Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Yeesu slafaraa dosi ayisago</div><div class="r">(Mataayo 28:1-10; Maariko 16:1-8; Yohaana 20:1-10)</div><div class="p"> 1Inkoo, baloo da Jumaapiiri hari tumpaatumpu, tigay hhakira gii oyiri du&#8260;iyatira da tafu hhoi, giyaa ilakhuukhu&#42892;usiri haa gi hadakayri ayisage. 2Inay giyaa ilii dayri, gi slayri tlaa&#8260;atira, daga&#227; gwangwaraai ayisago. 3Giyaa ilii guniri wa&#42892;ay gu ayisage, inay yaa aniriiba slaqwa da Looimoo gu Go&#245; Yeesu. 4Qatlay giyaa ilii kahhiyee hi&#297; bakaakairi sa gimbakee, cirakiray hida cada hingagii ca&#8260;asiri, gi qadimidiri ilaciyaa koinay, gwaa daamisee qayroo gu wanqawanqee mankaraaiya pahha. 5Tigay hhakee digigi ilii guumi ha dahhiya, gii gupu&#8260;umisiri pandadu koina hhapeege naqatloo. Hida hhakira gi kaayri sa tigay hhakee tuba, &#8220;So&#42892;oyi damaamitay heedi gu slafa tla&#8260;a&#227; gu tuueenaage? 6Wanaaba ti&#42892;ii, Iliitleemu gungii tlaysi! Slawuu idoo sangwaa ilii kaay, giyaa iliiwane sliimaa haa unkuray yade Galilaayage tuba, 7&#8216;Kwanda Nanku Heedi dugu hiilu&#8260;iye dabai&#297; gu hida gu koomeege tlakwaroo. Dugu hiitluhhumisi musalaabage, kara, baloo da tamiige yaa slafi.&#8217; &#8221; 8Da hhe&#42892;esi, tigay hhakee gii slayri gimbakee gu Yeesu giyaa kaay.</div><div class="p"> 9Qatlay tigay hhakee giyaa ilii ki&#8260;iri ayisago, gi ilakeesiri gimbakee go&#245;, sa sirakoomiisetira da mibi haa le&#7869; sliimaa haa wakinay go&#245;. 10Tigay hhakee, umai&#297; koina ni&#297; Mariyaa Magidaleena, Yoaana, Mariyaa iyoo da Yakoobo, haa tigay wakinay gwaa waaree sliimaa haa inay. 11Ya&#8260;abimiisee, tigay hhakee giyaa &#8260;imbiriiba, kara gimbaki gwaati aniri konaaba ma&#42892;aana see. 12Teesaaqay see, Peetiro gii tlay haa gi taa&#8260;adi ayisa naqatloo. Qatlay giyaa ilii day, gii condoi, gii juurisi wa&#42892;ay gu ayisage, gi arimi qayrukira kilesi gu &#8260;abaaku. Da hhe&#42892;esi, ina gi ki&#8260;i, tay hi&#297; tosaa bakai sa gimbakee gungii ca&#8260;u.</div><div class="s1">Yeesu iliica&#8260;a sirakoomiisee dosi cada</div><div class="r">(Maariko 16:12-13)</div><div class="p"> 13Yu&#42892;udiyaa balotee loi da Jumaapiiri, sirakoomiisee cada da Yeesu yaa hhiyumaamita tongoo waka khu&#42892;usa, daa eteediidine na Emaaw. Tongotee segaru&#361; kosi yaa khocu gu saa cada Yerusaleemugo. 14Inay haa inay yaa giimaamisiyay gimbakee go&#245; gungii ca&#8260;u. 15Qatlay giyaa ilii cocaacoiyee haa hingi maamisiyay gimbakee, Yeesu ina loi giyaagi iliisati, gi khoci sliimaa haa inay. 16Teesaaqay see, ilaa koina digaa hiibo&#8260;eesi ha Iliitleemu, magu mayri baraslawaraa ina.</div><div class="p"> 17Yeesu gigi maasi inay tuba, &#8220;Ti gimba mala hi&#297; ga giimaamisidee unkuray haa unkuray, ga ilii khociicintee?