Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">O Dewel krell o Jesuses i mulendar djides</div><div class="p"> 1Sik taissarlake, pal o Debleskro diwes, lan le kutch djet, hoi jon kokres kran, un djan pash ko mulengro kheer. 2Kote dikan le, kai ko baro bar buder gar glan o mulengro kheer tchiddo hi. 3Un jon djan dren, un hatsan gar o mulo trupo#24:3 trupo kerpro o rajestar Jesus. 4Har jon koi tardo his, un djinan gar, hoi te krenn le, his kote ap jek kopo dui mursha tardo. Un lengre ripja his railes bijalo. 5Un i traash was ap i djuwjende. Un darjatar dikan le ap i phub. Kol dui mursha penan ap lende: &#8220;Hoske rodenn tumer kol djides pash i mulende?</div><div class="p"> 6Job hi gar kai. O Dewel kras les i mulendar djido. Bistran tumer kowa, hoi job tumenge penas, har job an o them Galilea his? 7Job penas tumenge: O Mensheskro Tchawo hunte well an i tchilatche wasta dino, un ap o trushel dino. Un pal triin diwessa stell lo i mulendar pre.&#8221;</div><div class="p"> 8Un kol laba wan pale an lengro shero.</div><div class="p"> 9Koi djan jon krik dran ko mulengro kheer, un djan pale an o foro, un penan kowa lauter o Jesuseskre deesh-te-jek malenge, un ninna kol tsele wawarenge, kai pash lende hi.</div><div class="p"> 10Kol djuwja his i Maria Magdalena, i Joanna un i Maria, ko Jakobeskri dai un wawar.</div><div class="p"> 11Un kowa, hoi i djuwja penan, his i murshenge dinelo rakepen. Un jon patsan kol djuwjen gar.</div><div class="p"> 12O Petro stas pre, un djas pash ko mulengro kheer, dikas dren, hatsas kol laintikre kotja ap i rig tchiddo, un djas peske. Job djinas gar, hoi te penell lo.</div><div class="s1">Ap o drom an o foro Emmaus</div><div class="p"> 13Ap kau diwes djan dui o Jesuseskre malendar an ko gab Emmaus. Kowa his deesh-te-dui kilometarja glan o foro Jerusalem. 14Ap o drom rakran le pral lauter, hoi an o foro Jerusalem djas.</div><div class="p"> 15Har jon jaake rakran, was o Jesus pash lende, un djas lentsa. 16Jon prindjran les gar, har te wans lengre jaka pandlo.</div><div class="p"> 17Koi putchas lo lendar: &#8220;Pral hawo koowa rakrenn tumer?&#8221;</div><div class="p">Koi was lenge ropaske, un jon atchan tardo. 18Un ko jek, kai kharella Kleopas, penas ap leste: &#8220;Djineh tu gar, hoi an kal diwessa an o foro Jerusalem lauter djas? Halauter djinenn kowa. Hal tu i wi-themari un djineh kowa gar?&#8221;</div><div class="p"> 19Un o Jesus penas: &#8220;Hoi djas?&#8221;</div><div class="p">Un jon penan: &#8220;Kowa, hoi kran le o Jesuseha dran Nazaret. Job his o Debleskro rakepaskro, ap koleste o Debleskri soor his. O Dewel bitchras les. Kowa dikas hakeno ap kowa, hoi job penas un kras. 20Mare bare rashaja un pralstune rakran i phagi pral leste win, te well lo ap o trushel dino. Un jon dan les ap o trushel. 21Mer patsam, kai o Dewel bitchras les, te lell job i Israeleskre menshen dran i Remarjengre wasta win.</div><div class="p">Kowa djas lauter glan triin diwessa. 22Un kau diwes penan menge i djuwja tchomone, kai atchas menge o rakepen krik. Kol djuwja his taissarlake pash o mulengro kheer, 23un hatsan o mulo Jesuses gar. Jon wan pale pash mende, un penan: Mer dikam bolepangren, un kolla penan: O Jesus djiwella! 24Mursha mendar djan pash ko mulengro kheer, un lauter his jaake, har kolla djuwja kowa penan. Les dikan jon gar.