God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s1">11:1-16 Lasarus Ambubuturia-Da Gaga Re.</div><div class="p"> 1 # 
 Luk 10:38-39
 Betani emb&#243; eini, ragaro Lasarus, kae rururie. Betani, an&#225; Meri ung&#225; unda kaka Marta ghada naa re. 2#Jon 12:3En&#225; Meri rera, mose eini uka muu munode Jojabeeda ekava averegea unda foumami dufituria, an&#225; um&#243; re. Kot&#250; en&#225; Lasarus kae bua vasia vitiria, an&#225; Meri da ruu re. 3Avore, Lasarus kae bua iria-du, unda gharototomi gaga egh&#225; ituturieta, Iesu dava arie: &#8220;Jojabee, inda neno bari komana an&#225; kae bua vitie.&#8221;</div><div class="p"> 4Agh&#225; ningia, Iesu egh&#225; ririe, &#8220;En&#225; kae Lasarus da bua ambubuta, an&#225; jo amburota sidara ari kae bua amburambi re. Tago, God da durogha isagha ari-du rea, an&#225; kae rura. Aghade, God da durogha isagha aita rouvia-mi unda Mendida durogha beago isagha ata, enembomi gigigaita rousue.&#8221;</div><div class="p"> 5Iesu Meri ung&#225; Marta gha Lasarus de dano neno rururota irita urie. 6Lasarus da kae rururia-da bing&#225;, Iesu niningurie-tago, an&#225; kambesi jo doa yambi, fefera ungagha avo vitirie. 7Fefera ungagha sidara urieta, n&#225;mane unda ambo nimbidu ririe, &#8220;Namonde kaverea Judia Frovensiva igigore!&#8221;</div><div class="p"> 8Agh&#225; ririeta, n&#225;mane regeguturere, &#8220;Irugari kato, tumbo enembo Jiusi enembo avo vita-mi, im&#243; singoimi dedegaita egeguta-tago, im&#243; rekago kaverea avo yaita rera?&#8221;</div><div class="p"> 9Agh&#225; regeguturieta, Iesu ririe, &#8220;Rifogha reta iiava jamade, unana janimbeta rouvie. Janimbuturota, enembo avona aito ea de&#297; yadua mo, jo eka dea fugota jurambi aita rouvie. Anada bee mo, um&#243; unana gerurota yaita rouvie. 10At&#225;, enembo avona tumbade de&#297; egegaita rousua-mi, eka dea fugota, um&#243; juraita rouvie. Anada bee mo, unana tefo, tumba-gea, eka dea fugota, um&#243; juraita rouvie.&#8221; 11Agh&#225; riria-da ambova, um&#243; egh&#225; ririe, &#8220;Namonde anda komana Lasarus um&#243; eevo rouvie. Tago, anona ya avo bubua, evurota um&#243; eraita rouvie.&#8221;</div><div class="p"> 12Agh&#225; ririeta, n&#225;mane unda ambo nimbimi regeguturere, &#8220;Jojabee, um&#243; evo rouvie-gea, jebugaita rouvie.&#8221; 13Lasarus da ambubuturia-da gaganu Iesu na nundubuturota ririe-tago, n&#225;manda nundubuturera mo, eevo beedu rari gaa regeguturere.</div><div class="p"> 14-15Agh&#225; regeguturera-du, Iesu n&#225;mandu isaghava ririe, &#8220;Lasarus an&#225; ambubuta-tago, undava yambi utare-gea, am&#243; gangoro rore. Anada bee mo, egh&#225; rora-mi ata, n&#237;mane am&#243; gaabee egegaita rosoravore. Aghadu egege, namonde undava igigore!&#8221;</div><div class="p"> 16Aghade, Tomas na n&#225;mandu egh&#225; ririe, &#8220;Avoreta, egege, namonde Irugari katode dano ya ambubugore!&#8221; Tomas rera-da ragaro eini Didimus regegeta urere.</div><div class="s1">11:17-27 Iesu Mo Amburarivareta Erari-da Ruru, Kot&#250; Jebugada Ruru Re.</div><div class="p"> 17Iesu aria buburiturota nininguria mo, Lasarus seibe bua aria furuguturieta, fefera ungagha-ungagha sidara uria-nu niningurie. 