Misima-Paneati - 2018 WBT (NT+Malachi) Drama

Misima-Paneati

<div class="version vid1482 iso6393mpx" data-vid="1482" data-iso6393="mpx">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Baaba I Tabwa Gamagal</div><div class="p"> 1Mulaa abwe bugul gegewel hi gan, Baaba iyoho i gan, iya alona Yehoba, ge Baaba iya Yehoba. 2Abatelipuna elana iya iyoho alona Yehoba.</div><div class="p"> 3Iya eliyana Yehoba bugul gegewena i ginolil. Binimala iya nigeya, bugul bolo hi gan nige nihi gagan, yaa iya eliyana inoke hi masal. 4Iya elana yawal i gan, ge yawal o iya gamagalau wala mwananal. 5Mwananal i yana gogou gamwanaa, yaa gogou mwananal o nige i aatena.</div><div class="p"> 6Tau etega alana Diyon, iya Yehoba i patuna i nem panayawi. 7Iya i nem mwananal wasana i wasaan, inoke gamagalau gegewel wasa ya nihi hago ge nihi abulilek. 8Iya nige mwananal i oola, yaa i nem mwananal wasana i wasaan. 9Mwananal tutunahotina, toto mwananal ni pek gamagalau gegewel elal, iya i nem panayawi.</div><div class="p"> 10I nem i minaa panayawi, yaa bwagana iya eliyana Yehoba panayawi i ginol, he panayawi gamagaliliyau nige hi aatena te henala iya. 11I nem i minaa totona wana labi elana, yaa wana labi gamagaliliyau nige hi pwapwamwa pahe. 12Yaa bolo hi pwamwa heyan ge alana hi abulilek-an, i talam bosowailiya nihi tabwa Yehoba natunau. 13Hi tabwa Yehoba natunau nige tage panayawi tamanina wana pamasal elana, o ebo gamagalau wali nuwatu elana, yaa Yehoba i ab pavavaluna-agil.</div><div class="p"> 14Baaba i tabwa gamagal, inoke avala ta mina ga sauga kekeisi, mulolu ge baaba tutunahotina i kalaopopwi. Wana wasawasa ha kite, i ola Yehoba Natuna maisena ya wana wasawasa, i neem Tamana elana.</div><div class="p"> 15Wasana Diyon Tobabitaiso i wasaan, i yogayoga i ba, &#8220;Toto ya heiya te bana ge valila ya ba, &#8216;Toto i nenem ewa iya i bwata lakeyau, kaiwena iya i gan houwa mulaa abwe ya masal.&#8217;&#8221; 16Iya mulolu i kalaopopwi, inoke gegewela wana mulolu ta pwawa i pem hikahikani. 17Yehoba Logugui i pek Mosese elana ge iya i pamasal gamagalau elal, yaa mulolu ge baaba tutunahotina i masalem Yeisu Keliso elana. 18Nige sauga etega gamagal etega Yehoba i kikite, yaa Yehoba Natuna maisena ya, iya i ola Yehoba, ge iya alona Tamana hi mitoyawa, iya iyaka Yehoba i pankitela.</div><div class="s1">Diyon Tobabitaiso Totona I Wasaan</div><div class="r">(Mataiyo 3:1-12; Mak 1:1-8; Luke 3:1-18)</div><div class="p"> 19Yudiya wali tohouwa bolo Yelusalema, topowon enuna avaliyau ge un Libai enuna al hi patunal hi na Diyon elana hi nel hi ba, &#8220;Henala owa?&#8221;</div><div class="p"> 20Diyon nige i mimikekei, yaa analiya i lahe ge i ba bubun i ba, &#8220;Nau nige Mesaiya i oola.&#8221;</div><div class="p"> 21Yaka hi neli al hi ba, &#8220;He binimala henala owa? Owa Ilaitiya?&#8221;</div><div class="p">Diyon i ba, &#8220;Nau nige Ilaitiya i oola.&#8221;</div><div class="p">Yudiya hi nel al hi ba, &#8220;Age owa palopita bwabwatana toto i nenem?