Malagasy - Interconfessional Version (NT) Drama

<div class="version vid384 iso6393plt" data-vid="384" data-iso6393="plt">
 <div class="book bkJHN">
 <div class="chapter ch17" data-usfm="JHN.17">
 <div class="label">17</div><div class="s">Mivavaka ho an&#8217;ny mpianany i Jesoa</div><div class="p"> 1Avy nilaza izany i Jesoa, dia nanandratra ny masony any an-danitra ka nanao hoe:</div><div class="m">&#8211;Ray &#244;, tonga ny fotoanandro. Omeo voninahitra ny Zanakao mba hanomezan&#8217;ny Zanaka voninahitra Anao. 2Araka ny nanomezanao Azy fahefana amin&#8217;ny olombelona rehetra, dia omeo voninahitra ny Zanakao mba hanomezany aina maharitra mandrakizay an&#8217;izay rehetra nomenao Azy. 3Ary izao no aina maharitra mandrakizay: dia ny mahalala Anao hany Andriamanitra tokana sady marina sy ny mahalala an&#8217;i Jesoa Kristy Ilay nirahinao. 4Efa nanome voninahitra Anao Aho tet&#7923; ambonin&#8217;ny tany; vitako ny asa nomenao hataoko. 5Ray &#244;, omeo voninahitra eo anilanao kosa Aho ankehitriny; eny, omeo Ahy ilay voninahitra niarahako nanana taminao, fony tsy mbola ary izao tontolo izao#17.5 Ampit 1.1-2..</div><div class="p"> 6Ny anaranao dia nampahafantariko ireo olona navahanao tamin&#8217;izao tontolo izao sy nomenao Ahy; Anao ireo ka nomenao Ahy, ary ny teninao efa notandremany. 7Fantany ankehitriny fa avy taminao ny zavatra rehetra nomenao Ahy, 8satria ny teny izay nomenao Ahy dia efa nomeko azy ireo ary noraisiny; ka fantany marina fa nivoaka avy any aminao Aho, ary ninoany fa Ianao no naniraka Ahy.</div><div class="p"> 9Ho azy ireo no ivavahako; tsy ho an&#8217;izao tontolo izao no ivavahako, fa ho an&#8217;ireo nomenao Ahy: satria Anao ireo, 10fa izay rehetra Ahy dia Anao ary izay rehetra Anao dia Ahy, sady efa nahazo voninahitra teo aminy Aho. 11Tsy ho eto amin&#8217;izao tontolo izao intsony Aho; ireo no ho eto amin&#8217;izao tontolo izao, fa Izaho kosa mankany aminao. Ray &#244;, masina Ianao, ka ilay anaranao efa nomenao Ahy hampahafantariko no itahirizo azy ireo#17.11 ilay anaranao... itahirizo azy ireo: misy stf sasany ahitana hoe ilay anaranao no itahirizo ireo efa nomenao Ahy., mba ho iray izy tahaka ny maha iray antsika. 12Fony mbola teo aminy Aho, dia ny anaranao efa nomenao Ahy hampahafantariko no nitahirizako azy; ary narovako ireo, ka tsy nisy very na dia iray aza, afa-tsy ilay nirona amin&#8217;ny fahaverezana, mba hahatanteraka ny Soratra Masina#17.12 dia ny anaranao... nitahirizako azy: misy stf sasany ahitana hoe dia ny anaranao no nitahirizako ireo efa nomenao Ahy; misy koa ahitana fotsiny hoe dia ny anaranao no nitahirizako azy. &#8211;mba hahatanteraka ny Soratra Masina: jereo Sal 41.10; J&#244;h 13.18.. 