&#8221;</div><div class="p"> 25Koi penas o Jesus ap lende: &#8220;Tumer haiwan tchi. An tumaro dji djal tchi dren. Hoske patsenn tumer kowa gar, hoi o Debleskre rakepangre glan i rah tsiro penan? 26Kolla penan: O Kristo, ko baro rai, kones o Dewel bitchras, hunte las duka ap peste, te djas lo an peskro railepen.&#8221;</div><div class="p"> 27Palle penas o Jesus lenge, hoi o Mose un i tsele Debleskre rakepangre pral leste tchinan. 28Un jaake wan le pash o gab Emmaus, un o Jesus kras jaake, har te kamell lo dureder te djal.</div><div class="p"> 29Jon rikran les pale, un penan ap leste: &#8220;Atch pash mende! I rati wella, un well tamlo#24:29 tamlo, ap gadjkenes: dunkel .&#8221; Koi djas job lentsa an o kheer, 30un beshas pes te chal lo lentsa, las o maro, parkras pes pash o Debleste, phagas ko maro an kotja, un das kowa lende.</div><div class="p"> 31Koi haiwan le, kowa hi o Jesus. Un ap jek kopo dikan le les buder gar.</div><div class="p"> 32Un jon penan mashkral pende: &#8220;Djas kowa gar an maro dji, har job ap o drom mentsa rakras, un menge penas, hoi an o Debleskro lab pral leste tchinlo hi?&#8221;</div><div class="p"> 33Un jon stan pre, un jaake sik har djala, djan le pale an o foro Jerusalem. Kote his kol deesh-te-jek un kol wawar o Jesuseskre malendar khetne.</div><div class="p"> 34Un kolla, kai kote khetne hi, penan lenge: &#8220;O Dewel kras tchatchepah o Jesuses djido, un o Simon dikas les.&#8221;</div><div class="p"> 35Koi ginan kol dui lenge dren, hoi lenge ap o drom djas, un har jon les prindjran, har job o maro phagas.</div><div class="s1">O Jesus sikrell pes peskre malende</div><div class="p"> 36Har jon kowa penan, his ap jek kopo o Jesus mashkral lende tardo, un penas ap lende: &#8220;O Debleskri bacht tumenge!&#8221;</div><div class="p"> 37Jon patsan, kai dikenn le i mules. Un i daar was ap lende.</div><div class="p"> 38Koi penas lo ap lende: &#8220;Hoi dikenn tumer jaake darenes? Hoske putchenn tumen an tumaro shero, koon me hom? 39Dikenn mire wasta un mire herja! Me hom les. Taprenn man an, un haiwenn: Kek mules hi mass un kokale ap peste, har tumer les pash mande dikenna!&#8221;</div><div class="p"> 40Un har job kowa penas, sikras job lende peskre wasta un pire. 41Jon nashte patsan gar, kai hi o Jesus glan lende tardo, jaake bachtelo his le. Har djinan le gar, hoi te penenn le, putchas lo lendar: &#8220;Hi tumen tchomone te chal?&#8221;</div><div class="p"> 42Koi dan le les i kotar peklo matcho.</div><div class="p"> 43Job las kowa un chas les glan lende.</div><div class="p"> 44Un job penas: &#8220;Har me pash tumende homs, penom me ap tumende: Halauter hunte well tchatcho, hoi o Mose tchinas, un hoi o Debleskre rakepangre pral mande penan, un hoi an o Debleskre gilja tchinlo hi.&#8221;</div><div class="p"> 45Un palle das lo len goswepen, te haiwenn le o Debleskro lab, 46un penas ap lende: &#8220;Jaake hi tchinlo an o Debleskro lab: O Kristo, ko baro rai, kolestar o Dewel penas, te well job, kowa hunte lell duka ap peste, un pal triin diwessa stell lo i mulendar pre. 47Un an peskro lab hunte well i menshenge an hake themma penlo, te mukenn le pengro tchilatcho drom, un djan ap o Debleskro drom, jaake kai lell o Dewel lengri doosh lendar krik. Penenn kowa i menshenge an o foro Jerusalem, un palle an i wawar themma! 48Tumer dikan kowa lauter, un hunte penenn kowa i menshenge dureder! 