&#8221;</div><div class="p">Analiya i lahe i ba, &#8220;Nigeya.&#8221;</div><div class="p"> 22Yaka Yudiya hi ba, &#8220;He henala owa? Ga nu ba ola totom kaiwem? Nu ba pasapu eliyama, inoke naha na bolo hi patunama wali wasa naha pek bubun.&#8221;</div><div class="p"> 23Diyon Yudiya analiya i lahe palopita Aiseya wana baaba elana i ba, &#8220;Nau toto i yogayoga uleya i ba, &#8216;Babala wana kamwasa ku pasapu.&#8217;&#8221;</div><div class="p"> 24Bolo Yudiya wali tohouwa hi patunal, gamwaliyaa enuna Palisi. 25Heliya hi nel Diyon elana hi ba, &#8220;He hauna kaiwena ge u papababitaiso, ebo owa nige Mesaiya, o Ilaitiya o ebo palopita toto bwabwatana i oola?&#8221;</div><div class="p"> 26Diyon analiya i lahe i ba, &#8220;Nau wewel elana ya papababitaiso, yaa etega iyoho i talmilila gamwamiwa nige ku aatena. 27Iya i nenem ewa, yaa nau nige no waisi i gagan ge tage aena ana os ana hihiu na sokal.&#8221;</div><div class="p"> 28Bugul gegewena ya i gana Bedani elana, wewel Yolidani labi leunati. He Diyon i papababitaisowa wewel Yolidani elana.</div><div class="s1">Sipi Natuna Toto Yehoba I Patuna Bana</div><div class="p"> 29Hi kenu lan i gan, inoke Diyon matana i nok Yeisu i kite i nanawa elana, yaka i ba, &#8220;Ku kite! Iya Sipi Natuna toto Yehoba i patunam panayawi gamagaliliyau wali gegi ni ahek yoho! 30Iya te bana ge valila ya ba, &#8216;Tau toto i nenem ewa, iya i bwata lakeyau, kaiwena iya i gan houwa mulaa abwe ya masal.&#8217; 31Saugena o nau nige ya aatena henala bana ya babaa, yaa ya nem gamagalau ya pababitaisol wewel elana, puna heiya te iya na pamasal Isileli elal.&#8221;</div><div class="p"> 32-33Inoke Diyon i wasa al i ba, &#8220;Nau valila nige ya aatena henala i nenem, yaa toto i patunau ge wewel elana gamagalau ya pababitaisol i baem elau i ba, &#8216;Tau toto nu kite Yayaluwa Bwabwalena ni lau ge ni minaa elana, he iya te Yayaluwa Bwabwalena elana ni papababitaiso.&#8217; Inoke Yayaluwa Bwabwalena ya kite i loem labulabumwa i ola bunibuni ge i lau i minaa elana. 34Ya kiteya matawa, heiya te ya ba, &#8216;Tau ya iya Yehoba Natuna.&#8217;&#8221;</div><div class="s1">Yeisu wana Tohago bolo I Pwawal Houwan</div><div class="p"> 35Lan i gan al, Diyon iyoho i taltalmilil al alonau ge wana tohago eluwa, 36ge sauga Diyon Yeisu i kite i nanawa, inoke i ba, &#8220;Ku kite! Iya Sipi Natuna toto Yehoba i patunam!&#8221;</div><div class="p"> 37Sauga tohago ali toto eluwa hi hago Diyon baaba o i baunan, yaka hi tatauliulil Yeisu enaa. 38Yeisu i tagena sikal i kitel, yaka i nelil i ba, &#8220;Hauna gun nuwamiu?&#8221;</div><div class="p">Tohago hi ba, &#8220;Labai, ga u miminaa?&#8221; (Vilan &#8220;Labai&#8221; ana pasikal heiya &#8220;topankite.&#8221;)</div><div class="p"> 39Yeisu analiya i lahe i ba, &#8220;Ku nem yaka nuku kite.&#8221; Inoke avaliya Yeisu hi na wana abamina hi kite, ge lan o avaliya hi miminaa to. He sauga o iyaka po kilok kokoyavi ana labi elana.