Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Mfano o Mndu Mka Mkusu na Moanduo Moondu</div><div class="p"> 1Kawawia mfano, kye kyawakooya iterewa Ruwa mfiri yoose, maa walapfiio nyi m&#7769;oe. 2Kagamba, &#8220;Kuwewo&#7769;e moanduo moondu m&#7775;inyi mlyiwe, alekyeindia Ruwa, maa iwutia wandu mecha. 3Na ipfo m&#7775;inyi kuwewo&#7769;e mndu mka mkusu, awekyeyenda-yenda kokye, echigamba, &#8216;Ngyienenga kyilya kyingyiwa&#7775;i inyi na mokyituwa oko.&#8217; 4Na oe kui kyiyeri kyifuhi nalelega. Numa ya iho kagamba mrimenyi kokye, &#8216;Maa chandu ngyilai&#7769;ikyie Ruwa, maa iwutia wandu mecha, 5kyipfa mka-chu mkusu naingyipfulutsa nyashi ngyemwenenga kyilya kyimmba&#7775;i, alechengyiwinisha kui icha na koko shiyeri shoose.&#8217; &#8221; 6Mndumii kagamba, &#8220;A&#7769;anyienyi chandu aigamba moanduo moondu ulya mmbicho. 7Ngyesa Ruwa, echiwaenenga kyilya kyiwawa&#7775;i wasambu&#7775;e wakye wekyemfii&#7775;ia kyio na kyingoto-pfoe? Ngyesa nechikyelyio iwatarama? 8Ngyimmbia, newaenenga kyilya kyiwa&#7775;i iwinyi; kyaindi, kyiyeri Mana o Adamu echicha, ngyesa newona ii&#7769;ikyia wuyanenyi?&#8221;</div><div class="s">Mfano o Mfarisayo na Mosania Ukamba</div><div class="p"> 9Kawia mfano wandu walekulo&#7775;a kye wo nyi wandu wawo&#7769;e wusumganyi, wechipi&#7775;a wengyi woose. 10&#8220;Wandu wawi wale&#7769;o iyenda hekalunyi indeterewa, umwi Mfarisayo, na o kawi mosania ukamba. 11Mfarisayo ulya kago&#7775;oka echiterewa ku&#7769;i mrimenyi kokye, &#8216;Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, wa&#7775;ui maa cha mosania ukamba-chu-pfo. 12Inyi ngyekyekuretekyia kawi ko juma. Ngyekyewuta kyiano iwuka shienengonyi shako shoose.&#8217; 13Kyaindi mosania ukamba ulya nalego&#7775;oka kuleshi maa alekaria iambuya ruwewu-pfo, indi nalekapa-kapa kyipoota echigamba, &#8216;Hoi Ruwa, ungyihoo&#7775;ie inyi mnyama&#7775;i.&#8217; 14Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititi&#7775;o, na ulya mokutiti&#7775;a neching'anyiso.&#8221;</div><div class="s">Iwikyia Wana Watutu Mbo&#7775;a</div><div class="r">(Mat 19:13-15; Mak 10:13-16)</div><div class="p"> 15Wakamwendie wana wanangu kundu nawapaaye; kyaindi kyiyeri wanalosho walewona walewatuukyia. 16Indi Yesu kawalaga wache na kokye, kagamba, &#8220;Lekyenyi wana-wa wache na koko, maa mulawashingyie, cha kyipfa wandu cha iwa Wumangyi wo Ruwa nyi wowo. 17Kyaloi, ngyimmbia, mndu oose alandeambilyie Wumangyi wo Ruwa cha mana mtutu echii&#7769;a napfo maa kyitutu-pfo.&#8221;</div><div class="s">Mndu Umwi Mnjama</div><div class="r">(Mat 19:16-30; Mak 10:17-31)</div><div class="p"> 18Lyingyi-se, mndu umwi msongoru nalemmbesa, echigamba, &#8220;Mlosha mcha, ngyiwute kyi kundu ngyii&#7769;ime io&#7775;a moo o mlungana?&#8221; 19Yesu kammbia, &#8220;Ny'kyilyi ungyilaga mcha? Kuwo&#7769;e akyeri mcha sile umwi-pfo, na oe nyi Ruwa. 20Nuichi mawawaso: Ula&#7775;uguye maa Ula&#7775;uguyo, Ulawaage, Ulaiwe; Maa ula&#7775;ingyishie wongo, India awuyo na womoo.