Kutep - 1995 Edition (Drama NT)

<div class="version vid2071 iso6393kub" data-vid="2071" data-iso6393="kub">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesu ti Unda ti Samariya</div><div class="p"> 1A ri te Yesu baa, ande ti kumbub Farisi na fxen baa, awu na ku nde na ande batisma, ama ande yang akwen na ku putsa wu skeb pu ba ande ti ku putsa Yohana. 2Yesu ti risu-wu nde na-wu ande iki batisma be, se atugbug-wu amam ti ku nde ande batisma. 3Ti awu nungye ira yine, awu nwunn u ya uten ti Yawudiya ta u kafe ku ru ti yi uten Galili#4:3 Galili Ande ti kumbub Farisi munnae uten Yawuda. Ama aba tsi ukub te Yesu, nee iken ti nde awu kafe ru yi uten Galili, uwog ti aba ko-ba atang be.. 4Awu u nyatsa kang uten Samariya tawe awu ru ka Galili.</div><div class="p"> 5Ti awu kyang ku ru tsa uten ti Samariya, awu ru ba sang uwae umbae uten iki ti a ku kunn rinyi-wu baa, Sikar. Sikar wune ta fer ti riben ti Itse-ti Yakubu nda uyin-wu Yusufu ti kute. 6Ukwae ambyi ti Yakubu mum ta ti atang. Ikyin ti Yesu kyang nda wu ijwe-wu num. Ikyaen yine awu ru ba som unju ukwae ambyi atang. Usir ta kitaen pam pam pam. 7Unda iki ti uten ti Samariya atang ru ba ti awu na u ba txi ambyi. Yesu ri te wu baa, &#8220;Txi ambyi na m ti m ngwa.&#8221; 8Kiye wu, atugbug-wu nwunn pu ba, u ru ka sang uwae uka ti a na jab iken ti ci.</div><div class="p"> 9Unda wu ri baa, &#8220;A! A! Afu si urae Mbayawuda, ame ama si-m unda ti Samariya, afu kyang rimang ku jwam ambyi kujwo-m?&#8221; Awu ri ira yine ikyaen ti, Mbayawuda ku ngwa-ba iken uwae kitu ti urae Samariya ngwa iken atang be.#4:9 Mbayawuda ku ngwa-ba iken uwae kitu ti urae Samariya ngwa iken atang be. Ariki uwae ande ti nungye unju Mbahelene ku ri baa, umbyi ira yine ike baa, &#8220;Mbayawuda ku ren-ba risu te ande ti Samariya be.&#8221; 10Yesu ri te wu baa, &#8220;A baa, afu na nung rinyangwae Rimam ko afu na nung unde wu ti ku jwam fu ambyi ne, afu &#250; jwam pu fu awu, awu ama u nda fu ambyi ti ku nda unde unyang.&#8221; 11Unda wu ri te wu baa, &#8220;Unde tiyang, kukwae ambyi wu jang timambe, afu ama si-fu te guga ti ku shir ambyi atang be. Afu u tu-fu ambyi yine aka ti ku nda ande unyang? 12Itse-ti Yakubu ti mum ukwae ambyi wune na ti. Awu ti anyisu-wu ti asinn-wu meme ngwa ambyi rijaa wune. Afu skeb pu fu awu a?&#8221; 13Yesu ri te wu baa, &#8220;Asiti unde a ngwa ambyi na rijaa wune, unwaen u ye kyi wu cwucwo. 14Amaa unde ti a ngwa ambyi ti ame ku ri ne, awu u fxen-wu unwaen cwucwo be, ikyaen ti, ambyi yi ti ame u nda wu u ba kafe pangma ambyi ti ku tso riben. Ayi u nda wu unyang ti tsi kukunn.&#8221; 15Unda wu ri baa, &#8220;Ite, nda m ambyi wune ama ikyaen ti unwaen &#257; ye-yi ame cwucwo be, ame u ru ba txi-m ambyi ike cwucwo be!&#8221;</div><div class="p"> 16Yesu ri te wu baa, &#8220;Ru ka kunn ubaen-fu ti ni ru ba tu m ike.&#8221; 17Unda wu ri baa, &#8220;Ame si-m te urom be.&#8221; Yesu ri baa, &#8220;Afu ri pang atang ti afu ri baa, afu na si-fu te urom be. 18Afu baen ande ka pu fu atsepu itsong, ama unde ti afu som te wu tine si-wu ubaen-fu be. Ira ti afu ri ne si kubenti.