</div><div class="p"> 40Bolo Diyon wana baaba hi hago ge hi tatauliulil Yeisu enaa, he etegana te Andulu, Saimon Pita talina. 41Inoke houwan hot Andulu i na talina Saimon i loyaan ge wana wasa i pek i ba, &#8220;Mesaiya iyaka ha pwawa.&#8221; (Vilan &#8220;Mesaiya&#8221; pana Gilik elana hi ba &#8220;Keliso.&#8221;)</div><div class="p"> 42Yaka Andulu Saimon i en pwatanik Yeisu elana. Yeisu matana i nok Saimon i gayawaan, yaka i ba, &#8220;Owa Saimon, Diyon natuna, yaa alam ya tun Sipas.&#8221; (Alan &#8220;Sipas&#8221; ana pasikal pana Gilik elana hi ba &#8220;Pita,&#8221; ana sapu heiya &#8220;pat.&#8221;)</div><div class="s1">Pilipi Nataniyel wana Wasa I Pek Yeisu kaiwena</div><div class="p"> 43Lan i gan al, inoke Yeisu i nuwatu ni nok ni na Galili. Pilipi i pwawa ge i baek elana i ba, &#8220;U nem u toulilau.&#8221; 44Pilipi wana panuwa te Betesaida, he panuwa o Andulu ge Pita al wali panuwa.</div><div class="p"> 45Pilipi Nataniyel i pwawa, yaka i baek elana i ba, &#8220;Tau toto wasana Mosese i lelelian Logugui ana buki elana, ge palopitau al hi lelelian, iyaka ha pwawa, iya Yeisu gagama Nasaleta, Yosepa natuna.&#8221;</div><div class="p"> 46Yaka Nataniyel i nel i ba, &#8220;Age bosowaina ya waisi etega ni neem Nasaleta?&#8221;</div><div class="p">Yaka Pilipi i ba, &#8220;He u nem ga ta na u kite.&#8221;</div><div class="p"> 47Sauga Yeisu Nataniyel i kite i nanawa elana, yaka i ba, &#8220;Tau ya iya Isileli tutunahotina etega, ge nige kakawi etega i gagana elana.&#8221;</div><div class="p"> 48Inoke Nataniyel i nel Yeisu elana i ba, &#8220;Ga i ola ge u atenau?&#8221;</div><div class="p">Yeisu i ba, &#8220;Ya kitewa u misiyo poga punaa, mulaa abwe Pilipi i yogaagiwa.&#8221;</div><div class="p"> 49Yaka Nataniyel i baek Yeisu elana i ba, &#8220;Topankite, owa Yehoba Natuna, ge owa Isileli wali kin!&#8221;</div><div class="p"> 50Yeisu i ba, &#8220;U abulilek kaiwena ya ba, &#8216;Ya kitewaa poga punaa.&#8217; Toto ya nige i bwabwaya, yaa abwe bugul bwabwayal enuna nu kitel.&#8221; 51Yaka Yeisu i ba al i ba, &#8220;Ya ba tunahot eliyamiu, abwe nuku kite labulabum ni mwapwela ge Yehoba wana aneloseyau nihi haha ge nihi laulau Gamagal Natuna elana.&#8221;</div>
 </div>
 </div>
</div>

Mulaa abwe bugul gegewel hi gan, Baaba iyoho i gan, iya alona Yehoba, ge Baaba iya Yehoba. Abatelipuna elana iya iyoho alona Yehoba.
Iya eliyana Yehoba bugul gegewena i ginolil. Binimala iya nigeya, bugul bolo hi gan nige nihi gagan, yaa iya eliyana inoke hi masal. Iya elana yawal i gan, ge yawal o iya gamagalau wala mwananal. Mwananal i yana gogou gamwanaa, yaa gogou mwananal o nige i aatena.
Tau etega alana Diyon, iya Yehoba i patuna i nem panayawi. Iya i nem mwananal wasana i wasaan, inoke gamagalau gegewel wasa ya nihi hago ge nihi abulilek. Iya nige mwananal i oola, yaa i nem mwananal wasana i wasaan. Mwananal tutunahotina, toto mwananal ni pek gamagalau gegewel elal, iya i nem panayawi.