&#8221; Inay gi qadimidiri, tay pandadu koina konay slahhaa&#42892;amee. 18Le&#7869; tla&#8260;a&#227; gooinay, uma gosi daa eteediidine na Kileyoopa, gugi ilaki&#8260;isi ina tuba, &#8220;Ugu kilesi na dahaagoo Yerusaleemuge, gu hhidima gimba gungii ca&#8260;u te&#42892;esii baalahhanki?&#8221;</div><div class="p"> 19Yeesu gigi maasi inay tuba, &#8220;Ti gimba mala hikee?&#8221;</div><div class="p">Inay gugi ilaki&#8260;isiri tuba, &#8220;Gimba gu Yeesu gu Nasareeti. Ina yaa tletimiisay, kara gwaa kooma hiidahhasa da didiri gimba gosiige haa yondu gosii pandaa da Iliitleemuge haa pandaa da hida gonge. 20Hhapalooee da deni haa giyaadimiisee da tawaaloo doori, gwaa hiilu&#8260;iri ina hukumuu gu gwaa&#42892;araage. Inay gugii tluhhumisiri musalaabage. 21Dandiray haa kona iliipa&#42892;aru tuba, ina ni&#297; aloo ilabu&#42892;una Israeeli daqa fa&#8260;ayaago. Kara, letuti ti balalu tami hingii catiri, qatlay gimbaki sliimaa gi&#297; iliica&#8260;i. 22Slime, tigay wakinay gu raqa doori hindii baka&#42892;asiri dandiray. Inay hi&#297; hadakayri ayisage letuti tumpaatumpu, 23slaqwa dosi gi&#297; slayriiba. Inay yaagi ki&#8260;iri, gi kaayri tuba slime digaani iliica&#8260;i ha malayika yade ayisage, sigaani kaawee tuba, Yeesu ti slafi. 24Da hhe&#42892;esi, dene&#42892;ee koti wakinay hi&#297; hadakayri ayisage, gi slayri ayisa namati tiraaqay, tigay hhakira gooay idoo gi&#297; ilii kaayri. Teesaaqay, ina gu&#361; aniriiba.&#8221;</div><div class="p"> 25Yeesu gi kaay sa inay tuba, &#8220;Ye unkuray gu hhidimee, gwaa muunai&#297; hiiloaa&#42892;awee &#8260;imbaraage gimba go&#245;, daa kakaami ha tletimiisee da Iliitleemu! 26Caba yaati kwanda, Kristu#24:26 Kristu: Ti&#42892;ii umaki Kristu hari Yunaanaisoo na Masiiya, ma&#42892;aana dosi na Daa maakhi du&#8260;iya. dugu laba&#42892;asiye hari amotee. Da hhe&#42892;esi ma hiiday wanqamee dosii da didirige?&#8221; 27Da hhe&#42892;esi, Yeesu sigigi ilakeesi, idoo Handikaa da Iliitleemu giyaa ilii kaadi daqa dosii, gi tlaatleesi handikaa da Musaago haa handikaa da tletimiisee go&#245; da Iliitleemu.</div><div class="p"> 28Inay giyaa ilii daadaauusiri tongotiray giyaa kakaakayee, Yeesu gi laqi ubee, hitii cacaacati pahha pandaage. 29Te&#42892;esii, inay gugi tlaatlaqasiri hari khisla, kakaanay tuba, &#8220;Ibiidi ti&#42892;ii sliimaa haa dandiray, sa gimba inkoo hiti khwayai&#297;, kara amasi see yaani dayri.&#8221; Teesaaqay, ina gii day marage, gi ibiidi sliimaa haa inay.</div><div class="p"> 30Qatlay Yeesu giyaa ilii ibiidi sliimaa haa inay meesaage, ina gii oyi mukaatimoo, gi daareesi Iliitleemu. Da hhe&#42892;esi gugi fendehhemisi haa sigigi hadimisi inay. 31Yu&#42892;udiyaa! Ilaa koina digigi pooisi, inay gugi asu baraslayiri tuba, ti Yeesu. Cirakiray, ina gii hhancooi ilaa koinaa. 32Inay hingigi maamisiri inay haa inay tuba, &#8220;Muunai&#297; koti hi&#297; ooyiiyinaaiibaslii wa&#42892;ay kotii, ina gi&#297; ilii giimaamisiye haa dandiray amooge, tay ilakesidi sa dandiray Handikaa da Iliitleemu?