18Betani naavareta Jerusalem yari jo roo yafabe irambi re, kilomita bakode re. 19Agh&#225;-gea, Lasarus amburari bing&#225; niningigea, Jiusi enembo oruaruabe Marta ung&#225; Meri gha sonembea gumema aita fufuguturie.</div><div class="p"> 20Aghade, Iesu furia, utuva uria-nu ningia, Marta erea, um&#243; tambaita bubua arie. At&#225;, Meri kambova vitirie. 21Aria tambua, egh&#225; ririe, &#8220;Jojabee, im&#243; eve irasira, anda ruu jo amburambi asue. 22Tago, am&#243; rei-gerore, im&#243; oreki enembo God dava dodu benunu adora, God na ind&#250; utaita rouvie.&#8221;</div><div class="p"> 23Agh&#225; ririeta, Iesu und&#250; ririe, &#8220;Inda ruu an&#225; rekago jebugea eraita rouvie.&#8221; 24Agh&#225; ririeta, Marta na egh&#225; ririe, &#8220;Am&#243; rei-gerore, um&#243; ambubuta-tago, fefera ambova rekago kaverea eraita rouvie.&#8221; 25Marta agh&#225; riria-du, Iesu mino und&#250; ririe, &#8220;Amburarivareta jebugea erari-da ano kot&#250; jebugada ano andava vitie. Agh&#225;-gea, enembo avona am&#243; gaabee egeguturota iradua, amburaita rouvie-tago, rekago jebugea eraita rouvie. 26Kot&#250;, enembo avona am&#243; gaabee egeguturota iradua, um&#243; jo ambua sidara ambi aita rouvie. Um&#243; jebuga tumanadu irarinu tambua baita rouvie. Im&#243; en&#225; gaga gaabee rora?&#8221; ririeta, 27Marta na Iesu du ririe, &#8220;A&#297;, Jojabee! God na unda Mendi utota, endava furari gaa riria, an&#225; im&#243; re. Ananu gaabee rore,&#8221; ririe.</div><div class="s1">11:28-37 Iesu Jii Ririe.</div><div class="p"> 28Marta agh&#225; rea doa, kaverea aria, unda rao Meri ghogho ririeta furieta, be kasami ririe, &#8220;Irugari kato etia bubua, im&#243; gaita kaifa urota reirie.&#8221; 29Agh&#225; ririeta ningia, Meri tutomi erea, Iesu tambaita arie. 30At&#225;, Iesu jo ya naa banunava bubambi re. Marta aria, um&#243; niavo tafiria kambesi dabako avo vitirie. 31Meri tatavami erea irueta gigigea, Jiusi enembo yove gaje rirota, Meri de kambo rova vitiria-da nundubuturia mo, Meri ya, uje singoi toova jii raita yari gaa regeguturie. Amindu n&#250;mane erea, unda ambova igiguturie.</div><div class="p"> 32Meri aria, Iesu dava bubua, unda eka tuva jujururota egh&#225; ririe, &#8220;Jojabee, im&#243; eve irasira, anda ruu jo amburambi asue.&#8221; 33Agh&#225; rirota, um&#243; jii rieta, kot&#250; enembo numonde fufuguturia beago jii regeguturie. Agh&#225; egegutueta gia, Iesu da neno duduku urota, giimi gayarigo urie. 34Agh&#225; urota ririe, &#8220;Um&#243; niavo uje egeguta?&#8221; ririeta, numane egh&#225; regeguturie, &#8220;Jojabee, fu gadi!&#8221; 35Agh&#225; regeguturieta, Iesu jii ririe.</div><div class="p"> 36Agh&#225; ueta, an&#225; Jiusi enembo gigigea egh&#225; regeguturie, &#8220;Gigige, um&#243; Lasarus neno bua gogh&#243; eta rouvie.&#8221; 37Agh&#225; ririeta, Jiusi enembo dumenimi egh&#225; regeguturie, &#8220;Emb&#243; eini dibe soikide sirorari unona utata dibe fangita. Agh&#225;-gea, um&#243; eve irasua, unona buregasueta, Lasarus jo amburambi asue. Aghajora, ivata aghago arida ano undava vitia-jogo.&#8221;</div><div class="s1">11:38-44 Iesu Na Ririeta, Lasarus Amburarivareta Jebugea Eroruria Re.