If you have would like a copy of this version please contact info@davarpartners.com

The Dagbani Bible

<div class="version vid2264 iso6393dag" data-vid="2264" data-iso6393="dag">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Sariakarita mini pakoli y&#603;la</div><div class="p"> 1Yisa daa &#331;ahi &#331;ahili &#331;&#596; wuhi ni di simdi ni niriba suhiri Naawuni sahakam ka di ni&#331;di anyinsi. 2O daa y&#603;liya, &#8220;Sariakarita so n-daa be tinshee; o daa bi z&#596;ri Naawuni, ka mi bi lan lihiri nyari daadam kam. 3Ka pako&#8217; so daa be ti&#331;&#8217; maa ni n-kul &#658;e n-kan&#8217; o sanna waawaayili nti y&#603;r&#8217; o, &#8216;Karimi ti saria &#331;&#596; ti ma nasara, ka ch&#603; n dim&#8217; &#331;&#596;.&#8217; 4Ka o kul za&#611;isira, amaa di nyaa&#331;a ka o ti y&#603;li o suhu ni, &#8216;Wun&#8217; ni m bi z&#596;ri Naawuni ka mi bi lihiri nyari daadam kam &#331;&#596; zaa yoli, 5pakoli &#331;&#596; ni ka&#611;indi ma sahakam &#331;&#596; zu&#611;u, n ni kari b&#603; saria &#331;&#596; n-ti o nasara. Di yi pa lala, o waawaayili kandina &#331;&#596; ni ny&#596;ni n nyee pam.&#8217; &#8221;</div><div class="p"> 6Ka ti Duuma daa lan y&#603;li, &#8220;Wummiya sariakarita bilik&#596;&#611;indan&#8217; maa ni daa y&#603;li sh&#603;m. 7Ka da&#611;ila yi t&#603;hiya ni Naawuni &#331;un&#8217; ku kari saria n-ti o ninvu&#611;&#8217; gahindi&#8217; sh&#603;b&#8217; b&#603;n suhir&#8217; o wunta&#331;&#8217; ni mini yu&#331; kam la nasara? O ku s&#596;&#331; ba yomyom? 8N y&#603;ri ya mi o ni kari saria yomyom ti ba nasara.&#8221; Ka &#331;maligi b&#596;hi ba, &#8220;Daadam Bia yi lab&#8217; dunia &#331;&#596; ni na, o ni nya b&#603;n mali y&#603;da?&#8221;</div><div class="s1">Farisii mini farigudeera y&#603;la &#331;ahili</div><div class="p"> 9Yisa daa lan &#331;ahi ninvu&#611;&#8217; sh&#603;b&#8217; b&#603;n lihi b&#603;ma&#331;&#8217; wuntiz&#596;riba ka lihi &#658;i&#603;m b&#603; tab&#8217; la &#331;ahili &#331;&#596; y&#603;li ni 10niriba ayi n-daa cha&#331; Naawuni j&#603;mbu duu ni b&#603; ti j&#603;m Naawuni; b&#603; ni yino daa ny&#603;la Farisii, ka &#331;un&#8217; la mi ny&#603; farigudeera. 11Farisii maa daa ka&#611;imi &#658;e o k&#596;&#331;ko ha suhiri Naawuni y&#603;ri &#331;-&#331;&#596;: &#8220;Yaa n Duuma Naawuni, m pa&#611;ir&#8217; a pam n ni bi be kaman ninvu&#611;&#8217; fariba bee zalinsi diriba bee zinani&#331;diba bee farigudeera &#331;un &#658;i&#603;ya &#331;&#596; zu&#611;u. 12N l&#596;ri nol&#8217; la buyi dakulo kam, ka yihiri n ni nya sh&#603;likam zaka.&#8221; 13Amaa ka farigudeera maa &#658;e o ko ha, ka bi sa&#611;i ni o kpu&#611;&#8217; o zu&#611;u lihi zu&#611;usaa, ka na&#611;&#8217; kul malila o nuhi bur&#8217; o ny&#596;&#611;u ka y&#603;ra, &#8220;Yaa n Duuma Naawuni, zom&#8217; man&#8217; alahichilan&#8217; &#331;&#596; namb&#596;&#611;u!