Malagasy - Interconfessional Version (NT) Drama

<div class="version vid396 iso6393plt" data-vid="396" data-iso6393="plt">
    <div class="book bkREV">
        <div class="chapter ch15" data-usfm="REV.15">
            <div class="label">15</div><div class="s"><span class="heading">Ireo </span><span class="w"><span class="heading">anjely</span></span><span class="heading"> mitondra ny loza farany</span></div><div class="p"><span class="content">  </span><span class="verse v1" data-usfm="REV.15.1"><span class="label">1</span><span class="content">Ary hitako nisy </span><span class="w"><span class="content">famantarana</span></span><span class="content"> anankiray hafa tany an-danitra, famantarana sady lehibe no mahagaga: dia anjely fito izay nanana ny loza fito farany, satria amin&#8217;ireo loza ireo no hiseho faran&#8217;izay mafy indrindra ny </span><span class="w"><span class="content">haviniran</span></span><span class="content">&#8217;Andriamanitra.</span></span></div><div class="p"><span class="verse v1" data-usfm="REV.15.1"><span class="content">  </span></span><span class="verse v2" data-usfm="REV.15.2"><span class="label">2</span><span class="content">Ary hitako nisy toa ranomasina fitaratra miharo afo; ka izay olona naharesy an&#8217;ilay biby sy ny sariny ary ny isa mifandraika amin&#8217;ny anarany dia nijoro teo amoron&#8217;io ranomasina fitaratra io sady nitana ny lokanga nomen&#8217;Andriamanitra azy. </span></span><span class="verse v3" data-usfm="REV.15.3"><span class="label">3</span><span class="content">Ary miventy ny hiran&#8217;i Mosesy mpanompon&#8217;Andriamanitra sy ny hiran&#8217;ny Zanakondry izy ireo manao hoe:</span></span></div><div class="q"><span class="verse v3" data-usfm="REV.15.3"><span class="content">&#171;Lehibe sy mahagaga ny asanao,</span></span></div><div class="q"><span class="verse v3" data-usfm="REV.15.3"><span class="content">ry Tompo Andriamanitra Tsitoha!</span></span></div><div class="q"><span class="verse v3" data-usfm="REV.15.3"><span class="content">Ara-drariny sy mahitsy ny fandaharanao</span></span></div><div class="q"><span class="verse v3" data-usfm="REV.15.3"><span class="content">ry Mpanjakan&#8217;ny firenena!</span></span></div><div class="q"><span class="verse v3" data-usfm="REV.15.3"><span class="content">  </span></span><span class="verse v4" data-usfm="REV.15.4"><span class="label">4</span><span class="content">Iza no tsy hanaja Anao, ry Tompo?</span></span></div><div class="q"><span class="verse v4" data-usfm="REV.15.4"><span class="content">Iza no tsy hanome voninahitra Anao?</span></span></div><div class="q"><span class="verse v4" data-usfm="REV.15.4"><span class="content">Satria Ianao irery no masina,</span></span></div><div class="q"><span class="verse v4" data-usfm="REV.15.4"><span class="content">ka ho avy ny firenena rehetra</span></span></div><div class="q"><span class="verse v4" data-usfm="REV.15.4"><span class="content">hiankohoka eo anatrehanao,</span></span></div><div class="q"><span class="verse v4" data-usfm="REV.15.4"><span class="content">fa efa naharihary ny fitsaranao ara-drariny</span><span class="note f"><span class="label">#</span><span class=" body"><span class="fr">15.4 </span><span class="bdit">And 3:</span><span class="ft">  </span><span class="ft">jereo Eks 15.1. &#8211;</span><span class="bdit">Mpanjakan&#8217;ny firenena:</span><span class="ft"> misy stf sasany ahitana hoe </span><span class="it">Mpanjakan&#8217;ny taona rehetra.</span><span class="ft"> &#8211;</span><span class="bdit">And 4:</span><span class="ft"> jereo Jer 10.7; Sal 86.91.</span></span></span><span class="content">.&#187;</span></span></div><div class="p"><span class="verse v4" data-usfm="REV.15.4"><span class="content">  </span></span><span class="verse v5" data-usfm="REV.15.5"><span class="label">5</span><span class="content">Taorian&#8217;izany, dia hitako novoh&#224;na tany an-danitra ny </span><span class="w"><span class="content">tempoly</span></span><span class="content"> nisy ilay fonena-masina itahirizana ny raki-tsoratry ny fanekempihavanana</span><span class="note f"><span class="label">#</span><span class=" body"><span class="fr">15.5 </span><span class="ft">Ampit Eks 38.21.</span></span></span><span class="content">; </span></span><span class="verse v6" data-usfm="REV.15.6"><span class="label">6</span><span class="content">ary ny anjely fito izay nitana ny loza fito dia nivoaka avy tao amin&#8217;ny tempoly; akanjo madio mangatsakatsaka natao tamin&#8217;ny kiran-drongony no niakanjoany ary fehikibo volamena no nietrany. </span></span><span class="verse v7" data-usfm="REV.15.7"><span class="label">7</span><span class="content">Dia nomen&#8217;ny anankiray tamin&#8217;ny zava-miaina efatra an&#8217;ireo anjely fito ny lovia volamena fito, feno ny haviniran&#8217;ilay Andriamanitra velona mandrakizay mandrakizay. </span></span><span class="verse v8" data-usfm="REV.15.8"><span class="label">8</span><span class="content">Ary ny tempoly dia feno setroka avy amin&#8217;ny voninahitr&#8217;Andriamanitra sy ny heriny</span><span class="note f"><span class="label">#</span><span class=" body"><span class="fr">15.8 </span><span class="ft">Ampit Eks 40.34-35; 1 Mp 8.10-11; Is 6.4.</span></span></span><span class="content">; ka tsy nisy afaka niditra tao amin&#8217;ny tempoly, mandra-pahatapitry ny loza fito nentin&#8217;ny anjely fito.</span></span></div>
        </div>
    </div>
</div>

