Mattayo 15
15
1Ni pelepo wajisile kwa Isa wa kulemba ni Mafarisayo wa Yerusalemi, wawelechete, 2kwa chichi wa kwajiganya wenu kusitemanya lituapochele kwa adia chekulu ligongo wanganawa mikono pa kulia yakulia.
3Wajanjile wasalile kwa chichi nomwe mtemenye amri za Mulungu pi mwapochele? 4Ligongo Mulungu walajisye, awelechete, mwajinichile Atati wenu ni mama, nombe nao wa kutukanao Atati ao mama auwe kuua; 5nomwe mkusala wa kwasalila Atati ao mama, ni sadaka, yose ya kumnonyela kwangu, akajinichila Atati wao na muno mama wao. 6Mjonasile amri za Mulungu pi mwapochele mweji. 7Umwe wa kulamba, yambone watagulile Isaya, achisalaga, 8wandu awawa amandichile kwa kang’wa jao, anyinichile kwa migomo, nambo mtima jao kwenda kutalika kwangu. 9Nombe nao waniabudu lulele pa kujiganya majiganya amri za waana Adam. 10Wawilasile wa kwakagula wasalile, 11mpilikane, mmanyilile, nganichiwa chi kwinjilacho mkang’wa chi kumtagacho mundu usakwa, nambo chi kutioka cho mkang’wa, ni chilecho chimtagacho usakwa.
12Waiche wa kwajiganya wao wasalile, mkumanya yati Mafarisayo achimiwa achigapilikanaga malowe aga? 13Wajanjile, wasasile, kupanda kose liangalipandwa na Atati wangu wa kwiunde tilitupukwe. 14Mwaleche awa, ni watusuche meso wa kulongolela wa watusuche meso, ni watusuche meso achajigalaga watusuche meso wose wawili tatumbuchila mwisimbo.
15Wajanjile Petro, wasalile, mtujenechesye chitagu acho. 16Isa asasile, nomwe soni ngammanyilila? 17Ngamkumbuchila yati chi kuingila chose mkang’wa chakupita mlutumbu, ni chi kutioka choloni? 18Nambo ikutioka mkang’wa itioka mmtima, ni chelecho cha kumtaga mundu usakwa. 19Ligongo mmtima kutioka ganisyo gangalumbana, muulasi, ikululu, asherati, wawii, shahidi wa unami, matukana; 20ni gelego ga kumtaga mundu usakwa. Nambo kulia panganawa mikono ngamtaga mundu usakwa.
21Isa atiosile kwekula, ajesile upande wa Turo ni Sidon. 22Ni jua mkongwe Mkananaya wa mipika jejila atiosile walilile, wasalile, mdaje chanasa, ambuje, mwanache wa Daud, mwanangu jua mkongwe akulaga mnope ni mbepo. Nombe nao ganiwajanga lilowe. 23Wa kwajiganya wao wajisile wajujile, wasasile, mweleche ajende kumangwao, ligongo akutenda ungulu pa nyuma petu. 24Nombe nao wajanjile, asasile, nganimbelekwa nambo kwa ngondola sijasiche sia nyumba ja Israeli. 25Nombe nao ajisile, ajitichisye, awelechete, ambuje angamusye. 26Wajanjile wawelechete, ngati ukoto kutola mkate wa wanache kwajasila mbwa. 27Wawelechete, elo, ambuje, nambo mbwa kulia ye inandi yikugwayo mezani kwa ambuje wao. 28Wajanjile Isa, wasalile, ee jua mkongwe, imani yako ni ikulungwa: mpate mkusakalio. Waposile mwanagwao jua mkongwe kutanda saa ila ila.
29Isa apite kwekula ajisile petanda pa Galilaya. Akwesile mwitumbi, ateme pasi kweleko. 30Wajisile wandu wajinji wajisile wao wa kutundajila ni watusuche meso, ni wangawelecheta, ni wa kulwala, ni wane wajinji, wawisile pa makongolo pa Isa; waposisye. 31Wandu wajinji walapile, achaonaga wangawelecheta achiwelechetaga, wa kulwala achiwaga walama, wa kutundajilao achendajendaga, ni watusuche meso achilolaga, wakusisye Mulungu wa Israeli.
32Isa wawilasile wa kwajiganya wao wasasile, ngwatendela chanasa wa kwakagula, ligongo sambano wateme none mowa gatatu, akapata kulia; nganonyela kwaleka kwaula kumangwao achitawaga, akajakomoka mwitala. 33Wa kwajiganya wao wasalile, tutupate uli yakulia apa myao twajikutisye wandu wajinji awa? 34Isa wasalile, mkwete mikate jilingwa? Wasalile, msano na jiwili ni somba sia inandi. 35Walajisye wandu wajinji ateme pasi. 36Atosile mikate msano na jiwili ni somba, washukuru, watemile, wapele wa kwajiganya wao, wa kwajiganya wapele wandu wajinji. 37Walile wose wajikwite; walokwete makombo gasigele ngalala msano na siwili si siagumbele. 38Nombe nao walile waliji achalume magana likumi mcheche, ni achakongwe ni wanache. 39Walanjile wandu wajinji, akwesile mchombo, ajesile upande wa Magdala.
Pašlaik izvēlēts:
Mattayo 15: YAO1880
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Published by the British and Foreign Bible Society in 1880.