Malagasy - Roman Catholic Version 2010 (NT) Drama based on text Malagasy Catholic Bible 2003

<div class="version vid814 iso6393plt" data-vid="814" data-iso6393="plt">
 <div class="book bkEPH">
 <div class="chapter ch2" data-usfm="EPH.2">
 <div class="label">2</div><div class="s">Omena maimaim-poana ny famonjena ao amin&#8217;i Kristy</div><div class="p"> 1Fahiny dia matin&#8217;ny fahadisoana amam-pahotanareo ianareo, 2ka izany no nizoranareo, nanaraka ny satan&#8217;izao tontolo izao, sy ny lehiben&#8217;izay fahefana eny amin&#8217;ny rivotra#2,2 Ny fahefana eny amin&#8217;ny rivotra: ny fahefan&#8217;ny demony izany, ary ny heriny no fanahy miasa ao amin&#8217;ny tsy mpino., dia izay fanahy miasa ankehitriny eo amin&#8217;ny zanaky ny tsy finoana. 3Ary tsy misy hivoasana amin&#8217;izany koa no toetranay rehetra fony izahay nanaraka ny fil&#224;n&#8217;ny nofonay, sy niliba araka ny danin&#8217;ny kibo aman-tsaim-pantatray, ka dia zanaky ny fahatezerana toy ny sasany koa izahay, araka ny toetranay tamin&#8217;izany. 4Fa Andriamanitra izay manan-karena amin&#8217;ny famindram-po, noho ny halehiben&#8217;ny fitiavana izay nitiavany antsika, 5na dia fony mbola matin&#8217;ny fahotana aza isika, no nahavelona antsika niaraka tamin&#8217;i Kristy (fahasoavana no namonjena anareo); 6niara-natsangany isika, sy niara-napetrany amin&#8217;i Jesoa Kristy any an-danitra, 7mba hanehoany amin&#8217;ny andro ho avy#2,7 Amin&#8217;ny andro ho avy, aorian&#8217;ny hahatongavan&#8217;i Kristy fanindroany. ny haben&#8217;ny harem-pahasoavany, amin&#8217;ny hatsaram-pony amintsika ao amin&#8217;i Kristy Jesoa. 8Satria fahasoavana no namonjena anareo, ka tsy avy aminareo izany, fa fanomezana avy amin&#8217;Andriamanitra, 9tsy avy amin&#8217;ny asa, fandrao misy mirehareha. 10Fa asany isika, ary zava-bao nataony tao amin&#8217;i Kristy Jesoa mba ho amin&#8217;ny asa soa voaomany rahateo hataontsika.</div><div class="s">Fihavanan&#8217;ny Jody sy ny Jentily ary fihavanany amin&#8217;Andriamanitra</div><div class="p"> 11Tsarovinareo Jentily araka ny nofo &#224;ry, dia ianareo antsoin&#8217;ny voaforan-tanana hoe tsy voafora, 12fa tamin&#8217;ny andro tany aloha ianareo, dia tsy nanana an&#8217;i Kristy, voasaraka tamin&#8217;ny fikambanan&#8217;i Israely; olon-ko azy tamin&#8217;ny fanekem-pampanantenana, tsy nanana fanantenana, ary tsy nanana an&#8217;Andriamanitra teo amin&#8217;izao tontolo izao. 13Fa ankehitriny kosa, ao amin&#8217;i Kristy Jesoa, ianareo izay lavitra fahiny, dia tongan&#8217;ny Ran&#8217;i Kristy akaiky. 14Fa Izy no fihavanantsika, Izy no nahatonga antsika roa tonta#2,14 Antsika roa tonta, ny Jody sy ny jentily. Ny efitry ny fisarahana natsangan&#8217;ny Lal&#224;na fahiny manelanelana ny Jody sy ny Jentily. ho iray, Izy no nandrava ny efitry ny fisarahana amam-pifandrafesana; 15tao amin&#8217;ny nofony#2,15 Tao amin&#8217;ny nofony nofantsihana tamin&#8217;ny Hazofijaliana. no nanafoanany ny Lal&#224;na be didy amam-pitsipika, mba hanakambanany antsika roa tonta ho olom-baovao iray ao amin&#8217;ny Tenany; 16fa nampihavaniny sy nakambany isika roa tonta, ho tena iray amin&#8217;Andriamanitra, noho ny Hazofijaliana izay nandevonany ny fifandrafesana. 17Ary tonga Izy, nitory fihavanana taminareo izay lavitra, sy nitory fihavanana tamin&#8217;ireo izay akaiky koa, 18Satria aminy no fahazoantsika roa tonta manatona ny Ray ao amin&#8217;ny Fanahy iray ihany.</div><div class="p"> 19Koa tsy olon-ko azy na vahiny intsony &#224;ry ianareo, fa mpiray fanjakana amin&#8217;ny olo-masina sy isam-pianakavian&#8217;Andriamanitra; 20ny Ap&#244;st&#244;ly sy ny Mpaminany no fanorenana nandrafetana anareo, ary i Kristy Jesoa indrindra no vato fehizoro. 21Fa ao aminy no isondrotan&#8217;ny rafitra rehetra mirindra tsara, mba hiforona ho tempoly masina ao amin&#8217;ny Tompo; 22ao aminy no andrafetan&#8217;ny Fanahy Masina anareo ho trano onenan&#8217;Andriamanitra.</div>
 </div>
 </div>
</div>