&#8221; 21Kagamba, &#8220;Isho shoose ngyekyeshiosha wookyia wututunyi woko.&#8221; 22Kyiyeri Yesu aleicho ikyo nalemmbia, &#8220;Nuwu&#7775;ie kyindo kyimwi. Kumba shoose uwo&#7769;e, undegawia wakyiwa, na iyoe nochiwa&#7769;a kyiseyesoe ruwewu, numa ya iho nnjo ungyioshe.&#8221; 23Indi kyiyeri aleicho ikyo nalewihiyo mrimenyi mnu, kyipfa nawewo&#7769;e masaa gafoi. 24Kyiyeri Yesu alewona ku&#7769;o nalegamba, &#8220;Nyi kui wukyiwa wo mba&#7775;e iha wanjama wechii&#7769;a na Wumangyinyi wo Ruwa! 25Cha kyipfa nyi kyaangu ngamia ii&#7769;a &#7775;ochonyi lya sindanu kuta mnjama ii&#7769;a na Wumangyinyi wo Ruwa.&#8221; 26Na walya waleicho walegamba, &#8220;Nyi wui-ng'u echii&#7769;ima ikyia?&#8221; 27Kagamba, &#8220;Shilekyei&#7769;imika ko wandu shekyei&#7769;imika ko Ruwa.&#8221; 28Petiro kagamba, &#8220;Soe lule&#7769;a shindo shoose na ikuosha.&#8221; 29Kawawia, &#8220;Ny'kyaloi ngyimmbia, kuwo&#7769;e mndu ale&#7769;a numba, ang'u mka, ang'u wana wa wamae, ang'u wafee, ang'u wana, kyipfa kya Wumangyi wo Ruwa, 30alechiambilyia ngose&#7775;a mnu kyiyeri-kyi na wuyanenyi wuicha moo o mlungana-pfo.&#8221;</div><div class="s">Ngumbu&#7775;a ya Ka&#7775;aa&#7775;u ya Upfu lo Yesu</div><div class="r">(Mat 20:17-19; Mak 10:32-34)</div><div class="p"> 31Ka&#7769;uo walya ikumi na wawi, kawawia, &#8220;Lui&#7769;o iyenda Yerusalemu, na mbonyi tsoose tsa Mana o Adamu weonguo shisuku wale&#7775;eia tseafukyia. 32Cha kyipfa newiko mawokonyi ga wandu walai&#7769;ikyie Ruwa. Wechimwinyala; wemtaluo, na impuchia ma&#7769;a. 33Nawo wemkapa na msharite, na numa ya iho wemmbaaga; na mfiri o ka&#7775;aa&#7775;u ne&#7775;uka.&#8221; 34Kyaindi walemanya mbonyi-tso maa ale-pfo, na kyindo-kyo kyiwekyi&#7775;ikye kowo, maa walemanya kyile&#7769;e&#7769;o-pfo.</div><div class="s">Ikyi&#7775;o lya Kyipfupfu&#7775;e Kyekyee&#7775;e&#7775;a</div><div class="r">(Mat 20:29-34; Mak 10:46-52)</div><div class="p"> 35Kyiyeri aleshika kufuhi na Yeriko, mndu umwi kyipfupfu&#7775;e, nawe&#7769;amie mbai ya njia, eterewa shienengo. 36Na lyilya aleicho wuingyi wo wandu wochii&#7769;a, nalewesa, &#8220;Kuwo&#7769;e kyikyi?&#8221; 37Wakammbia, &#8220;Yesu o Nasareti aii&#7769;a.&#8221; 38Kalaga &#7775;ui lying'anyi, echigamba, &#8220;Yesu, Mana o Dawidi, ungyisa&#7775;ie.&#8221; 39Kyasia walya wawesongoi wakamtuukyia kundu natsie; kyaindi oe naleengye&#7775;a mnu ilaga na &#7775;ui lying'anyi, &#8220;Hoi Mana o Dawidi, ungyisa&#7775;ie.&#8221; 40Yesu kago&#7775;oka, kagamba naendo na kokye, na kyiyeri alecha na kufuhi Yesu nalemmbesa, 41&#8220;Nukundi ngyikuwutie kyi?&#8221; Kagamba, &#8220;Mndumii, ngyii&#7769;ime iwona.&#8221; 42Yesu kammbia, &#8220;Enengo iwona. Ii&#7769;ikyia lyapfo lyakukyi&#7775;a.&#8221; 43Cha ilyi kaenengo iwona, kamwosha kunu echiana Ruwa. Na wandu woose wammbone isho wale&#7775;umisha Ruwa.</div>
 </div>
 </div>
</div>

