Asheninka, Pichis 2008 WBT (NT) Drama

<div class="version vid238 iso6393cpu" data-vid="238" data-iso6393="cpu">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">I&#241;aaventziro Jes&#250;s kantzimataantsi</div><div class="r">(Lc. 6.37-38, 41-42)</div><div class="p"> 1&#8220;Te apantaro ankantante: &#8216;Kaariperoshire inatzi nosheninka.&#8217; Aririka ankantantake, ari irimayeetai aaka, inkantayeetai: &#8216;Kaariperoshire pinatzi eejatzi eeroka.&#8217; 2Aririka ankantakoteri asheninka, ari inkantakotanakai eejatzi aaka. Ontzimatye aamaiya, aririka ontzime antzimotantane, imaperoitaikari aaka apaata impiyatayeetai. 3Okempivaitakaro aririka otyaakitaimi antaro inchapeto okiki, &#191;kantatsima ameneri pashine otyaakitachari kapicheeni irookiki? 4&#191;Tema eero okanta ankanteri: &#8216;Pimpoke, nagaimiro otyaakitakemiri pokiki?&#8217; Tema otyaakitakemi eeroka antaro inchapeto. 5Pikempitakari kamataviri. Petavakyaaro eeroka paavairo inchato otzikaakemiri, irojatzi pamenantanaiyaari kameetha paantaiyaaniriri otyaakitakeri pashine.</div><div class="p"> 6Tera impayeetapiintaiteri otsitzi vathatsi tasorentsitatsiri. Ari okempitari eejatzi tera impayeeterimi chancho mareryaayetatsiri, tema ari iroipatsitakero iraatzikavaitavakero. Tera impayeeteri ikovayevetari, osheki inkatsimate, ari iratsikantake.&#8221;#7.6 Ikantaitziri jaka: &#8220;vathatsi tasorentsitatsiri&#8221; ipo&#241;a &#8220;mareryaayetatsiri,&#8221; iro oshiyakaaventacha Kameethari &#209;aantsi tasorentsitatsiri. Tema i&#241;aane Pava, okempitari ikaratzi mareryaayetatsiri. Iriima otsitzi ipo&#241;a chancho, irira oshiyakaaventacha, ikarayetzi kaari koverone inkempisantero Kameethari &#209;aantsi, osheki ikisaneentakeri kamantantzirori. Tera arite impankiventayeetyaari, terika inkovero inkempisante.</div><div class="s">I&#241;aaventziri Jes&#250;s amanaperotziriri Pava</div><div class="r">(Lc. 11.9-13; 6.31)</div><div class="p"> 7&#8220;Pinkampitante, pinkokovate eejatzi, aritake pi&#241;aakero impayeetemiro pikovakotantziri. Pinkempitakaantero pareetya aparoni pankotsi, pinkantapaakeri ashitarori: &#8216;Pashitaryeenaro.&#8217; Aritake irashitaryaakemiro ipanko. 8Aritake impayeetairi kampitantayetatsiri. Inkarate amemenatairone, ari iro&#241;aakaitairi. Aririka inkantaiteri: &#8216;Pashitaryeero.&#8217; Aritake irimatakero. 9Aririka inkampitemi pitomi, inkantemi: &#8216;Apa, pimpena tanta.&#8217; &#191;Arima pimpakeri mapi? 10Aririka inkantemi: &#8216;Pimpena shima noya.&#8217; &#191;Arima pimpakeri maranke iroyaari? 11Iro kantacha eeroka petakotari pitomipayeeni, kaariperoshire pinaveta. Iriira ovatsiperotzirori Ashitairi Inkitesatzi, jetakotari irirori maaroni amanayetairiri. 12Aririka pinkove iretakotaityaami, petavakyaaro eeroka petakotantya. Irootakera okantakotziri Ikantakaantaitane, irojatzira ikantakeri eejatzi pairani kamantantaneri.&#8221;</div><div class="s">I&#241;aaventaitziro avotsimanchaki</div><div class="r">(Lc. 13.24)</div><div class="p"> 13&#8220;Aririka pinkove pinkyaavankotairi Pava, pinkempitakaantero pimpampithatatyeeromi avotsimanchaki. Tema tzimatsi pashine avotsisaante, kaari pomerentsitachane inkenantaityaaro. Osheki pampithatakerori, irashinonkaayeetaiya sarinkaveniki. 14Irooma avotsimanchaki, te iroshekite kenantyaarone, iriitake areetaachane Pavakinta, inkantaitaatyeero ira&#241;agai janta.&#8221;</div><div class="s">I&#241;aaventziri Jes&#250;s thairi</div><div class="r">(Lc. 6.43-44)</div><div class="p"> 15&#8220;Pinkyaaryootaiyeni, jamatavitzimikari oshiyavetariri kamantantaneri, inkempitakotapaakyaari ikantaranki oisha te inkatsimatanete. Iro kantamaitacha kaariperoshire inayetatziira, ikempitakari piratsi katsimari. 16Ontzimatyeera ankempoyeero jantayeetziri ayotantantyaari ikameethashiretzirika. &#191;A&#241;iiroma uva onkithotantyaaro ovaato kitochee? Tera. &#191;Omatziroma higo onkithotantyaaro iroori? Te omata eejatzi. 17Inchato saankanatatsiri oshooki, okithotzi kameetha. Irooma inchato sampiyashitaintsiri, te onkithokinete. 18Tema inchato saankanatatsiri oshooki, te iri&#241;eetero onkaariperote okithoki. Ari okempitari eejatzi inchato sampiyashitaintsiri, eero ji&#241;eetziro onkameethate okithoki. 19Tema itovaitziro inchato kaari kithotatsine, iragaitakero intagaitero. 20Pinkempoyaakoyetairi iyotaayetaimiri. Ikempitakarorika okithotzi inchato saankanatatsiri oshooki, pimatero jiyotaayetzimiri.&#8221;</div><div class="s">Ji&#241;aaventziri Jes&#250;s iyotakoperotanairiri</div><div class="r">(Lc. 13.25-27)</div><div class="p"> 21&#8220;Tzimavetachara osheki kantavetanari: &#8216;Novinkatharite pini eeroka, no&#241;aapinkathakitakemi.&#8217; Iro kantacha eero ji&#241;eero impinkathariventairi Pava. Intaani inkarate antayetanairori ikovakaantziri Ashitanari Inkitesatzi. 22Aririka nompinkatharitai apaata napatotairi maaroni atziri. Tzimatsi kantayetaatsine: &#8216;Novinkatharite, nopairyaakemi naaka no&#241;aaventayetzimi. Nopairyaakemi novavisaakotziri jaakayetziri peyari. Nokantayetziri eejatzi nosheninka: Iro notasonkaventantari nopairyiiri Jes&#250;s.&#8217; 23Iro kantamaitacha nonkantanakeri naaka: &#8216;Te niyotemi. Piyaataveete jantyaatziini, omapero pikaariperoshiretake.&#8217; &#8221;</div><div class="s">I&#241;aaventaitziri apite ovatzikirori ipanko</div><div class="r">(Lc. 6.46-49)</div><div class="p"> 24&#8220;Pinkeme, aririka pinkinkishiretero maaroni nokantakemiri, aririka pinkempisantanakero maaroni, ari okameethatzi. Irootake piyotanetyaari. Pinkempitakyaari ovatzikirori ipanko oshirantapathatzi kipatsi. 25Oparyaaveta iniroite inkane, amaraniveta. Otampyaavetaka shintsiini, ookantavetapaakaro pankotsi, te aavyeero. Tema ovatzikakitya kameetha oshirantapathatzi kipatsi. 26Ari okempitari eejatzi, eerorika pikinkishiretziro nokantayetakemiri, eerorika pinkempisantanairo, eero pi&#241;iiro piyotanetyaaro. Pinkempitakotakyaari ovatzikirori ipanko impanepathatzi. 27Oparyaapaake inkane, amaranitapaake. Opo&#241;a otampyaatapaake, ookantapaakaro, tyaanake pankotsi, aanakero. Te i&#241;eetairo.&#8221;</div><div class="p"> 28Irootake jiyotaayetakeriri Jes&#250;s ikaratzi apatoventakariri. Ipampoyaaminthaitanakeri. 29Tera omaanta ishintsinka jiyotaantzira, janayiri jiyotaantzi iyotzinkariite.</div>
 </div>
 </div>
</div>