</div><div class="p"> 38Iesu rekago Lasarus du neno mema jojabe urota, singoi beko too, ujeva arie. An&#225; uje bebato singoi jojabemi oberea gajari vitirie. 39Agh&#225;-gea, Iesu na n&#250;mandu ririe, &#8220;Singoi obere, kasava yae!&#8221; Agh&#225; ririeta, an&#225; amburari emb&#243;da gharovu Marta na ririe, &#8220;Jojabee, avotago um&#243; furugutata fefera ungagha-ungagha sidara etue-gea, masa sembago rouvie.&#8221;</div><div class="p"> 40Marta agh&#225; ririe-tago, Iesu na mino und&#250; egh&#225; ririe, &#8220;Am&#243; ind&#250; seibe ritare, &#8216;Im&#243; am&#243; gaabee adora, God da durogha gaita roravore.&#8217;&#8221;</div><div class="p"> 41Agh&#225; ririeta, n&#250;mane an&#225; singoi oberea airo ititiguturieta, Iesu dibe itiva ea egh&#225; ririe, &#8220;Afa, im&#243; ngha&#297; javea, anda gaga ningita rora-du, im&#243; ghanena rore. 42Am&#243; rei-gerore, fefera inono, im&#243; ngha&#297; javea, anda gaga ningita roravore. Tago, oreki en&#225; enembomi am&#243; inona ninenguturieta furera-nu gigigea, gaabee egegari-du rere.&#8221;</div><div class="p"> 43Iesu agh&#225; rea sidara ea, be jojabe ghogho ririe, &#8220;Lasarus, bubua fu!&#8221; 44Agh&#225; ririeta, an&#225; amburari emb&#243;da eka ingo eembo saghai tamoda bimbimi eghovea biruru uria-gha, kot&#250; unda dibe be eembo saghai tamo tufokomi eghovuturia-de agh&#225; bubua isaghava furueta, Iesu na n&#250;mandu ririe, &#8220;Eembo vuregea bua do-gea yae!&#8221;</div><div class="s1">11:45-57 Jiusi Enemboda Babarigari Iesu Dedegaita Manaka Gaegeguturie.</div><div class="r">(Matyu 26:1-5; Mak 14:1-2; Luk 22:1-2)</div><div class="p"> 45Aghade, Jiusi enembo oruabe Meri sonembaita fufuguturia-mi, Iesu da donu uria-nu gigiguturie-gea, um&#243; gaabee egeguturie. 46Tago, enembo dumeni kaverea aria, Iesu da daiyagha uria, ananu ririeta, Moses da Agho Dari Kaifa kakato* niningiguturie 47Agh&#225; niningiguturie-gea, Moses da Agho Dari Kaifa kakatode, fristi* maneda kokotofude kot&#250; kanisera* manede dano desea, manaka gaegeguturota, egh&#225; regeguturie, &#8220;Namonde am&#243; an&#225; emb&#243;du daiyagha egega? An&#225; emb&#243;da ivata anogha oruaruabe eta rouvia-nu gigige! 48En&#225; ivata jojabebei anogha eta rouvia, namonde jo rata doambi, aghami aghami urota iradua, enembo dano um&#243; gaabee egegaita rousue. Agh&#225; uradua, Rom enembomi fur&#225;, namonde anda Tafaroro Ari Kambo* dea bejea, namonde anda natofo susughi ea, dedegota ambubugaita rosore.&#8221;</div><div class="p"> 49Agh&#225; regegutueta, an&#225; ghaekova fristi maneda beforo righari emb&#243; eini ragaro Kaiafas, unona erea egh&#225; ririe, &#8220;N&#237;mane nundubari sembago rosoravore. 50N&#237;mane egh&#225; gigige! Namonde Jiusi enembo dano ambubugadora, an&#225; akuago bee re. Agh&#225;-gea, enembo oruaruabeda ragarova, emb&#243; dabakomi amburadua, an&#225; taubana re!&#8221;</div><div class="p"> 51-52Avore, Kaiafas um&#243; an&#225; ghaekova fristi maneda beforo righari ea irirota, an&#225; gaga jo undufa unda nundubarimi rambi re. Tefo, God na unda unomi urieta, Kaiafas na Iesu daiyagha Jiusi enembo oruaruabeda kambesi bua amburaita rouvia-nu rirota, God da unonu isagha urie. Iesu unda natofo Jiusi enembo du amburasue, kot&#250; God da uno eini mo, roo enda nanjogoda enembo God nu gaabee egeguturota vitiria-nu, Iesu na bua fur&#225; danode takembari-du rea, amburasue.