&#8221;</div><div class="p"> 33Namati qatlaykeesii, cirakiray inay yaagi ki&#8260;iri Yerusaleemuge. Inay gi slayri sirakoomiisetira da mibi haa le&#7869;, hingii kurunkuridiri daqa lenge sliimaa haa hhakira gwaa waaree haa inay. 34Te&#42892;esii gigi akhasiri, kakaanay tuba, &#8220;Gu lou, Looimoo gu Go&#245; yaani slafi, kara yaani iliica&#8260;i Simooni.&#8221; 35Da hhe&#42892;esi, hhakira gu cada gi ilakeesiri sa dene&#42892;ee koina, gimba gwaanii ca&#8260;u daqa dooinay amooge, haa idoo gi&#297; ilii baraslayiri Yeesu, gi&#297; ilii fandakusi mukaatimoo.</div><div class="s1">Yeesu iliica&#8260;araa da sirakoomiisee dosi</div><div class="r">(Mataayo 28:16-20; Maariko 16:14-18; Yohaana 20:19-23; Yondu gu Ya&#8260;abimiisee 1:6-8)</div><div class="p"> 36Qatlay inay giyaa ilii giimaamisiyee gimbakee, Yeesu gi qadidi tla&#8260;a&#227; gooinay, gi kaay sa inay tuba, &#8220;Qasaw wane sliimaa haa unkuray.&#8221; 37Te&#42892;esii, inay hirigii tlairi haa gi tla&#42892;amuudiri, tay ilahudeemisiyay tuba, hi&#297; iliitleemimoo aniri. 38Yeesu gi kaay tuba, &#8220;Ha&#227; so&#42892;oyi tla&#42892;amutiri? Kara so&#42892;oyi kontay qiigi&#42892;imoo muunai&#297; kokunay? 39Inkoo, unkuray arima dabai&#297; koi haa ye&#42892;eeroo koi, ma antiri tuba ti ana loi. Hani slaapaa&#42892;amisidee, ma caahhadiri gu lou. Ma&#42892;aana iliitleemimoo konaaba slaqwa, konaaba fararu, idoo ana gooay gani&#297; ilii antiri ha kooma.&#8221;</div><div class="p"> 40Qatlay Yeesu giyaa ilii hhe&#42892;esi kaawaraa gimbaki, sigigi laqami inay dabai&#297; kosi haa ye&#42892;eeroo kosi. 41Inay yaa kahhiyay &#8260;imbaraa haa hi&#297; bakairi sa hha&#42892;aloo giyaa koneei. Te&#42892;esii ina gigi maasi inay tuba, &#8220;Kontaai &#8260;agoo ti&#42892;ii?&#8221; 42Inay sugugi hadisiri ina, samaakimoo daa deequmi. 43Ina gigii oyi, gigi &#8260;agimi pandaa dooinay.</div><div class="p"> 44Da hhe&#42892;esi, ina gi kaay sa inay tuba, &#8220;Hi&#297; na gimbakira koyi sangwaa kaay unkuray. Qatlay gaa iliiwaare sliimaa haa unkuray, haa kaay ambee, kwanda gimba go&#245; dugu hiigaasiye, daa handikimi daqa dooi sariyaa da Musaage, handikaa da tletimiiseege haa Daareesooge.&#8221;</div><div class="p"> 45Te&#42892;esii, Yeesu gi pooisi caahhamuu koina, ma caahhiri ma&#42892;aana da Handikaa da Iliitleemu. 46Ina sigigi kaay inay tuba, &#8220;Teesaaqay daganaa ilii handikimi tuba, Kristu dugu laba&#42892;asi, kara baloo da tamiige yaa slafi. 47Kara, hari uma gosi, kwahharaa da tlakwaroo haa ilamooyiru gu tlakwaroo dugu kakaana sa hhapapu go&#245;, tiaa tlaatleesi Yerusaleemugo. 48Unkuray na masaydii da gimbaki. 49Yu&#42892;udaa! Ana sangwaa ya&#8260;aba Muuna gu Iliitleemu, hi&#297; daa hiifadidi ha Taataa goy tuba, sangu hadisi. Inkoo, unkuray ibiida Yerusaleemuge, qatlayka&#42892;a naqatloo sangumaa ilii hadisiye hiidahhasa rawaa gu rawgo.