“Te apantaro ankantante: ‘Kaariperoshire inatzi nosheninka.’ Aririka ankantantake, ari irimayeetai aaka, inkantayeetai: ‘Kaariperoshire pinatzi eejatzi eeroka.’ Aririka ankantakoteri asheninka, ari inkantakotanakai eejatzi aaka. Ontzimatye aamaiya, aririka ontzime antzimotantane, imaperoitaikari aaka apaata impiyatayeetai. Okempivaitakaro aririka otyaakitaimi antaro inchapeto okiki, ¿kantatsima ameneri pashine otyaakitachari kapicheeni irookiki? ¿Tema eero okanta ankanteri: ‘Pimpoke, nagaimiro otyaakitakemiri pokiki?’ Tema otyaakitakemi eeroka antaro inchapeto. Pikempitakari kamataviri. Petavakyaaro eeroka paavairo inchato otzikaakemiri, irojatzi pamenantanaiyaari kameetha paantaiyaaniriri otyaakitakeri pashine.
Tera impayeetapiintaiteri otsitzi vathatsi tasorentsitatsiri. Ari okempitari eejatzi tera impayeeterimi chancho mareryaayetatsiri, tema ari iroipatsitakero iraatzikavaitavakero. Tera impayeeteri ikovayevetari, osheki inkatsimate, ari iratsikantake.”