</div><div class="p"> 53An&#225; fefera aghade, n&#250;mane Iesu dedegota amburari-du rea, manaka gaegeguturie. 54Agh&#225; ningia, Iesu jo isaghava iru-furu ambi re. Um&#243; aria, naa ragaro Efraim anava buburiturie. Efraim naa, uvu tefo kot&#250; enembo irambi kambesi kasava re. Anava bubua, n&#225;mane unda ambo nimbide avo vitirere.</div><div class="p"> 55N&#225;mane Jiusi enemboda Serigea Yari Banau* fefera furia, utuva urieta, enembo oruaruabe n&#250;manda naa dodogea, Jerusalem yayavuguturie. N&#250;mane banau feferada dibeva bubua, n&#250;manda sembago mane seseghegaita rea, igiguturie. 56Aghade, n&#250;mane God du Tafaroro Ari Kambo* rova danode desea iririguturota, Iesu bubadua gigigaita rea, dibemi irurea iru-furu egeguturie. Agh&#225; egeguturota, mino-mino rea niningiguturie, &#8220;N&#237;mane daiyagha reisi-nundubuto? Iesu Jerusalem banauva furadua?&#8221;</div><div class="p"> 57Aghade, fristida kokotofude kot&#250; Moses da Agho Dari Kaifa kakatodemi egh&#225; regeguturie. Enembo eini avona Iesu gigigasua mo, regegasueta n&#250;mane niningigea, ya umonu nanandigasue.</div>
 </div>
 </div>
</div>

Betani embó eini, ragaro Lasarus, kae rururie. Betani, aná Meri ungá unda kaka Marta ghada naa re. Ená Meri rera, mose eini uka muu munode Jojabeeda ekava averegea unda foumami dufituria, aná umó re. Kotú ená Lasarus kae bua vasia vitiria, aná Meri da ruu re. Avore, Lasarus kae bua iria-du, unda gharototomi gaga eghá ituturieta, Iesu dava arie: “Jojabee, inda neno bari komana aná kae bua vitie.”
Aghá ningia, Iesu eghá ririe, “Ená kae Lasarus da bua ambubuta, aná jo amburota sidara ari kae bua amburambi re. Tago, God da durogha isagha ari-du rea, aná kae rura. Aghade, God da durogha isagha aita rouvia-mi unda Mendida durogha beago isagha ata, enembomi gigigaita rousue.”
Iesu Meri ungá Marta gha Lasarus de dano neno rururota irita urie. Lasarus da kae rururia-da bingá, Iesu niningurie-tago, aná kambesi jo doa yambi, fefera ungagha avo vitirie. Fefera ungagha sidara urieta, námane unda ambo nimbidu ririe, “Namonde kaverea Judia Frovensiva igigore!”
Aghá ririeta, námane regeguturere, “Irugari kato, tumbo enembo Jiusi enembo avo vita-mi, imó singoimi dedegaita egeguta-tago, imó rekago kaverea avo yaita rera?”
Aghá regeguturieta, Iesu ririe, “Rifogha reta iiava jamade, unana janimbeta rouvie. Janimbuturota, enembo avona aito ea deĩ yadua mo, jo eka dea fugota jurambi aita rouvie. Anada bee mo, umó unana gerurota yaita rouvie. Atá, enembo avona tumbade deĩ egegaita rousua-mi, eka dea fugota, umó juraita rouvie. Anada bee mo, unana tefo, tumba-gea, eka dea fugota, umó juraita rouvie.” Aghá riria-da ambova, umó eghá ririe, “Namonde anda komana Lasarus umó eevo rouvie. Tago, anona ya avo bubua, evurota umó eraita rouvie.”
Aghá ririeta, námane unda ambo nimbimi regeguturere, “Jojabee, umó evo rouvie-gea, jebugaita rouvie.” Lasarus da ambubuturia-da gaganu Iesu na nundubuturota ririe-tago, námanda nundubuturera mo, eevo beedu rari gaa regeguturere.