New Testament in Kivunjo © Bible Society of Tanzania, 1999.

Kawawia mfano, kye kyawakooya iterewa Ruwa mfiri yoose, maa walapfiio nyi mṙoe. Kagamba, “Kuwewoṙe moanduo moondu mṟinyi mlyiwe, alekyeindia Ruwa, maa iwutia wandu mecha. Na ipfo mṟinyi kuwewoṙe mndu mka mkusu, awekyeyenda-yenda kokye, echigamba, ‘Ngyienenga kyilya kyingyiwaṟi inyi na mokyituwa oko.’ Na oe kui kyiyeri kyifuhi nalelega. Numa ya iho kagamba mrimenyi kokye, ‘Maa chandu ngyilaiṙikyie Ruwa, maa iwutia wandu mecha, kyipfa mka-chu mkusu naingyipfulutsa nyashi ngyemwenenga kyilya kyimmbaṟi, alechengyiwinisha kui icha na koko shiyeri shoose.’ ” Mndumii kagamba, “Aṙanyienyi chandu aigamba moanduo moondu ulya mmbicho. Ngyesa Ruwa, echiwaenenga kyilya kyiwawaṟi wasambuṟe wakye wekyemfiiṟia kyio na kyingoto-pfoe? Ngyesa nechikyelyio iwatarama? Ngyimmbia, newaenenga kyilya kyiwaṟi iwinyi; kyaindi, kyiyeri Mana o Adamu echicha, ngyesa newona iiṙikyia wuyanenyi?”

Kawia mfano wandu walekuloṟa kye wo nyi wandu wawoṙe wusumganyi, wechipiṟa wengyi woose. “Wandu wawi waleṙo iyenda hekalunyi indeterewa, umwi Mfarisayo, na o kawi mosania ukamba. Mfarisayo ulya kagoṟoka echiterewa kuṙi mrimenyi kokye, ‘Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, waṟui maa cha mosania ukamba-chu-pfo. Inyi ngyekyekuretekyia kawi ko juma. Ngyekyewuta kyiano iwuka shienengonyi shako shoose.’ Kyaindi mosania ukamba ulya nalegoṟoka kuleshi maa alekaria iambuya ruwewu-pfo, indi nalekapa-kapa kyipoota echigamba, ‘Hoi Ruwa, ungyihooṟie inyi mnyamaṟi.’ Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”


Wakamwendie wana wanangu kundu nawapaaye; kyaindi kyiyeri wanalosho walewona walewatuukyia. Indi Yesu kawalaga wache na kokye, kagamba, “Lekyenyi wana-wa wache na koko, maa mulawashingyie, cha kyipfa wandu cha iwa Wumangyi wo Ruwa nyi wowo. Kyaloi, ngyimmbia, mndu oose alandeambilyie Wumangyi wo Ruwa cha mana mtutu echiiṙa napfo maa kyitutu-pfo.”


