Mattayo 21
21
1Pe waliji wawandichile Yerusalemi, waiche Mbetfage kwetumbi ja Zeituni, 2Isa atumile wa kwajiganya wawili, wasalile, mjende musi wa kuandikila; ni chitema timjuone mbunda atawilwe ni mwanache nombe najo, mgupole, mjise najo. 3Ni naga mundu tiwasalile lilowe, msale, ambuje ni welewo wa kwasakao, na kamope tiwapeleche.
4Aga gose gapangenywe, gamalilwe gasasilwe ni nabii, achisalaga, 5mwasalila mwanache jua mkongwe Sayuni, mlole, achimwene wenu akwisa kumangwenu, asiene kumialala, akwesile mbunda ni mwana jua mbunda mwanache wa mbunda.
6Wa kwajiganya wajawile wapanganisya mpela walajisye Isa. 7Wajisile najo mbunda ni mwanache, wawisile pachanya pao nguo siao, wakwesisye pa chanya pao. 8Ni wajinji wa kwakagula watusile nguo siao mwetala; wane wasichite nyambi ja mtela, waitusile mwetala. 9Ni wandu wajinji walongolele ni wakagwile watesile ungulu, wasasile, Osana Mwana wa Daud, ni welewo wa kujisichilwa wa kwisa kwa lina lia ambuje; Osana pe nani pose. 10Ni pe wajinjile Myerusalemi, musi wose kupukuna, wasasile, wani welewa? 11Wa kwakagula wasasile, ni awa welewo Isa, nabii wa kutioka Nazareti ya Galilaya.
12Wajinjile Isa mhekalu mwa Mulungu wawinjile wose wakusumao ni wakupanganyao malonda mkati mhekalu, wapindikwile meza siao wakutindanyao ndalama, ni kutama kwao wakusumao njuwa. 13Wasalile, ilembilwe, nyumba jangu tijiwilangwe nyumba ja kujuga nomwe nigipanjanisye mbugu ja wakuiva.
14Ni watusuche meso ni wakutundajilao wajisilile mhekalu, waposisye.
15Wakohani waklungwa ni wa kulemba pe wawene miujiza jiwapanganisye, ni wanache wa kutendao ungulu mhekalu, achisalaga, Osana, Mwana wa Daud, watumbile mnope, 16wasalile, mkupilikana awa lia kusalalio? Isa wasalile, elo. Nganimsioma, kwa kangwa sia wanache ni wa kongao mmalisisye kujinichila? 17Walesile watiosile mmusi mpika Betania, walonjele kwekula.
18Ku ndawi achiujaga ku musi, jakwete sala. 19Wawene mtini umo mwetala, awichile, akaona chindu nambo masamba pe; wausalile, kajimsogola iso gose soni mpika milele. 20Mtini wajumwile chitema. Wa kwajiganya wawene walapile, wasasile, ujumwile uli chitema! 21Isa wajanjile, wasalile, amin ngwasalila, naga mgaliji mjitichisyaga, nganganimjinjilwe ni kulaga, mgaliji mchipanganyaga ngati ali pe mmtini, nambo mchisalilaga litumbi alili; mtolelwe, mjaswe mwetanda, tipanganiche; 22ni li liose timsachelio mkujuga, mbaga mjitichisyaga, timlipochele.
23Ajisile mhekalu, ni pe waliji achijiganyaga, wakohani wakulungwa ni achekulu wa wandu ajisile, wasasile, kwa machili gachi mkupanganya elee? Ni mpewile na cheni machili gelega? 24Wajanjile Isa, wasalile, none tinausye lilowe limo, pa timnyujepo tinasalile kwa machili gachi ngupanganya yelei. 25Ubatizo wa Yohana utiosile kwapi? Mkwiunde, ao mwandu? Waganisisye welewo kwa welewo, wasasile, tumsalilaga mkwiunde, tasale, kwa chichi mganimjitichisya? 26Tungasasile, mwandu, tukuogopa wandu wajinji, ligongo wose wakumbona Yohana waliji nabii. 27Wajanjile Isa, wasasile, nganitumanyilila. Nombe nao wasalile na muno uneji ngasalila kwa machili gachi mbanganisye yelei. Mkuona uli? 28Mundu jumope waliji ni wanache wawili, wajisile wa ku ndanda, wasasile, mwanangu, mjende lelompanganye masengo mmizabibu mwangu. 29Wajanjile, wasasile, ngasaka; ka nyuma kakwe walesile, wajawile. 30Wajisile wa wili, wasasile galagala. Nombe nao wajanjile wasasile, ngwaula, ambuje; akajenda. 31Juapi jua wanganya awa wawali wa kupanganya lia wasachile Atati wao? Wasalile, wewala wa ndanda.
Isa wasalile, amin; ngwasalila, mapublikano ni makahaba akumlongolela mweji kuujinjila uchimwene wa Mulungu. 32Ligongo Yohana wajisile kumangwenu kwitala jambone, na muno nganimjitichisya, nambo mapublikano ni makahaba wajitichisye; na muno pe wawene nganimgalauka soni kwajitichisya.
33Mpilikanichesyane chitagu chine. Kwaliji mundu asiene nyumba, wapandile mizabibu wasiungwisye luani, wasosile shinikizo, atawile mnara, wapeleche ujila kwa wakulima, wajawile ulendo. 34Makati ga iso gose pe galiji kuwandichila wapelechele wakulima achikapolo wao wapochele iso gose; 35wakulima watosile achikapolo wao, wamputile jueleju, wamjasile juejula meganga, ni juejula wambuleje. 36Wapeleche soni kapolo wane wajinji kupunda welewo wa ndanda watesile ila ila. 37Ka nyuma kakwe wapelechele mwanagwao, achisalaga, tiwajinichile mwanangu. 38Nombe nao wakulima pe wawene mwana wasasile welewo kwa welewo, welewa ni wa kuinjila majumba, mjise twabulaje, nowe tutupate kuinjila kwao. 39Wakamwile watosile mmizabibu wauleje. 40Pe taichepo ambuje wa mizabibu tiwatende chichi wakulima wewala. 41Wasalile tiwajonanje kwa kusakala wangalumbana wewala; ni tatole ujila mizabibu wakulima wane wa talipileo isogose kwa makati gao.
42Isa wasalile, nganimsioma, mkulembwa, liganga liwalijasile wa kutawa, lili pe nani pambali. Masengo gao ambuje aga, ni kulapa mmeso petu. 43Kwa ligongo alili ngwasalila, yati uchimwene wa Mulungu tutolelwe kwenu, ni tupelwe lukosyo lua kupanganya iso gose yao. 44Nombe nao wakugwao pe nani pa liganga ali takasiche; nombe nao pe nani pao ali tiligwe, tiliakasekase mnope. 45Pe wapilikene wakohani wakulungwa ni Mafarisayo itagn yao, wamanyilile wasasile wa wowo. 46Ni pe watiosile kwakamula, wajogwepe wandu wajinji, wali wawene mpela nabii.
Pašlaik izvēlēts:
Mattayo 21: YAO1880
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Published by the British and Foreign Bible Society in 1880.