&#8221;</div><div class="p"> 19Unda wu ri te wu baa, &#8220;Ite, ame ku tang baa, afu si unde ti ku ya iskin ira Rimam. 20Ti kute abitse-m ti Samariya ku fen Rimam risu rikwen awune, ama ani Mbayawuda ku ri baa, Urushelima amam ti na si uwog ti a na u fen Rimam atang.&#8221;</div><div class="p"> 21Yesu ri te wu baa, &#8220;Unda ne, ame u ri te fu kubenti. Kiye ku ba ti ande u fen-ba Itse-ti Rimam risu rikwen wune ko uwae Urushelima be. 22Ani ande ti Samariya nung nyang-ni iken ti ani ku fen be. Ati Mbayawuda ku fen iken ti ati nung, ikyaen ti, itinwangru ku ru uwog Mbayawuda ba. 23Kiye ru ku ba-kubenti, kiye yi ba pu yi-ti ande ti ku fen Itse-ti Rimam ti kubenti u fen wu uwae kusung u fen wu uwae kubenti. Nee utso ande ti Rimam ku sha ti a na fen wu. 24Rimam si Kusung, ande ti a ku sha ti a fen wu, &#257; fen wu uwae kusung ti uwae kubenti.&#8221; 25Unda wu ri te wu baa, &#8220;Ame nung pu m baa, Unde ti Rimam Tsab Tsi u ba. Awu ti a ku kunn rinyi-wu baa Kristi. Kiye ti awu a ba pu wu, awu u ba kwen tso ti iken meme.&#8221; 26Yesu ri te wu baa, &#8220;Ame ti ku ri ira te fu ne, ame ti si awu.&#8221;</div><div class="p"> 27Ti ira unju-wu ne, atugbug-wu kafe ba sang. Ayib fur ba ti awu ku ri ira te unda wu, amaa unde iki byib-wu unda wu ira baa, awu na ku sha imi na be. Unde iki ama rang-wu Yesu baa, imi ti nde nee ti awu ku ri ira ti unda wune be ama.</div><div class="p"> 28Unda wu ya kitutong ambyi-wu ta ti atang u ter ru yi uwae uten wu u ka ri te ande baa, 29&#8220;Ni ba nung unde iki ti ri te me iken ti ame nde meme, ko iki be awu ti si Unde wu ti Rimam Tsab Tsi ahoo?&#8221; 30Ande ba nwunn ruye uwae uten ku sha ti a nung Yesu.</div><div class="p"> 31Ti aba ta fengo ku ba, ande na Yesu ama ku ri te Yesu ike baa, &#8220;Unde ti uwe, ci wuci!&#8221; 32Amaa awu ri te ba baa, &#8220;Ame site wuci iki ti ani nung-ni ira iki risu-yi be.&#8221; 33Aba rang atso baa, &#8220;Unde iki nda wu wuci njaa?&#8221; 34Yesu ri baa, &#8220;Wuci-m si ti ame u nde wande ti unde ti tom me ru ba ku sha, ama ti m nde tag yi.</div><div class="p"> 35&#8220;Ani ku ri kob baa, &#8216;Tsitsi ishaen inje ti ati u bunn wuci uwae rukong.&#8217; Ame ku ri te ni baa, ni sae ayib pakob ti ni nung baa, uwae rukong na munn ti wuci ti ben ben u ku sha ti ande u bunn yi bunn tiri. 36Unde ti ku bunn wuci mbe ku pu wu kujwojang-wu. Awu ku pu ande ru ba ti a na tu unyang ti tsi kukunn, ikyaen ti unde ti tsutso ti unde ti bubunn na ru ba pam upam tetso meme. 37Ayi si pangma ti ande ndufu ku ri baa, &#8216;Unde iki tsutso, unde iki ama ru ba bubunn.&#8217; 38Ame tom ni ku ru ti ni na ru ka bunn iken ti si-yi ani ti tso yi be. Ande iki ti tso yi, ama ani ru ba bunn itinyang na wande-ba ayi.&#8221;</div><div class="s">Ande ti Samariya Yang-ba Ru Uwae Kinjo Uwog Yesu</div><div class="p"> 39Ande ti Samariya yang-ba ru uwae kinjo uwog-wu ikyaen ira ti unda wu ri te ba baa, Yesu na ri te wu iken meme ti awu nde. 40Ti aba ru ba sang uwog ti Yesu ta atang, aba jwam wu ti wu na som te ba atang. Awu cwe u som uten atang ka usir ifaen.