13Ankehitriny mankany aminao Aho; ka izany teny izany no lazaiko dieny mbola eto aminao Aho; ka izany teny izany no lazaiko dieny mbola eto amin&#8217;izao tontolo izao Aho, mba hananan&#8217;ireo ny hafaliako tanteraka ao aminy. 14Efa nomeko ny teninao ireo, ka ankahalain&#8217;izao tontolo izao: satria tsy naman&#8217;izao tontolo izao ireo, tahaka ny tsy maha naman&#8217;izao tontolo izao Ahy. 15Tsy ny hanesoranao azy amin&#8217;izao tontolo izao no ivavahako, fa ny hiarovanao azy amin&#8217;ilay Ratsy#17.15 Ampit Mt 6.13.. 16Tsy naman&#8217;izao tontolo izao ireo, tahaka ny tsy maha naman&#8217;izao tontolo izao Ahy. 17Atok&#224;ny ho Anao araka ny hafatra marim-pototra ireo: ny teninao no hafatra marim-pototra. 18Tahaka ny nanirahanao Ahy ho eo amin&#8217;izao tontolo izao no nanirahako azy ho eo amin&#8217;izao tontolo izao koa. 19Ho azy ireo no anokanako tena aminao, mba ho voatokana ho Anao araka ny hafatra marim-pototra koa ireo.</div><div class="p"> 20Tsy ho an&#8217;ireto ihany no ivavahako, fa ho an&#8217;izay mino Ahy koa noho ny teniny. 21Mivavaka Aho mba ho iray izy rehetra: Ray &#244;, enga anie ho ao anatintsika izy rehetra tahaka Anao ato anatiko ary Izaho ao anatinao, mba hinoan&#8217;izao tontolo izao fa Ianao no naniraka Ahy. 22Efa nomeko azy ireo ny voninahitra nomenao Ahy mba ho iray izy tahaka ny maha iray antsika: 23Izaho ao anatiny, Ianao ato anatiko, hany ka ho iray tanteraka izy, dia ho fantatr&#8217;izao tontolo izao fa Ianao no naniraka Ahy sady Ianao efa tia azy ireo tahaka ny nitiavanao Ahy.</div><div class="p"> 24Ray &#244;, tiako hiaraka amiko any amin&#8217;izay misy Ahy ireo nomenao Ahy mba hahita ny voninahitra nomenao Ahy noho Ianao efa tia Ahy talohan&#8217;ny nahariana izao tontolo izao. 25Ray &#244;, mandala ny rariny Ianao, ka tsy nahalala Anao izao tontolo izao, fa Izaho no nahalala Anao, ary ireto efa nahalala fa Ianao no naniraka Ahy. 26Efa nampahafantariko azy ireo ny anaranao sady mbola hampahafantariko hatrany, mba ho ao amin&#8217;ireo ny fitiavana izay nitiavanao Ahy ary mba ho ao anatiny koa Aho.</div>
 </div>
 </div>
</div>

Dikanteny Iombonana Eto Madagasikara © Malagasy Bible Society, 2004.

Avy nilaza izany i Jesoa, dia nanandratra ny masony any an-danitra ka nanao hoe:
–Ray ô, tonga ny fotoanandro. Omeo voninahitra ny Zanakao mba hanomezan’ny Zanaka voninahitra Anao. Araka ny nanomezanao Azy fahefana amin’ny olombelona rehetra, dia omeo voninahitra ny Zanakao mba hanomezany aina maharitra mandrakizay an’izay rehetra nomenao Azy. Ary izao no aina maharitra mandrakizay: dia ny mahalala Anao hany Andriamanitra tokana sady marina sy ny mahalala an’i Jesoa Kristy Ilay nirahinao. Efa nanome voninahitra Anao Aho tetỳ ambonin’ny tany; vitako ny asa nomenao hataoko. Ray ô, omeo voninahitra eo anilanao kosa Aho ankehitriny; eny, omeo Ahy ilay voninahitra niarahako nanana taminao, fony tsy mbola ary izao tontolo izao.
