abehega 'aiweyedi bwebwe'adi bo galadi. Geya sowasowahina ma talitali 'oidiyega damaya huwaina taloba. Wete gide geya sowasowahina ma buyubuyuwa 'oinega piyoi huwaina taloba.