&#8221; 14#Mat 23.12; Luk 14.11 Ka Yisa daa &#331;maligi y&#603;li ba, &#8220;N y&#603;ri ya mi ni farigudeera maa daa yi n-kuli ka yi taali ni gari &#331;un&#8217; la; dinzu&#611;u &#331;unkam tibigir&#8217; oma&#331;&#8217; ni nya fili&#331;; ka &#331;unkam mi si&#611;isir&#8217; oma&#331;&#8217; ni nya tibiginsim.&#8221;</div><div class="s1">Yisa ni&#331; alibarika ni&#331; bihi ni</div><div class="r">(Matiu 19.13-15; Maak 10.13-16)</div><div class="p"> 15Ninvu&#611;&#8217; sh&#603;b&#8217; daa ti za&#331; bibihi ka Yisa sanna ni o ti za&#331; o nuu pa b&#603; zu&#611;u; ka o nyaandoliba daa nya lala ka tahiri bihinim&#8217; maa zu&#611;u. 16Amaa ka Yisa daa bol&#8217; o nyaandoliba maa na ti y&#603;li, &#8220;Ch&#603;liya ka bihi kam&#8217; n sanna, ka di karitiya ba, dama Naawuni nam ny&#603;la b&#603; tatabo dini. 17Y&#603;lima&#331;li ka n y&#603;ri ya, &#331;unkam bi deei Naawuni nam kaman bia ni deeri li sh&#603;m ti ku kpe di ni.&#8221;</div><div class="s1">Bundan&#8217; Naawuni nam ni kp&#603;bu</div><div class="r">(Matiu 19.16-30; Maak 10.17-31)</div><div class="p"> 18Kpeen&#8217; so daa ti b&#596;hi Yisa, &#8220;Karimba su&#331;, wula ka n lee y&#603;n ni&#331; ti nya ny&#603;vili din ka bahigu?&#8221; 19Ka Yisa b&#596;h&#8217; o, &#8220;B&#596; n-ni&#331; ka a boli ma ninvu&#611;&#8217; su&#331;? Ninvu&#611;&#8217; su&#331; kani n-na&#611;&#8217; pahila Naawuni. 20#Yibu 20.12-16; Zal 5.16-20 Ama&#331;ma&#331;&#8217; mi din be Naawuni fukumsi zaligunim&#8217; puuni. Dina n-ny&#603;: &#8216;Miri ka a ni&#331; zina; miri ka a ku ninsala; miri ka a zu; miri ka a di sh&#603;hira kp&#603;ma; ka tim&#8217; a ba min&#8217; a ma jilima.&#8217; &#8221;</div><div class="p"> 21Ka o y&#603;l&#8217; o, &#8220;M pun doli dimb&#596;&#331;&#596;nim&#8217; zaa la m bilim ni hal ni wayo.&#8221; 22Ka Yisa wum lala ka y&#603;l&#8217; o, &#8220;Y&#603;l&#8217; yini n-na&#611;&#8217; poog&#8217; a. K&#596;him&#8217; a ni mali sh&#603;likam zaa n-za&#331; ti nandaamba, ka kana ti doli ma, ka di ch&#603; ka a ti nya buni alizanda ni.&#8221; 23Ka o daa wum y&#603;t&#596;&#611;ili &#331;&#596; ka o suhu sa&#611;im pam, dama o daa ny&#603;la bundana.</div><div class="p"> 24Ka Yisa daa lih&#8217; o ka y&#603;li, &#8220;Di to ni bundaannim&#8217; kpe Naawuni nam ni! 25Hal laakum sh&#603;riga nyee ni kp&#603;bu mal&#8217; asama gari bundan&#8217; Naawuni nam ni kp&#603;bu.&#8221;</div><div class="p"> 26Ka b&#603;n daa wum o ni y&#603;li sh&#603;m maa b&#596;hi, &#8220;Ka &#331;uni n-lee ni tooi tiligi?&#8221; 27Ka o y&#603;li ba, &#8220;Din ku tooi nani ninsalinim&#8217; sani ny&#603;la din ni tooi nani Naawuni &#331;un&#8217; sani.