&#8221;</div><div class="s1">Yeesu idoo duguraa ilii waaudi rawge</div><div class="r">(Maariko 16:19-20; Yondu gu Ya&#8260;abimiisee 1:9-11)</div><div class="p"> 50Da hhe&#42892;esi, Yeesu girigi giyaadi inay te&#42892;esaa kenga gu yaamuge tongoo da Betaniyaa naqatloo. Ina gi waratlaysi dabai&#297; kosi, gigi &#8260;aafi inay. 51Qatlay ina giyaa ilii &#8260;aafaafidiye inay, ina dugugii oyi daqa dooinaa, dugurigi tosaa waaudi rawaa gu rawge ha Iliitleemu. 52Da hhe&#42892;esi, inay gugi hha&#42892;aleesiri ina, yaagi ki&#8260;iri Yerusaleemuge hari hha&#42892;aloo da didiri. 53Balalu sliimaa inay gi ibiidiri mara gu didiruge gu Iliitleemu, tooinaa daareemisiya Iliitleemu.</div>
 </div>
 </div>
</div>

Inkoo, baloo da Jumaapiiri hari tumpaatumpu, tigay hhakira gii oyiri du⁄iyatira da tafu hhoi, giyaa ilakhuukhuꞌusiri haa gi hadakayri ayisage. Inay giyaa ilii dayri, gi slayri tlaa⁄atira, dagaã gwangwaraai ayisago. Giyaa ilii guniri waꞌay gu ayisage, inay yaa aniriiba slaqwa da Looimoo gu Goõ Yeesu. Qatlay giyaa ilii kahhiyee hiĩ bakaakairi sa gimbakee, cirakiray hida cada hingagii ca⁄asiri, gi qadimidiri ilaciyaa koinay, gwaa daamisee qayroo gu wanqawanqee mankaraaiya pahha. Tigay hhakee digigi ilii guumi ha dahhiya, gii gupu⁄umisiri pandadu koina hhapeege naqatloo. Hida hhakira gi kaayri sa tigay hhakee tuba, “Soꞌoyi damaamitay heedi gu slafa tla⁄aã gu tuueenaage? Wanaaba tiꞌii, Iliitleemu gungii tlaysi! Slawuu idoo sangwaa ilii kaay, giyaa iliiwane sliimaa haa unkuray yade Galilaayage tuba, ‘Kwanda Nanku Heedi dugu hiilu⁄iye dabaiĩ gu hida gu koomeege tlakwaroo. Dugu hiitluhhumisi musalaabage, kara, baloo da tamiige yaa slafi.’ ” Da hheꞌesi, tigay hhakee gii slayri gimbakee gu Yeesu giyaa kaay.
Qatlay tigay hhakee giyaa ilii ki⁄iri ayisago, gi ilakeesiri gimbakee goõ, sa sirakoomiisetira da mibi haa leẽ sliimaa haa wakinay goõ. Tigay hhakee, umaiĩ koina niĩ Mariyaa Magidaleena, Yoaana, Mariyaa iyoo da Yakoobo, haa tigay wakinay gwaa waaree sliimaa haa inay. Ya⁄abimiisee, tigay hhakee giyaa ⁄imbiriiba, kara gimbaki gwaati aniri konaaba maꞌaana see. Teesaaqay see, Peetiro gii tlay haa gi taa⁄adi ayisa naqatloo. Qatlay giyaa ilii day, gii condoi, gii juurisi waꞌay gu ayisage, gi arimi qayrukira kilesi gu ⁄abaaku. Da hheꞌesi, ina gi ki⁄i, tay hiĩ tosaa bakai sa gimbakee gungii ca⁄u.


Yuꞌudiyaa balotee loi da Jumaapiiri, sirakoomiisee cada da Yeesu yaa hhiyumaamita tongoo waka khuꞌusa, daa eteediidine na Emaaw. Tongotee segaruũ kosi yaa khocu gu saa cada Yerusaleemugo. Inay haa inay yaa giimaamisiyay gimbakee goõ gungii ca⁄u. Qatlay giyaa ilii cocaacoiyee haa hingi maamisiyay gimbakee, Yeesu ina loi giyaagi iliisati, gi khoci sliimaa haa inay. Teesaaqay see, ilaa koina digaa hiibo⁄eesi ha Iliitleemu, magu mayri baraslawaraa ina.
