If you have would like a copy of this version please contact info@davaraudiobibles.org

Yali Angguruk Old Testament

<div class="version vid2911 iso6393yli" data-vid="2911" data-iso6393="yli">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Abram inowen Lot ibil atfag ane</div><div class="p"> 1Welatfareg Babilonia inap onowe suwon Amrafel men, Elasar inap onowe Ariokh men, Elam inap onowe Kedorlaomer men, Goyim inap onowe Tideal, it enebe uhan itanowen 2Sodom inap onowe Bera men, Gomora inap onowe Birsya men, Adma inap onowe Syinab men, Zeboim inap onowe Semeber men, o Bear unuk eke Zoar inap onowe Bela, it enebe fuwaben men tog aptuk latfag. 3-4Tog apfag ane ari alem tu fahet: Ap suwon Kedorlaomer inowen it fuwaben itano sen enesugmen eneg mo ilig am wirig am turukmu nisanggowen atfagma it fuwaben itanowen at apma welamuhuk fuhen nininggik obog usul ulug mangno ibareg onotsi sehen senehon o Sidim tonggoma palu enepfag. Palu enepfag ambeg ino ketiya ik Il Warehon suwaleg. 5Mo ilig am wirig am turukmu nunggul huriken 14 atfagma ap suwon Kedorlaomer ino ori ibil atfahon menen tog abul ulug watfareg o Asterot-Karnaim inowen o Refaim inap waroho apmayap eneptuk lit o Ham inowen Zuzim inap unusuruk lit o Syawe-Kiryataim inowen Emim inap unusibareg 6Hori inap tom Edom fam werehon arimano muko unusuruk lit lek ilan fil o El-Paran horogma imbisik libag. 7Imbisik libareg suhuloho waharuk lit o En-Mispat ketiya unuk Kades suwaleg ambeg watfag. Watfareg Amalek inap enengginang obog toho pin halog toho siyahap tibareg Amori inap o Hazezon-Tamar welatfahon arimano oho waroho apmayap enepfag.</div><div class="p"> 8It arimano apmayap enepfagma Sodom, Gomora, Adma, Zeboim, Bela inap onowesi wal taneg werehon enebe fuwaben itanowen onotsi sehen senehon o Sidim tonggoma luhal enepfareg 9Elam, Goyim, Babilonia, Elasar inap onowesi wal taneg werehon enebe uhan itano men tog aptuk latfag.</div><div class="p"> 10O Sidim tonggoma ino sabelep pusuwon hag angge yenggeleg ambeg anggolo weregma Sodom Gomora inap onowesi piren itano enekolen tog aptuk ambeg embeselug pupu angge larukmen sabelep pusuwon hag angge yenggeleg ambeg arimano mako wambibagma onori suwon hinahan itano seleg wilip atfareg tom alem ke libag. 11Libagma ap suwon uhan itanowen Sodom Gomora inap enenggengge men naruk angge obog toho huhulangge hilaruk latfag. 12Abram ot amloho Lot ino oho o Sodom weregma ap seliyon arimanowen inggik hele waroho walug laruk lit anggengge oho obog toho hilibag.</div><div class="p"> 13Ari tibagma ap misig seleg wilip atfahon inowen tog apfag ane fahet Ibrani ahun Abram fam hiyag irik libag. Abram ino usa ahen Amori ahun Mamre inowen tohon wereg ambeg welatfag. Hun Mamre ino ori Eskol men Aner men itano Abram men mangno roho welatfag. 14Hot amloho Lot ino inggik hele waroho hilalug larusa urukon Abramen hol hibareg tog aptuk ane inindi anggat teg inap at men o saboma ambiyeg welatfahon enebe teng nisanggowen 318 palu enepfareg ap suwon uhan itano mug eneplug o Dan libag. 15O Dan inowen otsi asan wal taneg palu enepfareg hubanggo ap seliyon arimano mug-mag isibareg unusil laruk lit o Damsyik pisan isalug ik eleruk fil o Hoba horogma imbisik libag. 16Ari til laruk lit mun angge man angge huhulangge hilibahon arimano men Lot men hiyap men ap winon men ininggik hele waroho og eneplug libahon arimano obog toho Abramen taluk enepfag.</div><div class="s">Melkisedek inowen Allah unuk fam Abram hi ribag ane</div><div class="p"> 17Abram inowen ap suwon Kedorlaomer ori ibil atfahon men arimano unusil laruk lit apmayap enepfareg suhuloho waharukmu Sodom inap onowe ino o Syawe tonggoma unuk winon Ap Suwon Raja Tonggoma suwaleg ambeg Abram olohotma libag. 18#Ibr 7:1-10Salem inap onowe Melkisedek Allah palimu werehon amingmingangge imam welatfahon inowen oho suburu roti men ik anggur ahaluwe men Abram fahet walug libareg 19hi ruruk lit, &#8221;Allah mondabi palimu werehon pohol kinang wal tibahon inowen indi hasug lit hineyap haptuk laruhu. 20Allah palimu werehon inowen ap seliyon hat hinggikmu embeserisimu At wel turuk lamuhuk,&#8221; ibag. Ibagma Abramen ap seliyon ininggikmuwen taluk enepfag angge arimano palu numen amag ulug minggitfareg palu misig Melkisedek og itfag.</div><div class="p"> 21Og itfagma Sodom inap onowe inowen Abram fam ele uruk lit, &#8221;Mun angge man angge taluk eneptikinon hat hilaruk lit we numalikisi eneg an og nitmihin,&#8221; ulug hiyag itfag.</div><div class="p"> 22Hiyag itfagma Abramen ele uruk lit, &#8221;Nikni Allah mondabi palimu werehon pohol kinang wal tibahon olohotma tik-tem toho iminon tu: 23Anden mun angge man angge og itikikmu Abram tung ahun atisi uhun tohon haren tohon hekel unu toron men humi pahaluk misig oho an hilamin fug. 24We notsiyen narusa angge eneg og hum fug teg lahi. Nori Aner, Eskol, Mamre nibil atuson ariya ininggikmu atisiyon eneg hilalusa,&#8221; ibag.</div>
 </div>
 </div>
</div>