&#8221;</div><div class="p"> 28Di saha maa ka Pita daa y&#603;li Yisa, &#8220;Nyama, ti ch&#603;la ti yinsi ka dol&#8217; a.&#8221;</div><div class="p"> 29Ka Yisa y&#603;li ba, &#8220;Y&#603;lima&#331;li ka n y&#603;ri ya, &#331;unkam ch&#603; o yili bee o pa&#611;a bee o mabi&#8217; d&#596;bba bee o ba min&#8217; o mabihi Naawuni nam zu&#611;u 30ni nya dimb&#596;&#331;&#596;nim&#8217; zaa ha pam dunia &#331;&#596; ni, ka ti lan nya ny&#603;vili din ka bahigu dunia sh&#603;li din kanna ni.&#8221;</div><div class="s1">Yisa lan y&#603;li o kum y&#603;la pahi buta</div><div class="r">(Matiu 20.17-19; Maak 10.32-34)</div><div class="p"> 31Ka Yisa daa za&#331; o nyaandoliba pinaayi maa yi kpa&#331;&#8217; ti y&#603;li ba, &#8220;Nyamiya, ti chanila J&#603;rusal&#603;m; ka anabinim&#8217; ni daa sab&#8217; sh&#603;likam za&#331; cha&#331; Daadam Bia polo la ni ti ni&#331; pali. 32Dama b&#603; ni ti za&#331; o ti b&#603;n pa Y&#603;hudianima, ka b&#603; mal&#8217; o ansarisi ka dih&#8217; o vi, ka tuhi nint&#596;ri vie o, 33ka fi&#603;b&#8217; o ka naanyi ku o; amaa di daba ata dali o ni ti neei kum ni.&#8221; 34Amaa ka b&#603; bi ba&#331; o ni y&#603;li ba sh&#603;likam maa zaa gbinni; di daa ny&#603;la y&#603;lis&#596;&#611;irili b&#603; sani, dinzu&#611;u ka b&#603; daa bi ba&#331; di gbinni maa.</div><div class="s1">Yisa tibi zoon&#8217; so</div><div class="r">(Matiu 20.29-34; Maak 10.46-52)</div><div class="p"> 35Ka Yisa daa chani ti miri J&#603;riko, ka zoon&#8217; so daa &#658;i sokpa&#331;&#8217; maani bara, 36ka ti wum salo ni garita ka o b&#596;hi, &#8220;B&#596; n-lee ni&#331;di maa?&#8221;</div><div class="p"> 37Ka b&#603; y&#603;l&#8217; o, &#8220;Yisa Nazar&#603;t nir&#8217; la n-garita.&#8221;</div><div class="p"> 38Di saha ka o kuhi y&#603;li, &#8220;Yisa, nyin&#8217; &#331;un ny&#603; Naa Dauda nyaa&#331;a &#331;&#596;, zom&#8217; ma namb&#596;&#611;u!&#8221; 39Ka b&#603;n be tooni tahir&#8217; o zu&#611;u ni o foma; amaa ka o maan kuhi pam y&#603;li, &#8220;Nyin&#8217; &#331;un ny&#603; Naa Dauda yaa&#331;a &#331;&#596;, zom&#8217; ma namb&#596;&#611;u!&#8221; 40Ka Yisa daa kpalim zani, ka y&#603;li ni b&#603; za&#331;m&#8217; o na. O ni daa ti mirina ka Yisa b&#596;h&#8217; o, 41&#8220;B&#596; ka a lee b&#596;ri ni n ni&#331; ti a?&#8221;</div><div class="p">Ka o y&#603;l&#8217; o, &#8220;N dana, m b&#596;ri ni a neela n nina &#331;&#596; ti ma.&#8221;</div><div class="p"> 42Ka Yisa y&#603;l&#8217; o, &#8220;A nina maa neema. A y&#603;da ni&#331;bu n-neeg&#8217; a nina maa.&#8221;</div><div class="p"> 43Ka o nina maa dii neei, ka o doli Yisa chani ka pa&#611;iri Naawuni. Salo maa zaa ni daa nya lala maa, ka b&#603; gba daa gbaai Naawuni pa&#611;ibu.</div>
 </div>
 </div>
</div>