I nem i minaa panayawi, yaa bwagana iya eliyana Yehoba panayawi i ginol, he panayawi gamagaliliyau nige hi aatena te henala iya. I nem i minaa totona wana labi elana, yaa wana labi gamagaliliyau nige hi pwapwamwa pahe. Yaa bolo hi pwamwa heyan ge alana hi abulilek-an, i talam bosowailiya nihi tabwa Yehoba natunau. Hi tabwa Yehoba natunau nige tage panayawi tamanina wana pamasal elana, o ebo gamagalau wali nuwatu elana, yaa Yehoba i ab pavavaluna-agil.
Baaba i tabwa gamagal, inoke avala ta mina ga sauga kekeisi, mulolu ge baaba tutunahotina i kalaopopwi. Wana wasawasa ha kite, i ola Yehoba Natuna maisena ya wana wasawasa, i neem Tamana elana.
Wasana Diyon Tobabitaiso i wasaan, i yogayoga i ba, “Toto ya heiya te bana ge valila ya ba, ‘Toto i nenem ewa iya i bwata lakeyau, kaiwena iya i gan houwa mulaa abwe ya masal.’” Iya mulolu i kalaopopwi, inoke gegewela wana mulolu ta pwawa i pem hikahikani. Yehoba Logugui i pek Mosese elana ge iya i pamasal gamagalau elal, yaa mulolu ge baaba tutunahotina i masalem Yeisu Keliso elana. Nige sauga etega gamagal etega Yehoba i kikite, yaa Yehoba Natuna maisena ya, iya i ola Yehoba, ge iya alona Tamana hi mitoyawa, iya iyaka Yehoba i pankitela.


Yudiya wali tohouwa bolo Yelusalema, topowon enuna avaliyau ge un Libai enuna al hi patunal hi na Diyon elana hi nel hi ba, “Henala owa?”
Diyon nige i mimikekei, yaa analiya i lahe ge i ba bubun i ba, “Nau nige Mesaiya i oola.”
Yaka hi neli al hi ba, “He binimala henala owa? Owa Ilaitiya?”
Diyon i ba, “Nau nige Ilaitiya i oola.”
Yudiya hi nel al hi ba, “Age owa palopita bwabwatana toto i nenem?”
Analiya i lahe i ba, “Nigeya.”
Yaka Yudiya hi ba, “He henala owa? Ga nu ba ola totom kaiwem? Nu ba pasapu eliyama, inoke naha na bolo hi patunama wali wasa naha pek bubun.”
Diyon Yudiya analiya i lahe palopita Aiseya wana baaba elana i ba, “Nau toto i yogayoga uleya i ba, ‘Babala wana kamwasa ku pasapu.’”
Bolo Yudiya wali tohouwa hi patunal, gamwaliyaa enuna Palisi. Heliya hi nel Diyon elana hi ba, “He hauna kaiwena ge u papababitaiso, ebo owa nige Mesaiya, o Ilaitiya o ebo palopita toto bwabwatana i oola?”
Diyon analiya i lahe i ba, “Nau wewel elana ya papababitaiso, yaa etega iyoho i talmilila gamwamiwa nige ku aatena. Iya i nenem ewa, yaa nau nige no waisi i gagan ge tage aena ana os ana hihiu na sokal.”
Bugul gegewena ya i gana Bedani elana, wewel Yolidani labi leunati. He Diyon i papababitaisowa wewel Yolidani elana.

Hi kenu lan i gan, inoke Diyon matana i nok Yeisu i kite i nanawa elana, yaka i ba, “Ku kite! Iya Sipi Natuna toto Yehoba i patunam panayawi gamagaliliyau wali gegi ni ahek yoho! Iya te bana ge valila ya ba, ‘Tau toto i nenem ewa, iya i bwata lakeyau, kaiwena iya i gan houwa mulaa abwe ya masal.’ Saugena o nau nige ya aatena henala bana ya babaa, yaa ya nem gamagalau ya pababitaisol wewel elana, puna heiya te iya na pamasal Isileli elal.”