Aghá regeguturera-du, Iesu námandu isaghava ririe, “Lasarus aná ambubuta-tago, undava yambi utare-gea, amó gangoro rore. Anada bee mo, eghá rora-mi ata, nímane amó gaabee egegaita rosoravore. Aghadu egege, namonde undava igigore!”
Aghade, Tomas na námandu eghá ririe, “Avoreta, egege, namonde Irugari katode dano ya ambubugore!” Tomas rera-da ragaro eini Didimus regegeta urere.

Iesu aria buburiturota nininguria mo, Lasarus seibe bua aria furuguturieta, fefera ungagha-ungagha sidara uria-nu niningurie. Betani naavareta Jerusalem yari jo roo yafabe irambi re, kilomita bakode re. Aghá-gea, Lasarus amburari bingá niningigea, Jiusi enembo oruaruabe Marta ungá Meri gha sonembea gumema aita fufuguturie.
Aghade, Iesu furia, utuva uria-nu ningia, Marta erea, umó tambaita bubua arie. Atá, Meri kambova vitirie. Aria tambua, eghá ririe, “Jojabee, imó eve irasira, anda ruu jo amburambi asue. Tago, amó rei-gerore, imó oreki enembo God dava dodu benunu adora, God na indú utaita rouvie.”
Aghá ririeta, Iesu undú ririe, “Inda ruu aná rekago jebugea eraita rouvie.” Aghá ririeta, Marta na eghá ririe, “Amó rei-gerore, umó ambubuta-tago, fefera ambova rekago kaverea eraita rouvie.” Marta aghá riria-du, Iesu mino undú ririe, “Amburarivareta jebugea erari-da ano kotú jebugada ano andava vitie. Aghá-gea, enembo avona amó gaabee egeguturota iradua, amburaita rouvie-tago, rekago jebugea eraita rouvie. Kotú, enembo avona amó gaabee egeguturota iradua, umó jo ambua sidara ambi aita rouvie. Umó jebuga tumanadu irarinu tambua baita rouvie. Imó ená gaga gaabee rora?” ririeta, Marta na Iesu du ririe, “Aĩ, Jojabee! God na unda Mendi utota, endava furari gaa riria, aná imó re. Ananu gaabee rore,” ririe.

Marta aghá rea doa, kaverea aria, unda rao Meri ghogho ririeta furieta, be kasami ririe, “Irugari kato etia bubua, imó gaita kaifa urota reirie.” Aghá ririeta ningia, Meri tutomi erea, Iesu tambaita arie. Atá, Iesu jo ya naa banunava bubambi re. Marta aria, umó niavo tafiria kambesi dabako avo vitirie. Meri tatavami erea irueta gigigea, Jiusi enembo yove gaje rirota, Meri de kambo rova vitiria-da nundubuturia mo, Meri ya, uje singoi toova jii raita yari gaa regeguturie. Amindu númane erea, unda ambova igiguturie.
Meri aria, Iesu dava bubua, unda eka tuva jujururota eghá ririe, “Jojabee, imó eve irasira, anda ruu jo amburambi asue.” Aghá rirota, umó jii rieta, kotú enembo numonde fufuguturia beago jii regeguturie. Aghá egegutueta gia, Iesu da neno duduku urota, giimi gayarigo urie. Aghá urota ririe, “Umó niavo uje egeguta?” ririeta, numane eghá regeguturie, “Jojabee, fu gadi!” Aghá regeguturieta, Iesu jii ririe.
Aghá ueta, aná Jiusi enembo gigigea eghá regeguturie, “Gigige, umó Lasarus neno bua goghó eta rouvie.” Aghá ririeta, Jiusi enembo dumenimi eghá regeguturie, “Embó eini dibe soikide sirorari unona utata dibe fangita. Aghá-gea, umó eve irasua, unona buregasueta, Lasarus jo amburambi asue. Aghajora, ivata aghago arida ano undava vitia-jogo.”

Iesu rekago Lasarus du neno mema jojabe urota, singoi beko too, ujeva arie. Aná uje bebato singoi jojabemi oberea gajari vitirie. Aghá-gea, Iesu na númandu ririe, “Singoi obere, kasava yae!” Aghá ririeta, aná amburari embóda gharovu Marta na ririe, “Jojabee, avotago umó furugutata fefera ungagha-ungagha sidara etue-gea, masa sembago rouvie.”