Yeesu gigi maasi inay tuba, “Ti gimba mala hiĩ ga giimaamisidee unkuray haa unkuray, ga ilii khociicintee?” Inay gi qadimidiri, tay pandadu koina konay slahhaaꞌamee. Leẽ tla⁄aã gooinay, uma gosi daa eteediidine na Kileyoopa, gugi ilaki⁄isi ina tuba, “Ugu kilesi na dahaagoo Yerusaleemuge, gu hhidima gimba gungii ca⁄u teꞌesii baalahhanki?”
Yeesu gigi maasi inay tuba, “Ti gimba mala hikee?”
Inay gugi ilaki⁄isiri tuba, “Gimba gu Yeesu gu Nasareeti. Ina yaa tletimiisay, kara gwaa kooma hiidahhasa da didiri gimba gosiige haa yondu gosii pandaa da Iliitleemuge haa pandaa da hida gonge. Hhapalooee da deni haa giyaadimiisee da tawaaloo doori, gwaa hiilu⁄iri ina hukumuu gu gwaaꞌaraage. Inay gugii tluhhumisiri musalaabage. Dandiray haa kona iliipaꞌaru tuba, ina niĩ aloo ilabuꞌuna Israeeli daqa fa⁄ayaago. Kara, letuti ti balalu tami hingii catiri, qatlay gimbaki sliimaa giĩ iliica⁄i. Slime, tigay wakinay gu raqa doori hindii bakaꞌasiri dandiray. Inay hiĩ hadakayri ayisage letuti tumpaatumpu, slaqwa dosi giĩ slayriiba. Inay yaagi ki⁄iri, gi kaayri tuba slime digaani iliica⁄i ha malayika yade ayisage, sigaani kaawee tuba, Yeesu ti slafi. Da hheꞌesi, deneꞌee koti wakinay hiĩ hadakayri ayisage, gi slayri ayisa namati tiraaqay, tigay hhakira gooay idoo giĩ ilii kaayri. Teesaaqay, ina guũ aniriiba.”
Yeesu gi kaay sa inay tuba, “Ye unkuray gu hhidimee, gwaa muunaiĩ hiiloaaꞌawee ⁄imbaraage gimba goõ, daa kakaami ha tletimiisee da Iliitleemu! Caba yaati kwanda, Kristu dugu labaꞌasiye hari amotee. Da hheꞌesi ma hiiday wanqamee dosii da didirige?” Da hheꞌesi, Yeesu sigigi ilakeesi, idoo Handikaa da Iliitleemu giyaa ilii kaadi daqa dosii, gi tlaatleesi handikaa da Musaago haa handikaa da tletimiisee goõ da Iliitleemu.
Inay giyaa ilii daadaauusiri tongotiray giyaa kakaakayee, Yeesu gi laqi ubee, hitii cacaacati pahha pandaage. Teꞌesii, inay gugi tlaatlaqasiri hari khisla, kakaanay tuba, “Ibiidi tiꞌii sliimaa haa dandiray, sa gimba inkoo hiti khwayaiĩ, kara amasi see yaani dayri.” Teesaaqay, ina gii day marage, gi ibiidi sliimaa haa inay.
Qatlay Yeesu giyaa ilii ibiidi sliimaa haa inay meesaage, ina gii oyi mukaatimoo, gi daareesi Iliitleemu. Da hheꞌesi gugi fendehhemisi haa sigigi hadimisi inay. Yuꞌudiyaa! Ilaa koina digigi pooisi, inay gugi asu baraslayiri tuba, ti Yeesu. Cirakiray, ina gii hhancooi ilaa koinaa. Inay hingigi maamisiri inay haa inay tuba, “Muunaiĩ koti hiĩ ooyiiyinaaiibaslii waꞌay kotii, ina giĩ ilii giimaamisiye haa dandiray amooge, tay ilakesidi sa dandiray Handikaa da Iliitleemu?”