Inoke Diyon i wasa al i ba, “Nau valila nige ya aatena henala i nenem, yaa toto i patunau ge wewel elana gamagalau ya pababitaisol i baem elau i ba, ‘Tau toto nu kite Yayaluwa Bwabwalena ni lau ge ni minaa elana, he iya te Yayaluwa Bwabwalena elana ni papababitaiso.’ Inoke Yayaluwa Bwabwalena ya kite i loem labulabumwa i ola bunibuni ge i lau i minaa elana. Ya kiteya matawa, heiya te ya ba, ‘Tau ya iya Yehoba Natuna.’”

Lan i gan al, Diyon iyoho i taltalmilil al alonau ge wana tohago eluwa, ge sauga Diyon Yeisu i kite i nanawa, inoke i ba, “Ku kite! Iya Sipi Natuna toto Yehoba i patunam!”
Sauga tohago ali toto eluwa hi hago Diyon baaba o i baunan, yaka hi tatauliulil Yeisu enaa. Yeisu i tagena sikal i kitel, yaka i nelil i ba, “Hauna gun nuwamiu?”
Tohago hi ba, “Labai, ga u miminaa?” (Vilan “Labai” ana pasikal heiya “topankite.”)
Yeisu analiya i lahe i ba, “Ku nem yaka nuku kite.” Inoke avaliya Yeisu hi na wana abamina hi kite, ge lan o avaliya hi miminaa to. He sauga o iyaka po kilok kokoyavi ana labi elana.
Bolo Diyon wana baaba hi hago ge hi tatauliulil Yeisu enaa, he etegana te Andulu, Saimon Pita talina. Inoke houwan hot Andulu i na talina Saimon i loyaan ge wana wasa i pek i ba, “Mesaiya iyaka ha pwawa.” (Vilan “Mesaiya” pana Gilik elana hi ba “Keliso.”)
Yaka Andulu Saimon i en pwatanik Yeisu elana. Yeisu matana i nok Saimon i gayawaan, yaka i ba, “Owa Saimon, Diyon natuna, yaa alam ya tun Sipas.” (Alan “Sipas” ana pasikal pana Gilik elana hi ba “Pita,” ana sapu heiya “pat.”)

Lan i gan al, inoke Yeisu i nuwatu ni nok ni na Galili. Pilipi i pwawa ge i baek elana i ba, “U nem u toulilau.” Pilipi wana panuwa te Betesaida, he panuwa o Andulu ge Pita al wali panuwa.
Pilipi Nataniyel i pwawa, yaka i baek elana i ba, “Tau toto wasana Mosese i lelelian Logugui ana buki elana, ge palopitau al hi lelelian, iyaka ha pwawa, iya Yeisu gagama Nasaleta, Yosepa natuna.”
Yaka Nataniyel i nel i ba, “Age bosowaina ya waisi etega ni neem Nasaleta?”
Yaka Pilipi i ba, “He u nem ga ta na u kite.”
Sauga Yeisu Nataniyel i kite i nanawa elana, yaka i ba, “Tau ya iya Isileli tutunahotina etega, ge nige kakawi etega i gagana elana.”
Inoke Nataniyel i nel Yeisu elana i ba, “Ga i ola ge u atenau?”
Yeisu i ba, “Ya kitewa u misiyo poga punaa, mulaa abwe Pilipi i yogaagiwa.”
Yaka Nataniyel i baek Yeisu elana i ba, “Topankite, owa Yehoba Natuna, ge owa Isileli wali kin!”
Yeisu i ba, “U abulilek kaiwena ya ba, ‘Ya kitewaa poga punaa.’ Toto ya nige i bwabwaya, yaa abwe bugul bwabwayal enuna nu kitel.” Yaka Yeisu i ba al i ba, “Ya ba tunahot eliyamiu, abwe nuku kite labulabum ni mwapwela ge Yehoba wana aneloseyau nihi haha ge nihi laulau Gamagal Natuna elana.”

Mihaino ny Diyon 1