Kiembu - 2002 KENBS (NT) Drama

<div class="version vid2770 iso6393ebu" data-vid="2770" data-iso6393="ebu">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Jes&#251; n&#238;wavonirie m&#251;nd&#251; war&#238; k&#238;thua</div><div class="p"> 1Vuva wa &#251;guo, Jes&#251; n&#238;wathi&#238;re Jerusalemu k&#238;rugor&#238; K&#238;am Ayahudi. 2Nakuo k&#251;u &#238;t&#251;&#251;rar&#238; r&#238;a Jerusalemu vakuv&#238; na K&#238;vingo K&#238;am Ng'ondu, kwar&#238; na &#238;ria r&#238;nene r&#238;a manj&#238; r&#238;atum&#238;r&#238;twe ithaku ithano na r&#238;etagwa Bethizatha na r&#251;thiomi rwa K&#238;hibirania. 3Nao arwaru eeng&#238;: atumumu, ithua, na and&#251; ar&#238;a maaku&#238;te ci&#238;ga, n&#238;meekar&#238;te ithakur&#238; icio. [Arwaru acio n&#238;meetag&#238;r&#238;ra manj&#238; maunjugwe, 4n&#238;&#251;nd&#251; mavinda kwa mavinda m&#251;raika wa Mwathani n&#238;wany&#251;r&#251;r&#251;kaga &#238;riar&#238; r&#238;u na akaunjuga manj&#238;. Nake m&#251;rwaru wa wonthe &#251;r&#238;a watuv&#251;kaga &#238;riar&#238; r&#238;u ar&#238; wa mbere manj&#238; mar&#238;kia kunjugwa, n&#238;wavonagua m&#251;rim&#251; wa wonthe &#251;r&#238;a ethag&#238;rwa arwar&#238;te.]#5.4 Mand&#238;ko mamwe matir&#238; 5:3b-4. 5Vau K&#238;thakur&#238; vaar&#238; na m&#251;nd&#251; wat&#251;&#251;r&#238;te m&#238;aka m&#238;rongo &#238;that&#251; na &#238;nana arwar&#238;te. 6R&#238;r&#238;a Jes&#251; oonire m&#251;nd&#251; &#251;cio amam&#238;te vo, n&#238;wamenyire at&#238; m&#251;nd&#251; &#251;cio aar&#238; m&#251;t&#251;&#251;ru m&#238;aka m&#238;&#238;ng&#238; ar&#238; m&#251;rwaru. Kwoguo Jes&#251; n&#238;wa&#251;ririe m&#251;nd&#251; &#251;cio at&#238;r&#238;, &#8220;We n&#238;&#251;renda k&#251;vona?&#8221;</div><div class="p"> 7M&#251;nd&#251; &#251;cio n&#238;wacokerie Jes&#251; at&#238;r&#238;, &#8220;M&#251;thuuri &#251;y&#251;, ava vatir&#238; na m&#251;nd&#251; &#251;ng&#238;nduvukia &#238;riar&#238; manj&#238; mar&#238;kia kunjugwa. Na v&#238;nd&#238; wa yonthe &#238;r&#238;a nageria gw&#238;tuvukia kuo, m&#251;nd&#251; w&#238;ng&#238; n&#238;atuv&#251;kaga kuo mbere yakwa.&#8221;</div><div class="p"> 8Nake Jes&#251; n&#238;wamw&#238;rire at&#238;r&#238;, &#8220;&#219;k&#238;ra woce k&#238;var&#238; g&#238;aku na &#251;thi&#238;.&#8221; 9Na v&#238;nd&#238; wa &#238;o m&#251;nd&#251; &#251;cio n&#238;wavonire, ag&#238;oca k&#238;var&#238; g&#238;ake na ak&#238;&#238;thi&#238;ra.</div><div class="p">M&#251;thenya &#251;cio gwek&#238;kire &#251;guo war&#238; wa thavat&#251;. 