Marta aghá ririe-tago, Iesu na mino undú eghá ririe, “Amó indú seibe ritare, ‘Imó amó gaabee adora, God da durogha gaita roravore.’”
Aghá ririeta, númane aná singoi oberea airo ititiguturieta, Iesu dibe itiva ea eghá ririe, “Afa, imó nghaĩ javea, anda gaga ningita rora-du, imó ghanena rore. Amó rei-gerore, fefera inono, imó nghaĩ javea, anda gaga ningita roravore. Tago, oreki ená enembomi amó inona ninenguturieta furera-nu gigigea, gaabee egegari-du rere.”
Iesu aghá rea sidara ea, be jojabe ghogho ririe, “Lasarus, bubua fu!” Aghá ririeta, aná amburari embóda eka ingo eembo saghai tamoda bimbimi eghovea biruru uria-gha, kotú unda dibe be eembo saghai tamo tufokomi eghovuturia-de aghá bubua isaghava furueta, Iesu na númandu ririe, “Eembo vuregea bua do-gea yae!”


Aghade, Jiusi enembo oruabe Meri sonembaita fufuguturia-mi, Iesu da donu uria-nu gigiguturie-gea, umó gaabee egeguturie. Tago, enembo dumeni kaverea aria, Iesu da daiyagha uria, ananu ririeta, Moses da Agho Dari Kaifa kakato* niningiguturie Aghá niningiguturie-gea, Moses da Agho Dari Kaifa kakatode, fristi* maneda kokotofude kotú kanisera* manede dano desea, manaka gaegeguturota, eghá regeguturie, “Namonde amó aná embódu daiyagha egega? Aná embóda ivata anogha oruaruabe eta rouvia-nu gigige! Ená ivata jojabebei anogha eta rouvia, namonde jo rata doambi, aghami aghami urota iradua, enembo dano umó gaabee egegaita rousue. Aghá uradua, Rom enembomi furá, namonde anda Tafaroro Ari Kambo* dea bejea, namonde anda natofo susughi ea, dedegota ambubugaita rosore.”
Aghá regegutueta, aná ghaekova fristi maneda beforo righari embó eini ragaro Kaiafas, unona erea eghá ririe, “Nímane nundubari sembago rosoravore. Nímane eghá gigige! Namonde Jiusi enembo dano ambubugadora, aná akuago bee re. Aghá-gea, enembo oruaruabeda ragarova, embó dabakomi amburadua, aná taubana re!”
Avore, Kaiafas umó aná ghaekova fristi maneda beforo righari ea irirota, aná gaga jo undufa unda nundubarimi rambi re. Tefo, God na unda unomi urieta, Kaiafas na Iesu daiyagha Jiusi enembo oruaruabeda kambesi bua amburaita rouvia-nu rirota, God da unonu isagha urie. Iesu unda natofo Jiusi enembo du amburasue, kotú God da uno eini mo, roo enda nanjogoda enembo God nu gaabee egeguturota vitiria-nu, Iesu na bua furá danode takembari-du rea, amburasue.
Aná fefera aghade, númane Iesu dedegota amburari-du rea, manaka gaegeguturie. Aghá ningia, Iesu jo isaghava iru-furu ambi re. Umó aria, naa ragaro Efraim anava buburiturie. Efraim naa, uvu tefo kotú enembo irambi kambesi kasava re. Anava bubua, námane unda ambo nimbide avo vitirere.
Námane Jiusi enemboda Serigea Yari Banau* fefera furia, utuva urieta, enembo oruaruabe númanda naa dodogea, Jerusalem yayavuguturie. Númane banau feferada dibeva bubua, númanda sembago mane seseghegaita rea, igiguturie. Aghade, númane God du Tafaroro Ari Kambo* rova danode desea iririguturota, Iesu bubadua gigigaita rea, dibemi irurea iru-furu egeguturie. Aghá egeguturota, mino-mino rea niningiguturie, “Nímane daiyagha reisi-nundubuto? Iesu Jerusalem banauva furadua?”
Aghade, fristida kokotofude kotú Moses da Agho Dari Kaifa kakatodemi eghá regeguturie. Enembo eini avona Iesu gigigasua mo, regegasueta númane niningigea, ya umonu nanandigasue.

Mihaino ny Jon 11