</div><div class="p"> 41Ande yang-ba akwen skeb ra ti kucang ru uwae kinjo uwog-wu ikyaen ira ti awu ri te ba. 42Aba ri te unda wu baa, &#8220;Ayi si-yi ikyaen ira-fu ti ati ku ru uwae kinjo cwucwo be. Ati fxen pu ti ti atong-ti u nungye pu ti tine baa, kubenti, awune si Unde ti u Nwangru utense.&#8221;</div><div class="s">Yesu Nwangru Umbae Unde ti Uwe</div><div class="p"> 43Isim usir ifaen ayine Yesu nwunn u ru yi ikyaeb uten ti Galili. 44Ikyaen ti, ti uwe-yi awu ri pu wu baa, &#8220;Unde ti ku ya iskin ira Rimam si-wu ti kuko uten-wu be.&#8221; 45Ama kiye ti awu ba sang Galili atang, ande ti Galili paembe wu ti ajwo ifaen, ikyaen ti, aba sae pu ba wande ti ku fur ayib ti awu nde pu wu ayi pu pu yi Urushelima, kiye ti aba ta atang ku ci Ukwab Itiyafe.</div><div class="p"> 46Kiye wune awu kafe ru ba kyi ti Kana ti Galili, uwog ti kute awu sa ambyi kafe ambyi anam. Unde ti rurob iki na gomnati ta atang ti umbae-wu nae kicaeb uwae uten ti Kaparnawum. 47Kiye ti unde wune fxen baa, Yesu na ru Yawudiya na ba pu wu Galili, awu ru ka tu wu u jwam wu ti wu na si ba Kaparnawum ti wu na nde jim kicaeb na umbae-wu, ikyaen ti, umbae wu ta unju iticwu. 48Yesu ri te wu baa, &#8220;Ana-ni, se ani a nung wande ti ku fur ayib tawe ani ku ru uwae kinjo.&#8221; 49Unde ti uwe wu jwam wu baa, &#8220;Unde ti uwe, ru ba ti kufe, be umbae-m u cwu.&#8221; 50Yesu ri te wu baa, &#8220;Kafe ru yi uwae kununn. Umbae-fu u ser.&#8221; Unde wu ru uwae kinjo ti ira ti Yesu ri te wu u ru-wu iken-wu. 51Kiye ti awu ta fengo ku ru yi kununn, itaen ti ku nde na wu wande kununn-wu tu wu fengo u ri te wu baa, rijwen na sang pu yi ijwe umbae-wu. 52Awu rang ba kiye ti umbae-wu tu ribom ijwe. Aba ri te wu baa, &#8220;Ijwe ti byag ayi ya wu ta ire ti aser kinjo ti usirtaen.&#8221; 53Itse umbae-wu nungye pu wu baa, ayine na si si kiye ti Yesu ri te wu ire baa, &#8220;Umbae-fu u ser.&#8221; Ama awu ti ande ti kununn-wu meme-ba ru uwae kinjo.</div><div class="p"> 54Ayine si wande ti fa ti ifaen ti Yesu nde nee awu tso kuko-wu, isim ti awu nwunn uten ti Yawudiya ru ba Galili.</div>
 </div>
 </div>
</div>

A ri te Yesu baa, ande ti kumbub Farisi na fxen baa, awu na ku nde na ande batisma, ama ande yang akwen na ku putsa wu skeb pu ba ande ti ku putsa Yohana. Yesu ti risu-wu nde na-wu ande iki batisma be, se atugbug-wu amam ti ku nde ande batisma. Ti awu nungye ira yine, awu nwunn u ya uten ti Yawudiya ta u kafe ku ru ti yi uten Galili. Awu u nyatsa kang uten Samariya tawe awu ru ka Galili.
Ti awu kyang ku ru tsa uten ti Samariya, awu ru ba sang uwae umbae uten iki ti a ku kunn rinyi-wu baa, Sikar. Sikar wune ta fer ti riben ti Itse-ti Yakubu nda uyin-wu Yusufu ti kute. Ukwae ambyi ti Yakubu mum ta ti atang. Ikyin ti Yesu kyang nda wu ijwe-wu num. Ikyaen yine awu ru ba som unju ukwae ambyi atang. Usir ta kitaen pam pam pam. Unda iki ti uten ti Samariya atang ru ba ti awu na u ba txi ambyi. Yesu ri te wu baa, “Txi ambyi na m ti m ngwa.” Kiye wu, atugbug-wu nwunn pu ba, u ru ka sang uwae uka ti a na jab iken ti ci.