10#Neh 13.19; Jer 17.21 Kwoguo Ayahudi n&#238;maamw&#238;rire at&#238;r&#238;, &#8220;&#219;m&#251;nth&#238; n&#238; m&#251;thenya wa thavat&#251; na watho wet&#251; nd&#251;gw&#238;t&#238;k&#238;r&#238;tie g&#251;kuua k&#238;var&#238; g&#238;aku.&#8221;</div><div class="p"> 11Nake m&#251;nd&#251; &#251;cio n&#238;wacokerie Ayahudi acio at&#238;r&#238;, &#8220;M&#251;nd&#251; &#251;r&#238;a &#251;mvonirie aamb&#238;rire mboce k&#238;var&#238; g&#238;akwa na nthi&#238;.&#8221;</div><div class="p"> 12Nao Ayahudi n&#238;maa&#251;ririe m&#251;nd&#251; &#251;cio at&#238;r&#238;, &#8220;N&#238; m&#251;nd&#251; &#251;r&#238;k&#251; &#251;cio &#251;kw&#238;rire w&#238;ke &#251;guo?&#8221;</div><div class="p"> 13Nwat&#238; m&#251;nd&#251; &#251;cio wavonetue ndaamenya &#251;r&#238;a wam&#251;vonirie n&#238;&#251;nd&#251; Jes&#251; n&#238;wa&#251;r&#238;re k&#238;r&#238;nd&#238;r&#238; k&#238;r&#238;a K&#238;amr&#238; vau.</div><div class="p"> 14Vuva wa &#251;guo, Jes&#251; n&#238;weth&#238;r&#238;rie m&#251;nd&#251; &#251;cio hekar&#251;r&#238; na ak&#238;mw&#238;ra at&#238;r&#238;, &#8220;N&#238;wona, r&#238;u we n&#238;wavona. Tiga kw&#238;vagia n&#238;guo nd&#251;kone &#251;nd&#251; w&#238;ng&#238; m&#251;c&#251;ku mak&#238;ria ya &#251;y&#251;.&#8221;</div><div class="p"> 15Nake m&#251;nd&#251; &#251;cio n&#238;wacokire ak&#238;thi&#238; kw&#238;ra Ayahudi at&#238; Jes&#251; n&#238;ke wam&#251;vonetie. 16Kwoguo Ayahudi n&#238;maamb&#238;r&#238;rie k&#251;nyarira Jes&#251; n&#238;&#251;nd&#251; n&#238;wekaga ma&#251;nd&#251; ta mama m&#251;thenya wa thavat&#251;. 17Nwat&#238; Jes&#251; n&#238;werire Ayahudi at&#238;r&#238;, &#8220;Vava n&#238;arutaga w&#238;ra v&#238;nd&#238; cionthe na wa nanie nwa nginya ndute w&#238;ra.&#8221;</div><div class="p"> 18R&#238;r&#238;a Jes&#251; aaugire &#251;guo, Ayahudi n&#238;maag&#238;re na k&#238;&#238;o k&#238;&#238;ng&#238; m&#251;no g&#238;a kwenda k&#251;m&#251;&#251;raga. Meendaga gw&#238;ka &#251;guo t&#238; n&#238;&#251;nd&#251; at&#238; n&#238;waun&#238;te watho w&#238;gi&#238; m&#251;thenya wa thavat&#251;, nwat&#238; n&#238;&#251;nd&#251; n&#238;waug&#238;te at&#238; Ngai n&#238; &#238;the kwoguo ake&#238;ganania na Ngai.</div><div class="s">Wathani wa M&#251;ri&#251;</div><div class="p"> 19Kwoguo Jes&#251; n&#238;wamerire at&#238;r&#238;, &#8220;N&#238;ramw&#238;ra na ma at&#238;: g&#251;tir&#238; &#251;nd&#251; M&#251;ri&#251; ekaga e&#238;r&#238;te; ekaga wa &#251;r&#238;a tu onaga &#206;the ag&#238;ka. Na wa &#251;r&#238;a wonthe &#206;the eekaga, wana M&#251;ri&#251; n&#238;w&#238;kaga. 20N&#238;&#251;nd&#251; &#206;the n&#238;wendete M&#251;ri&#251; na n&#238;amwonagia ma&#251;nd&#251; monthe mar&#238;a ke mwene ekaga. Ke n&#238;akaamwonia wana ma&#251;nd&#251; manene ma gw&#238;ka g&#251;k&#238;ra mama, na mue n&#238;m&#251;kaamaka. 