Namati qatlaykeesii, cirakiray inay yaagi ki⁄iri Yerusaleemuge. Inay gi slayri sirakoomiisetira da mibi haa leẽ, hingii kurunkuridiri daqa lenge sliimaa haa hhakira gwaa waaree haa inay. Teꞌesii gigi akhasiri, kakaanay tuba, “Gu lou, Looimoo gu Goõ yaani slafi, kara yaani iliica⁄i Simooni.” Da hheꞌesi, hhakira gu cada gi ilakeesiri sa deneꞌee koina, gimba gwaanii ca⁄u daqa dooinay amooge, haa idoo giĩ ilii baraslayiri Yeesu, giĩ ilii fandakusi mukaatimoo.


Qatlay inay giyaa ilii giimaamisiyee gimbakee, Yeesu gi qadidi tla⁄aã gooinay, gi kaay sa inay tuba, “Qasaw wane sliimaa haa unkuray.” Teꞌesii, inay hirigii tlairi haa gi tlaꞌamuudiri, tay ilahudeemisiyay tuba, hiĩ iliitleemimoo aniri. Yeesu gi kaay tuba, “Haã soꞌoyi tlaꞌamutiri? Kara soꞌoyi kontay qiigiꞌimoo muunaiĩ kokunay? Inkoo, unkuray arima dabaiĩ koi haa yeꞌeeroo koi, ma antiri tuba ti ana loi. Hani slaapaaꞌamisidee, ma caahhadiri gu lou. Maꞌaana iliitleemimoo konaaba slaqwa, konaaba fararu, idoo ana gooay ganiĩ ilii antiri ha kooma.”
Qatlay Yeesu giyaa ilii hheꞌesi kaawaraa gimbaki, sigigi laqami inay dabaiĩ kosi haa yeꞌeeroo kosi. Inay yaa kahhiyay ⁄imbaraa haa hiĩ bakairi sa hhaꞌaloo giyaa koneei. Teꞌesii ina gigi maasi inay tuba, “Kontaai ⁄agoo tiꞌii?” Inay sugugi hadisiri ina, samaakimoo daa deequmi. Ina gigii oyi, gigi ⁄agimi pandaa dooinay.
Da hheꞌesi, ina gi kaay sa inay tuba, “Hiĩ na gimbakira koyi sangwaa kaay unkuray. Qatlay gaa iliiwaare sliimaa haa unkuray, haa kaay ambee, kwanda gimba goõ dugu hiigaasiye, daa handikimi daqa dooi sariyaa da Musaage, handikaa da tletimiiseege haa Daareesooge.”
Teꞌesii, Yeesu gi pooisi caahhamuu koina, ma caahhiri maꞌaana da Handikaa da Iliitleemu. Ina sigigi kaay inay tuba, “Teesaaqay daganaa ilii handikimi tuba, Kristu dugu labaꞌasi, kara baloo da tamiige yaa slafi. Kara, hari uma gosi, kwahharaa da tlakwaroo haa ilamooyiru gu tlakwaroo dugu kakaana sa hhapapu goõ, tiaa tlaatleesi Yerusaleemugo. Unkuray na masaydii da gimbaki. Yuꞌudaa! Ana sangwaa ya⁄aba Muuna gu Iliitleemu, hiĩ daa hiifadidi ha Taataa goy tuba, sangu hadisi. Inkoo, unkuray ibiida Yerusaleemuge, qatlaykaꞌa naqatloo sangumaa ilii hadisiye hiidahhasa rawaa gu rawgo.”


Da hheꞌesi, Yeesu girigi giyaadi inay teꞌesaa kenga gu yaamuge tongoo da Betaniyaa naqatloo. Ina gi waratlaysi dabaiĩ kosi, gigi ⁄aafi inay. Qatlay ina giyaa ilii ⁄aafaafidiye inay, ina dugugii oyi daqa dooinaa, dugurigi tosaa waaudi rawaa gu rawge ha Iliitleemu. Da hheꞌesi, inay gugi hhaꞌaleesiri ina, yaagi ki⁄iri Yerusaleemuge hari hhaꞌaloo da didiri. Balalu sliimaa inay gi ibiidiri mara gu didiruge gu Iliitleemu, tooinaa daareemisiya Iliitleemu.

Mihaino ny Luuka 24