Dagbani Bible with Deuterocanonical Books © Bible Society of Ghana, 2011.

Yisa daa ŋahi ŋahili ŋɔ wuhi ni di simdi ni niriba suhiri Naawuni sahakam ka di niŋdi anyinsi. O daa yɛliya, “Sariakarita so n-daa be tinshee; o daa bi zɔri Naawuni, ka mi bi lan lihiri nyari daadam kam. Ka pako’ so daa be tiŋ’ maa ni n-kul ʒe n-kan’ o sanna waawaayili nti yɛr’ o, ‘Karimi ti saria ŋɔ ti ma nasara, ka chɛ n dim’ ŋɔ.’ Ka o kul zaɣisira, amaa di nyaaŋa ka o ti yɛli o suhu ni, ‘Wun’ ni m bi zɔri Naawuni ka mi bi lihiri nyari daadam kam ŋɔ zaa yoli, pakoli ŋɔ ni kaɣindi ma sahakam ŋɔ zuɣu, n ni kari bɛ saria ŋɔ n-ti o nasara. Di yi pa lala, o waawaayili kandina ŋɔ ni nyɔni n nyee pam.’ ”
Ka ti Duuma daa lan yɛli, “Wummiya sariakarita bilikɔɣindan’ maa ni daa yɛli shɛm. Ka daɣila yi tɛhiya ni Naawuni ŋun’ ku kari saria n-ti o ninvuɣ’ gahindi’ shɛb’ bɛn suhir’ o wuntaŋ’ ni mini yuŋ kam la nasara? O ku sɔŋ ba yomyom? N yɛri ya mi o ni kari saria yomyom ti ba nasara.” Ka ŋmaligi bɔhi ba, “Daadam Bia yi lab’ dunia ŋɔ ni na, o ni nya bɛn mali yɛda?”

Yisa daa lan ŋahi ninvuɣ’ shɛb’ bɛn lihi bɛmaŋ’ wuntizɔriba ka lihi ʒiɛm bɛ tab’ la ŋahili ŋɔ yɛli ni niriba ayi n-daa chaŋ Naawuni jɛmbu duu ni bɛ ti jɛm Naawuni; bɛ ni yino daa nyɛla Farisii, ka ŋun’ la mi nyɛ farigudeera. Farisii maa daa kaɣimi ʒe o kɔŋko ha suhiri Naawuni yɛri ŋ-ŋɔ: “Yaa n Duuma Naawuni, m paɣir’ a pam n ni bi be kaman ninvuɣ’ fariba bee zalinsi diriba bee zinaniŋdiba bee farigudeera ŋun ʒiɛya ŋɔ zuɣu. N lɔri nol’ la buyi dakulo kam, ka yihiri n ni nya shɛlikam zaka.” Amaa ka farigudeera maa ʒe o ko ha, ka bi saɣi ni o kpuɣ’ o zuɣu lihi zuɣusaa, ka naɣ’ kul malila o nuhi bur’ o nyɔɣu ka yɛra, “Yaa n Duuma Naawuni, zom’ man’ alahichilan’ ŋɔ nambɔɣu!” Ka Yisa daa ŋmaligi yɛli ba, “N yɛri ya mi ni farigudeera maa daa yi n-kuli ka yi taali ni gari ŋun’ la; dinzuɣu ŋunkam tibigir’ omaŋ’ ni nya filiŋ; ka ŋunkam mi siɣisir’ omaŋ’ ni nya tibiginsim.”


Ninvuɣ’ shɛb’ daa ti zaŋ bibihi ka Yisa sanna ni o ti zaŋ o nuu pa bɛ zuɣu; ka o nyaandoliba daa nya lala ka tahiri bihinim’ maa zuɣu. Amaa ka Yisa daa bol’ o nyaandoliba maa na ti yɛli, “Chɛliya ka bihi kam’ n sanna, ka di karitiya ba, dama Naawuni nam nyɛla bɛ tatabo dini. Yɛlimaŋli ka n yɛri ya, ŋunkam bi deei Naawuni nam kaman bia ni deeri li shɛm ti ku kpe di ni.”