49Un me bitchrau tumenge koles, kolestar miro dad penas, te well job pash tumende. Atchenn an o foro Jerusalem jaake rah, bis te lan i soor dran o bolepen!&#8221;</div><div class="p"> 50Un job djas pash o gab Betani peskre malentsa. Koi hadas lo peskre wasta un penas: &#8220;O Dewel atchell tumentsa!&#8221;</div><div class="p"> 51Un har job jaake rakras, djas lo lendar un was pral an o bolepen hadedo.</div><div class="p"> 52Un jon sharan les, un djan bachteles pale an o foro Jerusalem.</div><div class="p"> 53Un hako tsiro djan le an o Debleskro baro kheer, un sharan o Debles.</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Sik taissarlake, pal o Debleskro diwes, lan le kutch djet, hoi jon kokres kran, un djan pash ko mulengro kheer. Kote dikan le, kai ko baro bar buder gar glan o mulengro kheer tchiddo hi. Un jon djan dren, un hatsan gar o mulo trupo o rajestar Jesus. Har jon koi tardo his, un djinan gar, hoi te krenn le, his kote ap jek kopo dui mursha tardo. Un lengre ripja his railes bijalo. Un i traash was ap i djuwjende. Un darjatar dikan le ap i phub. Kol dui mursha penan ap lende: “Hoske rodenn tumer kol djides pash i mulende?
Job hi gar kai. O Dewel kras les i mulendar djido. Bistran tumer kowa, hoi job tumenge penas, har job an o them Galilea his? Job penas tumenge: O Mensheskro Tchawo hunte well an i tchilatche wasta dino, un ap o trushel dino. Un pal triin diwessa stell lo i mulendar pre.”
Un kol laba wan pale an lengro shero.
Koi djan jon krik dran ko mulengro kheer, un djan pale an o foro, un penan kowa lauter o Jesuseskre deesh-te-jek malenge, un ninna kol tsele wawarenge, kai pash lende hi.
Kol djuwja his i Maria Magdalena, i Joanna un i Maria, ko Jakobeskri dai un wawar.
Un kowa, hoi i djuwja penan, his i murshenge dinelo rakepen. Un jon patsan kol djuwjen gar.
O Petro stas pre, un djas pash ko mulengro kheer, dikas dren, hatsas kol laintikre kotja ap i rig tchiddo, un djas peske. Job djinas gar, hoi te penell lo.

Ap kau diwes djan dui o Jesuseskre malendar an ko gab Emmaus. Kowa his deesh-te-dui kilometarja glan o foro Jerusalem. Ap o drom rakran le pral lauter, hoi an o foro Jerusalem djas.
Har jon jaake rakran, was o Jesus pash lende, un djas lentsa. Jon prindjran les gar, har te wans lengre jaka pandlo.
Koi putchas lo lendar: “Pral hawo koowa rakrenn tumer?”
Koi was lenge ropaske, un jon atchan tardo. Un ko jek, kai kharella Kleopas, penas ap leste: “Djineh tu gar, hoi an kal diwessa an o foro Jerusalem lauter djas? Halauter djinenn kowa. Hal tu i wi-themari un djineh kowa gar?”
Un o Jesus penas: “Hoi djas?”
Un jon penan: “Kowa, hoi kran le o Jesuseha dran Nazaret. Job his o Debleskro rakepaskro, ap koleste o Debleskri soor his. O Dewel bitchras les. Kowa dikas hakeno ap kowa, hoi job penas un kras. Mare bare rashaja un pralstune rakran i phagi pral leste win, te well lo ap o trushel dino. Un jon dan les ap o trushel. Mer patsam, kai o Dewel bitchras les, te lell job i Israeleskre menshen dran i Remarjengre wasta win.
Kowa djas lauter glan triin diwessa. Un kau diwes penan menge i djuwja tchomone, kai atchas menge o rakepen krik. Kol djuwja his taissarlake pash o mulengro kheer, un hatsan o mulo Jesuses gar. Jon wan pale pash mende, un penan: Mer dikam bolepangren, un kolla penan: O Jesus djiwella! Mursha mendar djan pash ko mulengro kheer, un lauter his jaake, har kolla djuwja kowa penan. Les dikan jon gar.”