21Na wata &#251;r&#238;a &#206;the ari&#251;kagia aku&#251; na akamava mwoyo, &#251;guo nwa ta guo M&#251;ri&#251; avecanaga mwoyo k&#251;r&#238; ar&#238;a onthe endaga k&#251;va. 22G&#251;tir&#238; m&#251;nd&#251; &#251;tucag&#238;rwa ciira n&#238; &#206;the. Ke n&#238;w&#238;t&#238;k&#238;r&#238;tie M&#251;ri&#251; atucanag&#238;re ciira, 23n&#238;guo and&#251; onthe mat&#238;&#238;age M&#251;ri&#251; wata &#251;r&#238;a mat&#238;&#238;aga &#206;the. M&#251;nd&#251; wa wonthe &#251;tat&#238;&#238;aga M&#251;ri&#251;, ndat&#238;&#238;aga &#206;the &#251;r&#238;a wam&#251;t&#251;mire.</div><div class="p"> 24&#8220;Nie n&#238;ramw&#238;ra na ma at&#238;: m&#251;nd&#251; wa wonthe w&#238;gucaga nd&#251;m&#238;r&#238;ri yakwa na aget&#238;kia Ngai &#251;r&#238;a wand&#251;mire, ar&#238; na mwoyo wa tene na tene. M&#251;nd&#251; &#251;cio ndagaacirithua n&#238; Ngai, n&#238;&#251;nd&#251; ke n&#238;mumu k&#251;r&#238; ar&#238;a aku&#251; na agatonya k&#251;r&#238; ar&#238;a mar&#238; mwoyo. 25Nie n&#238;ramw&#238;ra na ma at&#238; &#238;vinda n&#238;r&#238;kuv&#238;v&#238;riu na n&#238;r&#238;r&#238;k&#238;tie g&#251;kinya. &#206;vinda r&#238;&#238;r&#238; n&#238;r&#238;o aku&#251; makeegua m&#251;gambo wa M&#251;ri&#251; wa Ngai, na ar&#238;a makaaw&#238;gua n&#238;makaag&#238;a na mwoyo. 26Na wata &#251;r&#238;a Vava ke mwene ar&#238;ke kiumo K&#238;am mwoyo, &#251;guo nwa ta guo at&#251;m&#238;te M&#251;ri&#251; atu&#238;ke kiumo K&#238;am mwoyo. 27Nake Vava n&#238;avete M&#251;ri&#251; r&#251;tha rwa g&#251;tu&#238;ra and&#251; ciira, n&#238;&#251;nd&#251; ke n&#238; M&#251;r&#251; wa M&#251;nd&#251;. 28Tigani k&#251;makua n&#238; ma&#251;nd&#251; mama, n&#238;&#251;nd&#251; &#238;vinda n&#238;r&#238;gaakinya r&#238;r&#238;a aku&#251; onthe makeegua m&#251;gambo wake, 29#Dan 12.2 na maume mb&#238;r&#238;rar&#238; ciao. And&#251; ar&#238;a mek&#238;te waro n&#238;makaari&#251;kua na mag&#238;e na mwoyo wa tene na tene, nwat&#238; ar&#238;a mek&#238;te naa&#238; n&#238;makaari&#251;kua na matu&#238;rwe.</div><div class="s">Aira a Jes&#251;</div><div class="p"> 30&#8220;G&#251;tir&#238; &#251;nd&#251; n&#238;ng&#238;ka na vinya wakwa. Nducanag&#238;ra ciira k&#251;ringana na &#251;r&#238;a Ngai amb&#238;raga mb&#238;ke. Kwoguo &#238;tua r&#238;akwa n&#238; r&#238;a k&#238;vooto n&#238;&#251;nd&#251; nie ndirageria k&#251;vingia wendi wakwa, nwat&#238; n&#238;rageria k&#251;vingia wendi wa &#251;r&#238;a wand&#251;mire.