Kpeen’ so daa ti bɔhi Yisa, “Karimba suŋ, wula ka n lee yɛn niŋ ti nya nyɛvili din ka bahigu?” Ka Yisa bɔh’ o, “Bɔ n-niŋ ka a boli ma ninvuɣ’ suŋ? Ninvuɣ’ suŋ kani n-naɣ’ pahila Naawuni. Amaŋmaŋ’ mi din be Naawuni fukumsi zaligunim’ puuni. Dina n-nyɛ: ‘Miri ka a niŋ zina; miri ka a ku ninsala; miri ka a zu; miri ka a di shɛhira kpɛma; ka tim’ a ba min’ a ma jilima.’ ”
Ka o yɛl’ o, “M pun doli dimbɔŋɔnim’ zaa la m bilim ni hal ni wayo.” Ka Yisa wum lala ka yɛl’ o, “Yɛl’ yini n-naɣ’ poog’ a. Kɔhim’ a ni mali shɛlikam zaa n-zaŋ ti nandaamba, ka kana ti doli ma, ka di chɛ ka a ti nya buni alizanda ni.” Ka o daa wum yɛtɔɣili ŋɔ ka o suhu saɣim pam, dama o daa nyɛla bundana.
Ka Yisa daa lih’ o ka yɛli, “Di to ni bundaannim’ kpe Naawuni nam ni! Hal laakum shɛriga nyee ni kpɛbu mal’ asama gari bundan’ Naawuni nam ni kpɛbu.”
Ka bɛn daa wum o ni yɛli shɛm maa bɔhi, “Ka ŋuni n-lee ni tooi tiligi?” Ka o yɛli ba, “Din ku tooi nani ninsalinim’ sani nyɛla din ni tooi nani Naawuni ŋun’ sani.”
Di saha maa ka Pita daa yɛli Yisa, “Nyama, ti chɛla ti yinsi ka dol’ a.”
Ka Yisa yɛli ba, “Yɛlimaŋli ka n yɛri ya, ŋunkam chɛ o yili bee o paɣa bee o mabi’ dɔbba bee o ba min’ o mabihi Naawuni nam zuɣu ni nya dimbɔŋɔnim’ zaa ha pam dunia ŋɔ ni, ka ti lan nya nyɛvili din ka bahigu dunia shɛli din kanna ni.”


Ka Yisa daa zaŋ o nyaandoliba pinaayi maa yi kpaŋ’ ti yɛli ba, “Nyamiya, ti chanila Jɛrusalɛm; ka anabinim’ ni daa sab’ shɛlikam zaŋ chaŋ Daadam Bia polo la ni ti niŋ pali. Dama bɛ ni ti zaŋ o ti bɛn pa Yɛhudianima, ka bɛ mal’ o ansarisi ka dih’ o vi, ka tuhi nintɔri vie o, ka fiɛb’ o ka naanyi ku o; amaa di daba ata dali o ni ti neei kum ni.” Amaa ka bɛ bi baŋ o ni yɛli ba shɛlikam maa zaa gbinni; di daa nyɛla yɛlisɔɣirili bɛ sani, dinzuɣu ka bɛ daa bi baŋ di gbinni maa.


Ka Yisa daa chani ti miri Jɛriko, ka zoon’ so daa ʒi sokpaŋ’ maani bara, ka ti wum salo ni garita ka o bɔhi, “Bɔ n-lee niŋdi maa?”
Ka bɛ yɛl’ o, “Yisa Nazarɛt nir’ la n-garita.”
Di saha ka o kuhi yɛli, “Yisa, nyin’ ŋun nyɛ Naa Dauda nyaaŋa ŋɔ, zom’ ma nambɔɣu!” Ka bɛn be tooni tahir’ o zuɣu ni o foma; amaa ka o maan kuhi pam yɛli, “Nyin’ ŋun nyɛ Naa Dauda yaaŋa ŋɔ, zom’ ma nambɔɣu!” Ka Yisa daa kpalim zani, ka yɛli ni bɛ zaŋm’ o na. O ni daa ti mirina ka Yisa bɔh’ o, “Bɔ ka a lee bɔri ni n niŋ ti a?”
Ka o yɛl’ o, “N dana, m bɔri ni a neela n nina ŋɔ ti ma.”
Ka Yisa yɛl’ o, “A nina maa neema. A yɛda niŋbu n-neeg’ a nina maa.”
Ka o nina maa dii neei, ka o doli Yisa chani ka paɣiri Naawuni. Salo maa zaa ni daa nya lala maa, ka bɛ gba daa gbaai Naawuni paɣibu.

Mihaino ny Luk 18