Unda wu ri baa, “A! A! Afu si urae Mbayawuda, ame ama si-m unda ti Samariya, afu kyang rimang ku jwam ambyi kujwo-m?” Awu ri ira yine ikyaen ti, Mbayawuda ku ngwa-ba iken uwae kitu ti urae Samariya ngwa iken atang be. Yesu ri te wu baa, “A baa, afu na nung rinyangwae Rimam ko afu na nung unde wu ti ku jwam fu ambyi ne, afu ú jwam pu fu awu, awu ama u nda fu ambyi ti ku nda unde unyang.” Unda wu ri te wu baa, “Unde tiyang, kukwae ambyi wu jang timambe, afu ama si-fu te guga ti ku shir ambyi atang be. Afu u tu-fu ambyi yine aka ti ku nda ande unyang? Itse-ti Yakubu ti mum ukwae ambyi wune na ti. Awu ti anyisu-wu ti asinn-wu meme ngwa ambyi rijaa wune. Afu skeb pu fu awu a?” Yesu ri te wu baa, “Asiti unde a ngwa ambyi na rijaa wune, unwaen u ye kyi wu cwucwo. Amaa unde ti a ngwa ambyi ti ame ku ri ne, awu u fxen-wu unwaen cwucwo be, ikyaen ti, ambyi yi ti ame u nda wu u ba kafe pangma ambyi ti ku tso riben. Ayi u nda wu unyang ti tsi kukunn.” Unda wu ri baa, “Ite, nda m ambyi wune ama ikyaen ti unwaen ā ye-yi ame cwucwo be, ame u ru ba txi-m ambyi ike cwucwo be!”
Yesu ri te wu baa, “Ru ka kunn ubaen-fu ti ni ru ba tu m ike.” Unda wu ri baa, “Ame si-m te urom be.” Yesu ri baa, “Afu ri pang atang ti afu ri baa, afu na si-fu te urom be. Afu baen ande ka pu fu atsepu itsong, ama unde ti afu som te wu tine si-wu ubaen-fu be. Ira ti afu ri ne si kubenti.”
Unda wu ri te wu baa, “Ite, ame ku tang baa, afu si unde ti ku ya iskin ira Rimam. Ti kute abitse-m ti Samariya ku fen Rimam risu rikwen awune, ama ani Mbayawuda ku ri baa, Urushelima amam ti na si uwog ti a na u fen Rimam atang.”
Yesu ri te wu baa, “Unda ne, ame u ri te fu kubenti. Kiye ku ba ti ande u fen-ba Itse-ti Rimam risu rikwen wune ko uwae Urushelima be. Ani ande ti Samariya nung nyang-ni iken ti ani ku fen be. Ati Mbayawuda ku fen iken ti ati nung, ikyaen ti, itinwangru ku ru uwog Mbayawuda ba. Kiye ru ku ba-kubenti, kiye yi ba pu yi-ti ande ti ku fen Itse-ti Rimam ti kubenti u fen wu uwae kusung u fen wu uwae kubenti. Nee utso ande ti Rimam ku sha ti a na fen wu. Rimam si Kusung, ande ti a ku sha ti a fen wu, ā fen wu uwae kusung ti uwae kubenti.” Unda wu ri te wu baa, “Ame nung pu m baa, Unde ti Rimam Tsab Tsi u ba. Awu ti a ku kunn rinyi-wu baa Kristi. Kiye ti awu a ba pu wu, awu u ba kwen tso ti iken meme.” Yesu ri te wu baa, “Ame ti ku ri ira te fu ne, ame ti si awu.”
Ti ira unju-wu ne, atugbug-wu kafe ba sang. Ayib fur ba ti awu ku ri ira te unda wu, amaa unde iki byib-wu unda wu ira baa, awu na ku sha imi na be. Unde iki ama rang-wu Yesu baa, imi ti nde nee ti awu ku ri ira ti unda wune be ama.
Unda wu ya kitutong ambyi-wu ta ti atang u ter ru yi uwae uten wu u ka ri te ande baa, “Ni ba nung unde iki ti ri te me iken ti ame nde meme, ko iki be awu ti si Unde wu ti Rimam Tsab Tsi ahoo?” Ande ba nwunn ruye uwae uten ku sha ti a nung Yesu.