</div><div class="p"> 31&#8220;Ang&#238;th&#238;rwa n&#238;ravecana &#251;ira wakwa nie mwene, &#251;ira &#251;cio n&#238;ravecana t&#238; wa ma. 32Nwat&#238; n&#238;mb&#238;c&#238; at&#238; k&#251;r&#238; m&#251;nd&#251; &#251;vecanaga &#251;ira &#251;mb&#238;gi&#238;, na nie n&#238;mb&#238;c&#238; at&#238; ma&#251;nd&#251; mar&#238;a augaga mamb&#238;gi&#238; n&#238; ma ma. 33#Joh 1.19-27; 3.27-30 Mue n&#238;mwat&#251;mire anjaama enyu k&#251;r&#238; Johana, na Johana ak&#238;aria &#251;ma &#251;r&#238;a &#251;mb&#238;gi&#238;. 34Nie ndivatar&#238;te &#251;ira kuuma k&#251;r&#238; m&#251;nd&#251; wana &#251;r&#238;k&#251;, nwat&#238; nauga &#251;guo n&#238;guo m&#251;vonokue. 35Johana aakengaga ta taa yakan&#238;te, namue n&#238;mwendire g&#251;kenerera &#251;theri &#251;cio wake kavinda kanini. 36Nwat&#238; n&#238;r&#238; na &#251;ira &#251;mb&#238;gi&#238; &#251;k&#238;r&#238;te wa Johana. Ma&#251;nd&#251; mar&#238;a Vava aamb&#238;rire mb&#238;kage n&#238;mo maumb&#251;raga at&#238; Vava n&#238;ke wand&#251;mire. 37#Mat 3.17; Mar 1.11; Luka 3.22 Wana nginya Vava &#251;r&#238;a wand&#251;mire n&#238;avecanaga &#251;ira &#251;mb&#238;gi&#238;. Mue m&#251;tianegua m&#251;gambo wake na m&#251;tianona &#251;r&#238;a ekari&#238;. 38Mue m&#251;ti&#238;t&#238;kag&#238;ra nd&#251;m&#238;r&#238;ri yake n&#238;&#251;nd&#251; m&#251;ti&#238;t&#238;kagia &#251;r&#238;a wand&#251;mire. 39Mue m&#251;thomaga Mand&#238;ko Matheru n&#238;&#251;nd&#251; mw&#238;ciragia at&#238; mwamathoma n&#238;m&#251;k&#251;g&#238;a na mwoyo wa tene na tene. Mand&#238;ko Matheru maragia &#251;voro &#251;mb&#238;gi&#238;. 40K&#251;nar&#238; &#251;guo mue m&#251;tiendaga g&#251;ka k&#251;r&#238; nie n&#238;guo m&#251;g&#238;e na mwoyo.</div><div class="p"> 41&#8220;Nie ndiracaria ngumo kuuma k&#251;r&#238; and&#251;. 42Nwat&#238; n&#238;mb&#238;c&#238; m&#251;r&#238; and&#251; a m&#251;themba &#251;r&#238;k&#251; na n&#238;mb&#238;c&#238; at&#238; mue m&#251;tiendete Ngai na ngoro cienyu. 43Nie mb&#251;k&#238;te na r&#238;&#238;twa r&#238;a Vava na m&#251;tinyam&#251;kag&#238;ra. Nwat&#238; m&#251;nd&#251; w&#238;ng&#238; ang&#238;&#251;ka ak&#238;aragia &#251;r&#238;a e&#238;r&#238;te, nwa m&#251;mwam&#251;k&#238;re. 44Mue m&#251;caragia ngumo kuuma k&#251;r&#238; and&#251; ar&#238;a eng&#238;, nwat&#238; m&#251;tigeragia k&#251;g&#238;a na ngumo kuuma k&#251;r&#238; &#251;r&#238;a ar&#238;ke Ngai. 45M&#251;tigecirie at&#238; nie n&#238;nie ngaam&#251;thitanga k&#251;r&#238; Vava. Musa &#251;r&#238;a mwig&#238;te k&#238;&#238;r&#238;g&#238;r&#238;ro k&#251;r&#238; ke, n&#238;ke &#251;kaam&#251;thitanga. 