Welatfareg Babilonia inap onowe suwon Amrafel men, Elasar inap onowe Ariokh men, Elam inap onowe Kedorlaomer men, Goyim inap onowe Tideal, it enebe uhan itanowen Sodom inap onowe Bera men, Gomora inap onowe Birsya men, Adma inap onowe Syinab men, Zeboim inap onowe Semeber men, o Bear unuk eke Zoar inap onowe Bela, it enebe fuwaben men tog aptuk latfag. Tog apfag ane ari alem tu fahet: Ap suwon Kedorlaomer inowen it fuwaben itano sen enesugmen eneg mo ilig am wirig am turukmu nisanggowen atfagma it fuwaben itanowen at apma welamuhuk fuhen nininggik obog usul ulug mangno ibareg onotsi sehen senehon o Sidim tonggoma palu enepfag. Palu enepfag ambeg ino ketiya ik Il Warehon suwaleg. Mo ilig am wirig am turukmu nunggul huriken 14 atfagma ap suwon Kedorlaomer ino ori ibil atfahon menen tog abul ulug watfareg o Asterot-Karnaim inowen o Refaim inap waroho apmayap eneptuk lit o Ham inowen Zuzim inap unusuruk lit o Syawe-Kiryataim inowen Emim inap unusibareg Hori inap tom Edom fam werehon arimano muko unusuruk lit lek ilan fil o El-Paran horogma imbisik libag. Imbisik libareg suhuloho waharuk lit o En-Mispat ketiya unuk Kades suwaleg ambeg watfag. Watfareg Amalek inap enengginang obog toho pin halog toho siyahap tibareg Amori inap o Hazezon-Tamar welatfahon arimano oho waroho apmayap enepfag.
It arimano apmayap enepfagma Sodom, Gomora, Adma, Zeboim, Bela inap onowesi wal taneg werehon enebe fuwaben itanowen onotsi sehen senehon o Sidim tonggoma luhal enepfareg Elam, Goyim, Babilonia, Elasar inap onowesi wal taneg werehon enebe uhan itano men tog aptuk latfag.
O Sidim tonggoma ino sabelep pusuwon hag angge yenggeleg ambeg anggolo weregma Sodom Gomora inap onowesi piren itano enekolen tog aptuk ambeg embeselug pupu angge larukmen sabelep pusuwon hag angge yenggeleg ambeg arimano mako wambibagma onori suwon hinahan itano seleg wilip atfareg tom alem ke libag. Libagma ap suwon uhan itanowen Sodom Gomora inap enenggengge men naruk angge obog toho huhulangge hilaruk latfag. Abram ot amloho Lot ino oho o Sodom weregma ap seliyon arimanowen inggik hele waroho walug laruk lit anggengge oho obog toho hilibag.
Ari tibagma ap misig seleg wilip atfahon inowen tog apfag ane fahet Ibrani ahun Abram fam hiyag irik libag. Abram ino usa ahen Amori ahun Mamre inowen tohon wereg ambeg welatfag. Hun Mamre ino ori Eskol men Aner men itano Abram men mangno roho welatfag. Hot amloho Lot ino inggik hele waroho hilalug larusa urukon Abramen hol hibareg tog aptuk ane inindi anggat teg inap at men o saboma ambiyeg welatfahon enebe teng nisanggowen 318 palu enepfareg ap suwon uhan itano mug eneplug o Dan libag. O Dan inowen otsi asan wal taneg palu enepfareg hubanggo ap seliyon arimano mug-mag isibareg unusil laruk lit o Damsyik pisan isalug ik eleruk fil o Hoba horogma imbisik libag. Ari til laruk lit mun angge man angge huhulangge hilibahon arimano men Lot men hiyap men ap winon men ininggik hele waroho og eneplug libahon arimano obog toho Abramen taluk enepfag.