Ti aba ta fengo ku ba, ande na Yesu ama ku ri te Yesu ike baa, “Unde ti uwe, ci wuci!” Amaa awu ri te ba baa, “Ame site wuci iki ti ani nung-ni ira iki risu-yi be.” Aba rang atso baa, “Unde iki nda wu wuci njaa?” Yesu ri baa, “Wuci-m si ti ame u nde wande ti unde ti tom me ru ba ku sha, ama ti m nde tag yi.
“Ani ku ri kob baa, ‘Tsitsi ishaen inje ti ati u bunn wuci uwae rukong.’ Ame ku ri te ni baa, ni sae ayib pakob ti ni nung baa, uwae rukong na munn ti wuci ti ben ben u ku sha ti ande u bunn yi bunn tiri. Unde ti ku bunn wuci mbe ku pu wu kujwojang-wu. Awu ku pu ande ru ba ti a na tu unyang ti tsi kukunn, ikyaen ti unde ti tsutso ti unde ti bubunn na ru ba pam upam tetso meme. Ayi si pangma ti ande ndufu ku ri baa, ‘Unde iki tsutso, unde iki ama ru ba bubunn.’ Ame tom ni ku ru ti ni na ru ka bunn iken ti si-yi ani ti tso yi be. Ande iki ti tso yi, ama ani ru ba bunn itinyang na wande-ba ayi.”

Ande ti Samariya yang-ba ru uwae kinjo uwog-wu ikyaen ira ti unda wu ri te ba baa, Yesu na ri te wu iken meme ti awu nde. Ti aba ru ba sang uwog ti Yesu ta atang, aba jwam wu ti wu na som te ba atang. Awu cwe u som uten atang ka usir ifaen.
Ande yang-ba akwen skeb ra ti kucang ru uwae kinjo uwog-wu ikyaen ira ti awu ri te ba. Aba ri te unda wu baa, “Ayi si-yi ikyaen ira-fu ti ati ku ru uwae kinjo cwucwo be. Ati fxen pu ti ti atong-ti u nungye pu ti tine baa, kubenti, awune si Unde ti u Nwangru utense.”

Isim usir ifaen ayine Yesu nwunn u ru yi ikyaeb uten ti Galili. Ikyaen ti, ti uwe-yi awu ri pu wu baa, “Unde ti ku ya iskin ira Rimam si-wu ti kuko uten-wu be.” Ama kiye ti awu ba sang Galili atang, ande ti Galili paembe wu ti ajwo ifaen, ikyaen ti, aba sae pu ba wande ti ku fur ayib ti awu nde pu wu ayi pu pu yi Urushelima, kiye ti aba ta atang ku ci Ukwab Itiyafe.
Kiye wune awu kafe ru ba kyi ti Kana ti Galili, uwog ti kute awu sa ambyi kafe ambyi anam. Unde ti rurob iki na gomnati ta atang ti umbae-wu nae kicaeb uwae uten ti Kaparnawum. Kiye ti unde wune fxen baa, Yesu na ru Yawudiya na ba pu wu Galili, awu ru ka tu wu u jwam wu ti wu na si ba Kaparnawum ti wu na nde jim kicaeb na umbae-wu, ikyaen ti, umbae wu ta unju iticwu. Yesu ri te wu baa, “Ana-ni, se ani a nung wande ti ku fur ayib tawe ani ku ru uwae kinjo.” Unde ti uwe wu jwam wu baa, “Unde ti uwe, ru ba ti kufe, be umbae-m u cwu.” Yesu ri te wu baa, “Kafe ru yi uwae kununn. Umbae-fu u ser.” Unde wu ru uwae kinjo ti ira ti Yesu ri te wu u ru-wu iken-wu. Kiye ti awu ta fengo ku ru yi kununn, itaen ti ku nde na wu wande kununn-wu tu wu fengo u ri te wu baa, rijwen na sang pu yi ijwe umbae-wu. Awu rang ba kiye ti umbae-wu tu ribom ijwe. Aba ri te wu baa, “Ijwe ti byag ayi ya wu ta ire ti aser kinjo ti usirtaen.” Itse umbae-wu nungye pu wu baa, ayine na si si kiye ti Yesu ri te wu ire baa, “Umbae-fu u ser.” Ama awu ti ande ti kununn-wu meme-ba ru uwae kinjo.
Ayine si wande ti fa ti ifaen ti Yesu nde nee awu tso kuko-wu, isim ti awu nwunn uten ti Yawudiya ru ba Galili.

Mihaino ny Yohana 4