Dikanteny Iombonana Eto Madagasikara © Malagasy Bible Society, 2004.

Ary hitako nisy famantarana anankiray hafa tany an-danitra, famantarana sady lehibe no mahagaga: dia anjely fito izay nanana ny loza fito farany, satria amin’ireo loza ireo no hiseho faran’izay mafy indrindra ny haviniran’Andriamanitra.
Ary hitako nisy toa ranomasina fitaratra miharo afo; ka izay olona naharesy an’ilay biby sy ny sariny ary ny isa mifandraika amin’ny anarany dia nijoro teo amoron’io ranomasina fitaratra io sady nitana ny lokanga nomen’Andriamanitra azy. Ary miventy ny hiran’i Mosesy mpanompon’Andriamanitra sy ny hiran’ny Zanakondry izy ireo manao hoe:
«Lehibe sy mahagaga ny asanao,
ry Tompo Andriamanitra Tsitoha!
Ara-drariny sy mahitsy ny fandaharanao
ry Mpanjakan’ny firenena!
Iza no tsy hanaja Anao, ry Tompo?
Iza no tsy hanome voninahitra Anao?
Satria Ianao irery no masina,
ka ho avy ny firenena rehetra
hiankohoka eo anatrehanao,
fa efa naharihary ny fitsaranao ara-drariny.»
Taorian’izany, dia hitako novohàna tany an-danitra ny tempoly nisy ilay fonena-masina itahirizana ny raki-tsoratry ny fanekempihavanana; ary ny anjely fito izay nitana ny loza fito dia nivoaka avy tao amin’ny tempoly; akanjo madio mangatsakatsaka natao tamin’ny kiran-drongony no niakanjoany ary fehikibo volamena no nietrany. Dia nomen’ny anankiray tamin’ny zava-miaina efatra an’ireo anjely fito ny lovia volamena fito, feno ny haviniran’ilay Andriamanitra velona mandrakizay mandrakizay. Ary ny tempoly dia feno setroka avy amin’ny voninahitr’Andriamanitra sy ny heriny; ka tsy nisy afaka niditra tao amin’ny tempoly, mandra-pahatapitry ny loza fito nentin’ny anjely fito.

Mihaino ny Apôkalipsỳ 15