“Pinkampitante, pinkokovate eejatzi, aritake piñaakero impayeetemiro pikovakotantziri. Pinkempitakaantero pareetya aparoni pankotsi, pinkantapaakeri ashitarori: ‘Pashitaryeenaro.’ Aritake irashitaryaakemiro ipanko. Aritake impayeetairi kampitantayetatsiri. Inkarate amemenatairone, ari iroñaakaitairi. Aririka inkantaiteri: ‘Pashitaryeero.’ Aritake irimatakero. Aririka inkampitemi pitomi, inkantemi: ‘Apa, pimpena tanta.’ ¿Arima pimpakeri mapi? Aririka inkantemi: ‘Pimpena shima noya.’ ¿Arima pimpakeri maranke iroyaari? Iro kantacha eeroka petakotari pitomipayeeni, kaariperoshire pinaveta. Iriira ovatsiperotzirori Ashitairi Inkitesatzi, jetakotari irirori maaroni amanayetairiri. Aririka pinkove iretakotaityaami, petavakyaaro eeroka petakotantya. Irootakera okantakotziri Ikantakaantaitane, irojatzira ikantakeri eejatzi pairani kamantantaneri.”


“Aririka pinkove pinkyaavankotairi Pava, pinkempitakaantero pimpampithatatyeeromi avotsimanchaki. Tema tzimatsi pashine avotsisaante, kaari pomerentsitachane inkenantaityaaro. Osheki pampithatakerori, irashinonkaayeetaiya sarinkaveniki. Irooma avotsimanchaki, te iroshekite kenantyaarone, iriitake areetaachane Pavakinta, inkantaitaatyeero irañagai janta.”


“Pinkyaaryootaiyeni, jamatavitzimikari oshiyavetariri kamantantaneri, inkempitakotapaakyaari ikantaranki oisha te inkatsimatanete. Iro kantamaitacha kaariperoshire inayetatziira, ikempitakari piratsi katsimari. Ontzimatyeera ankempoyeero jantayeetziri ayotantantyaari ikameethashiretzirika. ¿Añiiroma uva onkithotantyaaro ovaato kitochee? Tera. ¿Omatziroma higo onkithotantyaaro iroori? Te omata eejatzi. Inchato saankanatatsiri oshooki, okithotzi kameetha. Irooma inchato sampiyashitaintsiri, te onkithokinete. Tema inchato saankanatatsiri oshooki, te iriñeetero onkaariperote okithoki. Ari okempitari eejatzi inchato sampiyashitaintsiri, eero jiñeetziro onkameethate okithoki. Tema itovaitziro inchato kaari kithotatsine, iragaitakero intagaitero. Pinkempoyaakoyetairi iyotaayetaimiri. Ikempitakarorika okithotzi inchato saankanatatsiri oshooki, pimatero jiyotaayetzimiri.”


“Tzimavetachara osheki kantavetanari: ‘Novinkatharite pini eeroka, noñaapinkathakitakemi.’ Iro kantacha eero jiñeero impinkathariventairi Pava. Intaani inkarate antayetanairori ikovakaantziri Ashitanari Inkitesatzi. Aririka nompinkatharitai apaata napatotairi maaroni atziri. Tzimatsi kantayetaatsine: ‘Novinkatharite, nopairyaakemi naaka noñaaventayetzimi. Nopairyaakemi novavisaakotziri jaakayetziri peyari. Nokantayetziri eejatzi nosheninka: Iro notasonkaventantari nopairyiiri Jesús.’ Iro kantamaitacha nonkantanakeri naaka: ‘Te niyotemi. Piyaataveete jantyaatziini, omapero pikaariperoshiretake.’ ”


“Pinkeme, aririka pinkinkishiretero maaroni nokantakemiri, aririka pinkempisantanakero maaroni, ari okameethatzi. Irootake piyotanetyaari. Pinkempitakyaari ovatzikirori ipanko oshirantapathatzi kipatsi. Oparyaaveta iniroite inkane, amaraniveta. Otampyaavetaka shintsiini, ookantavetapaakaro pankotsi, te aavyeero. Tema ovatzikakitya kameetha oshirantapathatzi kipatsi. Ari okempitari eejatzi, eerorika pikinkishiretziro nokantayetakemiri, eerorika pinkempisantanairo, eero piñiiro piyotanetyaaro. Pinkempitakotakyaari ovatzikirori ipanko impanepathatzi. Oparyaapaake inkane, amaranitapaake. Opoña otampyaatapaake, ookantapaakaro, tyaanake pankotsi, aanakero. Te iñeetairo.”
Irootake jiyotaayetakeriri Jesús ikaratzi apatoventakariri. Ipampoyaaminthaitanakeri. Tera omaanta ishintsinka jiyotaantzira, janayiri jiyotaantzi iyotzinkariite.

Mihaino ny Mateo 7