Lyingyi-se, mndu umwi msongoru nalemmbesa, echigamba, “Mlosha mcha, ngyiwute kyi kundu ngyiiṙime ioṟa moo o mlungana?” Yesu kammbia, “Ny'kyilyi ungyilaga mcha? Kuwoṙe akyeri mcha sile umwi-pfo, na oe nyi Ruwa. Nuichi mawawaso: Ulaṟuguye maa Ulaṟuguyo, Ulawaage, Ulaiwe; Maa ulaṟingyishie wongo, India awuyo na womoo.” Kagamba, “Isho shoose ngyekyeshiosha wookyia wututunyi woko.” Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.” Indi kyiyeri aleicho ikyo nalewihiyo mrimenyi mnu, kyipfa nawewoṙe masaa gafoi. Kyiyeri Yesu alewona kuṙo nalegamba, “Nyi kui wukyiwa wo mbaṟe iha wanjama wechiiṙa na Wumangyinyi wo Ruwa! Cha kyipfa nyi kyaangu ngamia iiṙa ṟochonyi lya sindanu kuta mnjama iiṙa na Wumangyinyi wo Ruwa.” Na walya waleicho walegamba, “Nyi wui-ng'u echiiṙima ikyia?” Kagamba, “Shilekyeiṙimika ko wandu shekyeiṙimika ko Ruwa.” Petiro kagamba, “Soe luleṙa shindo shoose na ikuosha.” Kawawia, “Ny'kyaloi ngyimmbia, kuwoṙe mndu aleṙa numba, ang'u mka, ang'u wana wa wamae, ang'u wafee, ang'u wana, kyipfa kya Wumangyi wo Ruwa, alechiambilyia ngoseṟa mnu kyiyeri-kyi na wuyanenyi wuicha moo o mlungana-pfo.”


Kaṙuo walya ikumi na wawi, kawawia, “Luiṙo iyenda Yerusalemu, na mbonyi tsoose tsa Mana o Adamu weonguo shisuku waleṟeia tseafukyia. Cha kyipfa newiko mawokonyi ga wandu walaiṙikyie Ruwa. Wechimwinyala; wemtaluo, na impuchia maṙa. Nawo wemkapa na msharite, na numa ya iho wemmbaaga; na mfiri o kaṟaaṟu neṟuka.” Kyaindi walemanya mbonyi-tso maa ale-pfo, na kyindo-kyo kyiwekyiṟikye kowo, maa walemanya kyileṙeṙo-pfo.


Kyiyeri aleshika kufuhi na Yeriko, mndu umwi kyipfupfuṟe, naweṙamie mbai ya njia, eterewa shienengo. Na lyilya aleicho wuingyi wo wandu wochiiṙa, nalewesa, “Kuwoṙe kyikyi?” Wakammbia, “Yesu o Nasareti aiiṙa.” Kalaga ṟui lying'anyi, echigamba, “Yesu, Mana o Dawidi, ungyisaṟie.” Kyasia walya wawesongoi wakamtuukyia kundu natsie; kyaindi oe naleengyeṟa mnu ilaga na ṟui lying'anyi, “Hoi Mana o Dawidi, ungyisaṟie.” Yesu kagoṟoka, kagamba naendo na kokye, na kyiyeri alecha na kufuhi Yesu nalemmbesa, “Nukundi ngyikuwutie kyi?” Kagamba, “Mndumii, ngyiiṙime iwona.” Yesu kammbia, “Enengo iwona. Iiṙikyia lyapfo lyakukyiṟa.” Cha ilyi kaenengo iwona, kamwosha kunu echiana Ruwa. Na wandu woose wammbone isho waleṟumisha Ruwa.

Mihaino ny Luka 18