46Keth&#238;rwa na ma mue n&#238;mwet&#238;k&#238;tie Musa, wa nanie n&#238;m&#251;ng&#238;mb&#238;t&#238;k&#238;tie, n&#238;&#251;nd&#251; ke aand&#238;kire &#251;voro &#251;r&#238;a &#251;mb&#238;gi&#238;. 47Nwat&#238; ang&#238;th&#238;rwa m&#251;ti&#238;t&#238;k&#238;tie &#251;voro &#251;r&#238;a aand&#238;kire, m&#251;ng&#238;vota at&#238;a vi gw&#238;t&#238;kia &#251;r&#238;a nie mbug&#238;te?&#8221;</div>
 </div>
 </div>
</div>

Vuva wa ûguo, Jesû nîwathiîre Jerusalemu kîrugorî Kîam Ayahudi. Nakuo kûu îtûûrarî rîa Jerusalemu vakuvî na Kîvingo Kîam Ng'ondu, kwarî na îria rînene rîa manjî rîatumîrîtwe ithaku ithano na rîetagwa Bethizatha na rûthiomi rwa Kîhibirania. Nao arwaru eengî: atumumu, ithua, na andû arîa maakuîte ciîga, nîmeekarîte ithakurî icio. [Arwaru acio nîmeetagîrîra manjî maunjugwe, nîûndû mavinda kwa mavinda mûraika wa Mwathani nîwanyûrûrûkaga îriarî rîu na akaunjuga manjî. Nake mûrwaru wa wonthe ûrîa watuvûkaga îriarî rîu arî wa mbere manjî marîkia kunjugwa, nîwavonagua mûrimû wa wonthe ûrîa ethagîrwa arwarîte.] Vau Kîthakurî vaarî na mûndû watûûrîte mîaka mîrongo îthatû na înana arwarîte. Rîrîa Jesû oonire mûndû ûcio amamîte vo, nîwamenyire atî mûndû ûcio aarî mûtûûru mîaka mîîngî arî mûrwaru. Kwoguo Jesû nîwaûririe mûndû ûcio atîrî, “We nîûrenda kûvona?”
Mûndû ûcio nîwacokerie Jesû atîrî, “Mûthuuri ûyû, ava vatirî na mûndû ûngînduvukia îriarî manjî marîkia kunjugwa. Na vîndî wa yonthe îrîa nageria gwîtuvukia kuo, mûndû wîngî nîatuvûkaga kuo mbere yakwa.”
Nake Jesû nîwamwîrire atîrî, “Ûkîra woce kîvarî gîaku na ûthiî.” Na vîndî wa îo mûndû ûcio nîwavonire, agîoca kîvarî gîake na akîîthiîra.
Mûthenya ûcio gwekîkire ûguo warî wa thavatû. Kwoguo Ayahudi nîmaamwîrire atîrî, “Ûmûnthî nî mûthenya wa thavatû na watho wetû ndûgwîtîkîrîtie gûkuua kîvarî gîaku.”
Nake mûndû ûcio nîwacokerie Ayahudi acio atîrî, “Mûndû ûrîa ûmvonirie aambîrire mboce kîvarî gîakwa na nthiî.”
Nao Ayahudi nîmaaûririe mûndû ûcio atîrî, “Nî mûndû ûrîkû ûcio ûkwîrire wîke ûguo?”
Nwatî mûndû ûcio wavonetue ndaamenya ûrîa wamûvonirie nîûndû Jesû nîwaûrîre kîrîndîrî kîrîa Kîamrî vau.
Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”
Nake mûndû ûcio nîwacokire akîthiî kwîra Ayahudi atî Jesû nîke wamûvonetie. Kwoguo Ayahudi nîmaambîrîrie kûnyarira Jesû nîûndû nîwekaga maûndû ta mama mûthenya wa thavatû. Nwatî Jesû nîwerire Ayahudi atîrî, “Vava nîarutaga wîra vîndî cionthe na wa nanie nwa nginya ndute wîra.”