Ny anaranao dia nampahafantariko ireo olona navahanao tamin’izao tontolo izao sy nomenao Ahy; Anao ireo ka nomenao Ahy, ary ny teninao efa notandremany. Fantany ankehitriny fa avy taminao ny zavatra rehetra nomenao Ahy, satria ny teny izay nomenao Ahy dia efa nomeko azy ireo ary noraisiny; ka fantany marina fa nivoaka avy any aminao Aho, ary ninoany fa Ianao no naniraka Ahy.
Ho azy ireo no ivavahako; tsy ho an’izao tontolo izao no ivavahako, fa ho an’ireo nomenao Ahy: satria Anao ireo, fa izay rehetra Ahy dia Anao ary izay rehetra Anao dia Ahy, sady efa nahazo voninahitra teo aminy Aho. Tsy ho eto amin’izao tontolo izao intsony Aho; ireo no ho eto amin’izao tontolo izao, fa Izaho kosa mankany aminao. Ray ô, masina Ianao, ka ilay anaranao efa nomenao Ahy hampahafantariko no itahirizo azy ireo, mba ho iray izy tahaka ny maha iray antsika. Fony mbola teo aminy Aho, dia ny anaranao efa nomenao Ahy hampahafantariko no nitahirizako azy; ary narovako ireo, ka tsy nisy very na dia iray aza, afa-tsy ilay nirona amin’ny fahaverezana, mba hahatanteraka ny Soratra Masina. Ankehitriny mankany aminao Aho; ka izany teny izany no lazaiko dieny mbola eto aminao Aho; ka izany teny izany no lazaiko dieny mbola eto amin’izao tontolo izao Aho, mba hananan’ireo ny hafaliako tanteraka ao aminy. Efa nomeko ny teninao ireo, ka ankahalain’izao tontolo izao: satria tsy naman’izao tontolo izao ireo, tahaka ny tsy maha naman’izao tontolo izao Ahy. Tsy ny hanesoranao azy amin’izao tontolo izao no ivavahako, fa ny hiarovanao azy amin’ilay Ratsy. Tsy naman’izao tontolo izao ireo, tahaka ny tsy maha naman’izao tontolo izao Ahy. Atokàny ho Anao araka ny hafatra marim-pototra ireo: ny teninao no hafatra marim-pototra. Tahaka ny nanirahanao Ahy ho eo amin’izao tontolo izao no nanirahako azy ho eo amin’izao tontolo izao koa. Ho azy ireo no anokanako tena aminao, mba ho voatokana ho Anao araka ny hafatra marim-pototra koa ireo.
Tsy ho an’ireto ihany no ivavahako, fa ho an’izay mino Ahy koa noho ny teniny. Mivavaka Aho mba ho iray izy rehetra: Ray ô, enga anie ho ao anatintsika izy rehetra tahaka Anao ato anatiko ary Izaho ao anatinao, mba hinoan’izao tontolo izao fa Ianao no naniraka Ahy. Efa nomeko azy ireo ny voninahitra nomenao Ahy mba ho iray izy tahaka ny maha iray antsika: Izaho ao anatiny, Ianao ato anatiko, hany ka ho iray tanteraka izy, dia ho fantatr’izao tontolo izao fa Ianao no naniraka Ahy sady Ianao efa tia azy ireo tahaka ny nitiavanao Ahy.
Ray ô, tiako hiaraka amiko any amin’izay misy Ahy ireo nomenao Ahy mba hahita ny voninahitra nomenao Ahy noho Ianao efa tia Ahy talohan’ny nahariana izao tontolo izao. Ray ô, mandala ny rariny Ianao, ka tsy nahalala Anao izao tontolo izao, fa Izaho no nahalala Anao, ary ireto efa nahalala fa Ianao no naniraka Ahy. Efa nampahafantariko azy ireo ny anaranao sady mbola hampahafantariko hatrany, mba ho ao amin’ireo ny fitiavana izay nitiavanao Ahy ary mba ho ao anatiny koa Aho.

Mihaino ny Jôhany 17