Baiboly Katolika © La Société Biblique Malgache, 2003.

Fahiny dia matin’ny fahadisoana amam-pahotanareo ianareo, ka izany no nizoranareo, nanaraka ny satan’izao tontolo izao, sy ny lehiben’izay fahefana eny amin’ny rivotra, dia izay fanahy miasa ankehitriny eo amin’ny zanaky ny tsy finoana. Ary tsy misy hivoasana amin’izany koa no toetranay rehetra fony izahay nanaraka ny filàn’ny nofonay, sy niliba araka ny danin’ny kibo aman-tsaim-pantatray, ka dia zanaky ny fahatezerana toy ny sasany koa izahay, araka ny toetranay tamin’izany. Fa Andriamanitra izay manan-karena amin’ny famindram-po, noho ny halehiben’ny fitiavana izay nitiavany antsika, na dia fony mbola matin’ny fahotana aza isika, no nahavelona antsika niaraka tamin’i Kristy (fahasoavana no namonjena anareo); niara-natsangany isika, sy niara-napetrany amin’i Jesoa Kristy any an-danitra, mba hanehoany amin’ny andro ho avy ny haben’ny harem-pahasoavany, amin’ny hatsaram-pony amintsika ao amin’i Kristy Jesoa. Satria fahasoavana no namonjena anareo, ka tsy avy aminareo izany, fa fanomezana avy amin’Andriamanitra, tsy avy amin’ny asa, fandrao misy mirehareha. Fa asany isika, ary zava-bao nataony tao amin’i Kristy Jesoa mba ho amin’ny asa soa voaomany rahateo hataontsika.

Tsarovinareo Jentily araka ny nofo àry, dia ianareo antsoin’ny voaforan-tanana hoe tsy voafora, fa tamin’ny andro tany aloha ianareo, dia tsy nanana an’i Kristy, voasaraka tamin’ny fikambanan’i Israely; olon-ko azy tamin’ny fanekem-pampanantenana, tsy nanana fanantenana, ary tsy nanana an’Andriamanitra teo amin’izao tontolo izao. Fa ankehitriny kosa, ao amin’i Kristy Jesoa, ianareo izay lavitra fahiny, dia tongan’ny Ran’i Kristy akaiky. Fa Izy no fihavanantsika, Izy no nahatonga antsika roa tonta ho iray, Izy no nandrava ny efitry ny fisarahana amam-pifandrafesana; tao amin’ny nofony no nanafoanany ny Lalàna be didy amam-pitsipika, mba hanakambanany antsika roa tonta ho olom-baovao iray ao amin’ny Tenany; fa nampihavaniny sy nakambany isika roa tonta, ho tena iray amin’Andriamanitra, noho ny Hazofijaliana izay nandevonany ny fifandrafesana. Ary tonga Izy, nitory fihavanana taminareo izay lavitra, sy nitory fihavanana tamin’ireo izay akaiky koa, Satria aminy no fahazoantsika roa tonta manatona ny Ray ao amin’ny Fanahy iray ihany.
Koa tsy olon-ko azy na vahiny intsony àry ianareo, fa mpiray fanjakana amin’ny olo-masina sy isam-pianakavian’Andriamanitra; ny Apôstôly sy ny Mpaminany no fanorenana nandrafetana anareo, ary i Kristy Jesoa indrindra no vato fehizoro. Fa ao aminy no isondrotan’ny rafitra rehetra mirindra tsara, mba hiforona ho tempoly masina ao amin’ny Tompo; ao aminy no andrafetan’ny Fanahy Masina anareo ho trano onenan’Andriamanitra.

Mihaino ny Efezianina 2