Rîrîa Jesû aaugire ûguo, Ayahudi nîmaagîre na kîîo kîîngî mûno gîa kwenda kûmûûraga. Meendaga gwîka ûguo tî nîûndû atî nîwaunîte watho wîgiî mûthenya wa thavatû, nwatî nîûndû nîwaugîte atî Ngai nî îthe kwoguo akeîganania na Ngai.

Kwoguo Jesû nîwamerire atîrî, “Nîramwîra na ma atî: gûtirî ûndû Mûriû ekaga eîrîte; ekaga wa ûrîa tu onaga Îthe agîka. Na wa ûrîa wonthe Îthe eekaga, wana Mûriû nîwîkaga. Nîûndû Îthe nîwendete Mûriû na nîamwonagia maûndû monthe marîa ke mwene ekaga. Ke nîakaamwonia wana maûndû manene ma gwîka gûkîra mama, na mue nîmûkaamaka. Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva. Gûtirî mûndû ûtucagîrwa ciira nî Îthe. Ke nîwîtîkîrîtie Mûriû atucanagîre ciira, nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.
“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo. Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo. Na wata ûrîa Vava ke mwene arîke kiumo Kîam mwoyo, ûguo nwa ta guo atûmîte Mûriû atuîke kiumo Kîam mwoyo. Nake Vava nîavete Mûriû rûtha rwa gûtuîra andû ciira, nîûndû ke nî Mûrû wa Mûndû. Tigani kûmakua nî maûndû mama, nîûndû îvinda nîrîgaakinya rîrîa akuû onthe makeegua mûgambo wake, na maume mbîrîrarî ciao. Andû arîa mekîte waro nîmakaariûkua na magîe na mwoyo wa tene na tene, nwatî arîa mekîte naaî nîmakaariûkua na matuîrwe.

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.
“Angîthîrwa nîravecana ûira wakwa nie mwene, ûira ûcio nîravecana tî wa ma. Nwatî nîmbîcî atî kûrî mûndû ûvecanaga ûira ûmbîgiî, na nie nîmbîcî atî maûndû marîa augaga mambîgiî nî ma ma. Mue nîmwatûmire anjaama enyu kûrî Johana, na Johana akîaria ûma ûrîa ûmbîgiî. Nie ndivatarîte ûira kuuma kûrî mûndû wana ûrîkû, nwatî nauga ûguo nîguo mûvonokue. Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini. Nwatî nîrî na ûira ûmbîgiî ûkîrîte wa Johana. Maûndû marîa Vava aambîrire mbîkage nîmo maumbûraga atî Vava nîke wandûmire. Wana nginya Vava ûrîa wandûmire nîavecanaga ûira ûmbîgiî. Mue mûtianegua mûgambo wake na mûtianona ûrîa ekariî. Mue mûtiîtîkagîra ndûmîrîri yake nîûndû mûtiîtîkagia ûrîa wandûmire. Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî. Kûnarî ûguo mue mûtiendaga gûka kûrî nie nîguo mûgîe na mwoyo.
“Nie ndiracaria ngumo kuuma kûrî andû. Nwatî nîmbîcî mûrî andû a mûthemba ûrîkû na nîmbîcî atî mue mûtiendete Ngai na ngoro cienyu. Nie mbûkîte na rîîtwa rîa Vava na mûtinyamûkagîra. Nwatî mûndû wîngî angîûka akîaragia ûrîa eîrîte, nwa mûmwamûkîre. Mue mûcaragia ngumo kuuma kûrî andû arîa engî, nwatî mûtigeragia kûgîa na ngumo kuuma kûrî ûrîa arîke Ngai. Mûtigecirie atî nie nînie ngaamûthitanga kûrî Vava. Musa ûrîa mwigîte kîîrîgîrîro kûrî ke, nîke ûkaamûthitanga. Kethîrwa na ma mue nîmwetîkîtie Musa, wa nanie nîmûngîmbîtîkîtie, nîûndû ke aandîkire ûvoro ûrîa ûmbîgiî. Nwatî angîthîrwa mûtiîtîkîtie ûvoro ûrîa aandîkire, mûngîvota atîa vi gwîtîkia ûrîa nie mbugîte?”

Mihaino ny Joh 5