Koi penas o Jesus ap lende: “Tumer haiwan tchi. An tumaro dji djal tchi dren. Hoske patsenn tumer kowa gar, hoi o Debleskre rakepangre glan i rah tsiro penan? Kolla penan: O Kristo, ko baro rai, kones o Dewel bitchras, hunte las duka ap peste, te djas lo an peskro railepen.”
Palle penas o Jesus lenge, hoi o Mose un i tsele Debleskre rakepangre pral leste tchinan. Un jaake wan le pash o gab Emmaus, un o Jesus kras jaake, har te kamell lo dureder te djal.
Jon rikran les pale, un penan ap leste: “Atch pash mende! I rati wella, un well tamlo.” Koi djas job lentsa an o kheer, un beshas pes te chal lo lentsa, las o maro, parkras pes pash o Debleste, phagas ko maro an kotja, un das kowa lende.
Koi haiwan le, kowa hi o Jesus. Un ap jek kopo dikan le les buder gar.
Un jon penan mashkral pende: “Djas kowa gar an maro dji, har job ap o drom mentsa rakras, un menge penas, hoi an o Debleskro lab pral leste tchinlo hi?”
Un jon stan pre, un jaake sik har djala, djan le pale an o foro Jerusalem. Kote his kol deesh-te-jek un kol wawar o Jesuseskre malendar khetne.
Un kolla, kai kote khetne hi, penan lenge: “O Dewel kras tchatchepah o Jesuses djido, un o Simon dikas les.”
Koi ginan kol dui lenge dren, hoi lenge ap o drom djas, un har jon les prindjran, har job o maro phagas.

Har jon kowa penan, his ap jek kopo o Jesus mashkral lende tardo, un penas ap lende: “O Debleskri bacht tumenge!”
Jon patsan, kai dikenn le i mules. Un i daar was ap lende.
Koi penas lo ap lende: “Hoi dikenn tumer jaake darenes? Hoske putchenn tumen an tumaro shero, koon me hom? Dikenn mire wasta un mire herja! Me hom les. Taprenn man an, un haiwenn: Kek mules hi mass un kokale ap peste, har tumer les pash mande dikenna!”
Un har job kowa penas, sikras job lende peskre wasta un pire. Jon nashte patsan gar, kai hi o Jesus glan lende tardo, jaake bachtelo his le. Har djinan le gar, hoi te penenn le, putchas lo lendar: “Hi tumen tchomone te chal?”
Koi dan le les i kotar peklo matcho.
Job las kowa un chas les glan lende.
Un job penas: “Har me pash tumende homs, penom me ap tumende: Halauter hunte well tchatcho, hoi o Mose tchinas, un hoi o Debleskre rakepangre pral mande penan, un hoi an o Debleskre gilja tchinlo hi.”
Un palle das lo len goswepen, te haiwenn le o Debleskro lab, un penas ap lende: “Jaake hi tchinlo an o Debleskro lab: O Kristo, ko baro rai, kolestar o Dewel penas, te well job, kowa hunte lell duka ap peste, un pal triin diwessa stell lo i mulendar pre. Un an peskro lab hunte well i menshenge an hake themma penlo, te mukenn le pengro tchilatcho drom, un djan ap o Debleskro drom, jaake kai lell o Dewel lengri doosh lendar krik. Penenn kowa i menshenge an o foro Jerusalem, un palle an i wawar themma! Tumer dikan kowa lauter, un hunte penenn kowa i menshenge dureder! Un me bitchrau tumenge koles, kolestar miro dad penas, te well job pash tumende. Atchenn an o foro Jerusalem jaake rah, bis te lan i soor dran o bolepen!”
Un job djas pash o gab Betani peskre malentsa. Koi hadas lo peskre wasta un penas: “O Dewel atchell tumentsa!”
Un har job jaake rakras, djas lo lendar un was pral an o bolepen hadedo.
Un jon sharan les, un djan bachteles pale an o foro Jerusalem.
Un hako tsiro djan le an o Debleskro baro kheer, un sharan o Debles.

Mihaino ny Luka 24