If you have would like a copy of this version please contact info@davaraudiobibles.org

Text: Gowli New Testament, CC-BY-SA-4.0, The Love Fellowship. -- Audio: Gowli New Testament Audio Bible, CC-BY-SA-4.0, Davar Partners International, The Love Fellowship, 2023

Gowli New Testament

Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.

मेटे हेरोदेस राजा गा दिनेन यहूदिया जिल्हा बैतलहम पूरान यीशु गा जनम डायेन, मेटे पूर्व टे टी दोडोमिंकू यरूशलेम शहर गेन हेंडो कोकाम्बारा लज्जे। “डी सानी पोट्टा तोटेनेज होय, जो यहूदी कुरकू गा राजा आरु घल्जी डायेन होय? चोयाकी आलेनी पूर्व गेन दियागा जनम गा बारेन गघाल मिठाच इफिल डोके होय, इनिघल्जी आले दियागा आराधना दडा हेन होय।”
यहूदी कुरकू गा राजा गा जनम गा बारेन आजुमटे, राजा हेरोदेस एठा यरूशलेम शहर गा पूरा कुरकू हिगराएन। इनिघल्जी डीचनी कुरकू गा सेबाई मुख्यायाजक एठा मूसा गा नियम इथूमिंकू के गोलाकेकु डो दिकुटे कोम्बाराके, “मसीह गा जनम गा बारेन पवित्र ग्रंथ गेन चोच मंडीवा होय? मसीह चोला डाऊवा।”
दिकुनी डीचके मंडीके, “मसीह गा जनम तुनिका यहूदिया जिल्हा गा बैतलहम पूरान डाऊवा।” चोयाकी परमेश्वर गा कोनेटे मंडीमिठाच सुटूका पेला ओल्के डा जो परमेश्वर नी मंडीके डा,
“हे यहूदा जिल्हा गा बैतलहम पूरा कुरकू आपे तुनिकाभी रितो टे यहूदा जिल्हा गा हाकमिंकू तलाटे सेबाईकु टे सानी बाऊ चोयाकी अमाटे अधिपति हेजेवा जो राजोबा। जो इंजागा इस्राएली कुरकू के चचारा मिठाच आरुवा।” मेटे राजा हेरोदेसनी डी डायेन सानी पोट्टा गा उमार चिचाना गा घल्जी टी दोडोमिंकू के उखुटे हाकोटे दिकुटे कोम्बाराके। कि इफिल साही तुनी टेमोन डोके डा? एठा राजा हेरोदेसनी इनी मंडीटे डी टी दोडोमिंकू के बैतलहम पूरा गेन कुलकेकु, “सेने डो डी सानी पोट्टा गा बारेन सेबाई सच्चाई गा पता लगातिंजे एठा मेटे डीच घाटाएनकी इंजा मेरान हिरागे एठा डाबोलटे जो चोचकाभी आपेनी डोके होय डीके घाले ताकी इंजभी हेजेवा डो डीचके दिया आराधना दडावा।”
एठा दिकु राजा गा बातो आजुमटे दिकु ओले मेना, एठा कोरान दिकुनी डीका इफिल के डोकेनेच जो दिकुनी पूर्व दिशा गेन डोकेनेच डा। जब दिकुनी डीके डोके मेटे दिकु भेबाव खुशोएन। इनी इफिल दिकुगा सम्मा-सम्मा चेल्के डा एठा डी जगा लिंजेन थंदळजे देटेन सानी पोट्टा डा।
डी उरान आदिरजे डो एठा डी सानी पोट्टाके दियागा आंटे मरियम गा सेंग्गोन डोकेनेच, एठा दियागा झुकातिंजटे नंगा साब्बे। दिकु आपना-आपना झोरा खुल्लाटे डीचके सोना, एठा लोबान, राय होय, एठा सुकींज चीजो गा भार पेळेचके।
एठा परमेश्वर नी डीचके सापनान चेतावनी जीके कि राजा हेरोदेस गा मेरान बाकी सेने। इनिघल्जी दिकुनी राजा के बान घालडुका एठा दूसरा कोरा टे सेने टे इकुगा देशोन हिराटे ओले।

दिकुगा सेने बदोन, परमेश्वर गा म्या स्वर्गदूत नी सापनान यूसुफ के मंडीके, “बिडे! डी सानी पोट्टाके एठा दियागा आंटे के साटे मिस्र देशोन साडूपजू। एठा जब टाएन अमाटे बान मंडी, मेटे टाएन डीगान का थंदळे। चोयाकी राजा हेरोदेस इनी सानी पोट्टाके घगाटा लक्के होय, कि डीचके घोजेजबा।”
मेटे दिकु रातो का बिडजेडो डी सानी पोट्टाके साटे दियागा आंटे के साटे मिस्र देशोन ओले। एठा दिकु राजा हेरोदेस गा गुजू टाएन मिस्र देशोन का थंदळके, इनिघल्जी कि डी वचन पुराऊ होना, जो परमेश्वर नी परमेश्वर गा कोनेटे मंडीमिठाच होशे गा वोजीटे सुटूका पेला मंडीके डा, “इंज्नी इंजा कोण के मिस्र देशो टे हाकोलेनेच।”

मेटे राजा हेरोदेसेन पक्काटे खीजो हेन मेटे एसास हेन डी टी दोडोमिंकू नी डीचके धोका जीके होय। डीचनी सैनिककुके कुल्केकु कि दिकु बैतलहम पूरा गा एठा डेगा आसो-पासो सेबाई पूरा पोट्टाकु के घोचकु जो बरी साल एठा देटे सानी उमार गा डा। इनी टी दोडोमिंकू कोरोकु गा वोजीटे इफिलकु गा सेबाई टे पेला बार डूगु गा आधारेन डा।
मेटे जो वचन परमेश्वर गा कोनेटे मंडीमिठाच यिर्मयाह गा वोजीटे परमेश्वर मंडीके डा, डी पुरायु, “रामाह पूरा गेन जेका गा का जाम आवाज आजुम्के मेना, राहेल हेजा कोणकु घल्जी ठायका दुखीके डा एठा शोक ममानातिंज डा, चोयाकी डीच गोएन डा।”

यूसुफ, मरियम एठा सानी पोट्टा यीशु आए टाएन मिस्र देशोन के डा। राजा हेरोदेस गा गुजू बादोन, प्रभु गा स्वर्गदूत नी मिस्र देशोन यूसुफ के सापनान दर्शन जीटे मंडीके, “बिडे, सानी पोट्टा एठा दियागा आंटे के साटे इस्राएल गा देशोन सेंजू, चोयाकी राजा हेरोदेस एठा दियागा कुरकू गोएन होय जो सानी पोट्टा गा जान सा चाहता डा।”
दिकु बिटजे, एठा सानी पोट्टा एठा दियागा आंटे के सेंग्गोन साटे मिस्र देशो के आराटे इस्राएल गा देशोन ओले। लेकिन मेटे यूसुफ नी इनी आजुम्के कि अरखिलाउस हेजा बाटे हेरोदेस गा जगह यहूदिया जिल्हा कुरकू लिंजेन राजो लक्के होय। डीच देटेन सेने टे हिगराएन। एठा सापनान परमेश्वर टे चतराय घाटाटे गलील जिल्हान ओले मेना।
एठा नासरत जीमू गा पुरान ओलेडो थंदळ लज्जे, ताकी डी वचन पुराऊ जो परमेश्वर गा कोनेटे मंडीमिठाच गा द्वारा मंडीके, “डीचके नासरी मेंबा होय, देटेन नासरत पूरा गा थंदळ मिठाच डा।”

Mihaino ny मत्ती 2