Planina sy fampaherezam-panahy maimaim-poana mifandraika amin'ny Jakoba 1:2

Mora tokoa ny manadino ny antony tena ankalazaintsika ny Krismasy noho ny enjikenjika izay iainana mandritra ny fotoanan'ny fety. Ato anatin'ity planina advento mandritra ny 5 andro ity, dia handalina misimisy kokoa mikasika ny Teny Fikasana izay tanteraka tamin'ny nahaterahan'i Jesoa sy ny fanantenantsika ny amin'ny ho avy isika. Rehefa mahafantatra misimisy kokoa an'Andriamanitra isika, dia ho haintsika ny fomba iainana amin'ny fomba hafa izao vanim-potoana izao: am-panantenana, am-pinoana, am-pifaliana sy am-piadanana.

Inona no afaka ataontsika rehefa toa tsy ho tratra intsony na ho rava tanteraka ireo nofinofintsika? Niatrika an'io fanontaniana io hatrany hatrany aho tamin'ny tolona nataoko rehefa tafavoaka tamin'ny fanararaotana sy adin-tsaina, toy ny ratram-po sy ny fisaraham-panambadiana. Raha toa ianao ka misedra zava-tsarotra mafy na fahaverezana, na koa fikorontanana ara-tsaina izay niaretana tanatina fotoana lava dia tsarovy fa mbola tsy maty ny nofin'Andriamanitra ho an'ny fiainanao! Ry namako, fotoana izao hanofisana indray.