Abram inowen ap suwon Kedorlaomer ori ibil atfahon men arimano unusil laruk lit apmayap enepfareg suhuloho waharukmu Sodom inap onowe ino o Syawe tonggoma unuk winon Ap Suwon Raja Tonggoma suwaleg ambeg Abram olohotma libag. Salem inap onowe Melkisedek Allah palimu werehon amingmingangge imam welatfahon inowen oho suburu roti men ik anggur ahaluwe men Abram fahet walug libareg hi ruruk lit, ”Allah mondabi palimu werehon pohol kinang wal tibahon inowen indi hasug lit hineyap haptuk laruhu. Allah palimu werehon inowen ap seliyon hat hinggikmu embeserisimu At wel turuk lamuhuk,” ibag. Ibagma Abramen ap seliyon ininggikmuwen taluk enepfag angge arimano palu numen amag ulug minggitfareg palu misig Melkisedek og itfag.
Og itfagma Sodom inap onowe inowen Abram fam ele uruk lit, ”Mun angge man angge taluk eneptikinon hat hilaruk lit we numalikisi eneg an og nitmihin,” ulug hiyag itfag.
Hiyag itfagma Abramen ele uruk lit, ”NIKNI Allah mondabi palimu werehon pohol kinang wal tibahon olohotma tik-tem toho iminon tu: Anden mun angge man angge og itikikmu Abram tung ahun atisi uhun tohon haren tohon hekel unu toron men humi pahaluk misig oho an hilamin fug. We notsiyen narusa angge eneg og hum fug teg lahi. Nori Aner, Eskol, Mamre nibil atuson ariya ininggikmu atisiyon eneg hilalusa,” ibag.

Mihaino ny KEJADIAN 14