Mattayo 13
13
1Liua lilalila Isa achitioka mnyumba ateme pa litanda. 2Wagumbalile wandu wa kwakagula wajinji, mpika wakwesile mchombo ateme pasi; ni wa kwagumbale wose wajime ku mbwani. 3Wasalile malowe ga majinji kwa itagu, achisalaga, jua kupanda atiosile kupanda mbeju. 4Pe waliji achipandaga, sine siapatuiche mwetala, ni ijuni yaiche wasilile: 5sine siapatuiche mmaganga pangapagwa chilambo cha chijinji, chitema siasipwiche kwa chilambo ngachikwenda pasi mnope, 6ni liua pe iliawiwile siapile, ni kwa ligongo ngakola lisimbo siajumwile; 7sine siapatuiche mwikonde, makonde gamesile gasimasisye; 8sine siapatuiche mchilambo chambone, siasogwile, jumope kalume, jumope makumi msano na limo, jumope makumi gatatu. 9Asiene mawiwi ga kupilikana, apilikane. 10Waiche wa kwajiganya, wasalile, ya chichi kuwelecheta nao kwa itagu? 11Wajinjile, wasasile, mweji mpewilwe kumanyila mitemela ya achimwene wa kwiunde, awa nganapewa. 12We wose wakwete, tapewe, mpika kupunda; we wose ngakwete, tatiochelwe chali nacho. 13Kwa ligongo alili nguwelecheta nao kwa itagu, pa kuonapo akaona, ni pa kupilikanapo akapilikana, na muno akamanyilila. 14Nombe nalio likwamalilwe liajenelwe na Isaya, achisalaga, kwa kupilikana, timpilikane na muno ngammanyilila, kwa kulola timbole na muno ngambona. 15Ligongo mitima ja wandu hawa jinakene, ni mawiwi gao gali gaulesi, ni meso gao akugapile; akajapata kulola kwa meso ni kupilikana kwa mawiwi, ni kumanyila kwa mitima, mpika kugalauka, none naposye.
16Nambo meso genu gajinichilwe ligongo gakuona: ni mawiwi genu, ligongo gakupilikana. 17Ligongo amin ngwasalila, nabii wajinji ni asiene wambone wajinji wasachile kugaona mkugaonago, na muno nganagaona; ni kugapilikana mkugapilikanago, na muno nganagapilikana.
18Ni mweji mpilikana chitagu cha jua kupanda.
19Jua kupilikana jose malowe ga uchimwene pangamanyilila, kwisa juejula jua ngalumbana wasombwile gapandiche mmtima mwao, ni welewo wasipochele mbeju mwetala.
20Nombe nao wasipoche mmaganga, wewala wakupilikana malowe wa kugakunda chitema kulinonyela, 21nambo ngali lisimbo mkati mwao, kutindanyatindanya, niwaga kusakalisya ao kuwingwa kwa ligongo lia malowe, chitema kuchimwa.
22Nombe nao wapochele mbeju mwikonde, ni welewo wa kupilikanao malowe, ni malowe ga pa chilambo ni kulambusya kwa ipanji, kugasimasya malowe, na muno ngasogola.
23Nombe nao wasipochele mbeju mchilambo mwambone, welewo wa kupilikanao malowe, akugamanyilila; ni kusogola sine kalume, sine makumi msano ni limo, ni sine makumi gatatu. 24Watolele chitagu chine, asasile, uchimwene wa kwiunde ulingene ni mundu jua pandile mbeju jambone mmgunda mwao, 25ni wandu achigonaga, ajisile wegongo wao wapandile makonde ga mwikonde chilikati cha ngano, ajawile. 26Ka nyuma kakwe pe gasipwiche manyasi gasogwile iso gose, gaonekene ni makonde ga mwikonde. 27Wajisile achikopolo wao wasalile asiene nyumba, ambuje nganimpanda mbeju jambone mmgunda mwenu, upatile uli makonde ga mwikonde? 28Wasalile, mundu jua egongo ni welewo wapanganisye. Achikapolo wasalile, mkusaka twemde tugagumbalile? 29Wasalile, La, nimbaga mchiunganyaga makonde ga mwikonde timtupile ni ngano pampepe nao. 30Mgaleche gamele gose mpika kuuna; ni makati ga kuuna tinasalile wa kuunao aunganye ku ndanda makonde ga mwikonde, mgatawe kwa matita gatiniche, nago ngano mbije mnyumba mwangu.
31Watolele chitagu chine, achisalaga, uchimwene wa kwiunde ulingene ni mbeju ja kharadali, jiwatosile mundu ajipandile mmgunda mwao. 32Ni janandi kupunda mbeju siose; nambo pijamesile ni ja ngulungwa kupunda makonde, nuwaga mtela, mpika ijuni ya mbepo kwisa ateme mnyambi mwakwe.
33Wasalile chitagu chine. Uchimwene wa kwiunde ulangene ni chi chasuka wachitosile jua mkongwe wachisisile chilikati cha ipimo itatu ya utandi, mpika wosepe kuchasuka.
34Aga gose asalile Isa makagulo kwa itagu, ni pangawa kwa itagu nganiwasalila lilowe; 35limalilwe lisasilwe na nabii, achisalaga, teunukule kang’wa jangu kwa itagu, tindole malowe gasisilwe kutanda kutanda kwa chilambo.
36Pe wamasile Isa, walanjile wandu wajinji, ajinjile mnyumba. Wa kwajiganya wao wajisilile achisalaga, mtujenesye chitagu cha makonde ga mwikonde mmgunda. 37Ajanjile, asalile, jua kupanda mbeju jambone, welewo Mwana wa Adam, mgunda welewo chilambo, 38mbeju jambone wanache wa uchimwene, ni makonde ga mwikonde waana wa juejula jua ngalumbana; 39magongo juagapandile ni Shetani; kuuna ni kumala kwa chilambo, ni wa kuunao ni masoka. 40Mpelaga makonde ga mwikonde gakuunganapo gatiniche mmoto, eleyo kwa kumala kwa chilambo chi. 41Mwana wa Adam tagatume masoka gao, nombe nao taunganye muchimwene mwao yose yikuchimwayo nombe nao wakutenda yangalumbana, 42wajase mtanuu mwa moto, ni keweko chililo ni kutauna meno. 43Nombe nao asiene wambone tamilemete mpela liua muchimwene mwa Atati wao. Asiene mawiwi ga kupilikana, apilikane.
44Soni uchimwene wa kwiunde ulingene ni ipanji yasisiche mmgunda, nombe nayo mundu pe waiwene akwisisa, ni kwa kwolomwano kwao kwenda asumile yali nayo yose, apate kusumila mgunda ula. 45Soni uchimwene wa kwiunde ulingene na wa kupanganya malonda, 46wa kusosya lulu luokoto, ni pe wauwene lulu lumpepe lua kulimba mnope, ajesile asumile yali nayo yose waisumile.
47Soni uchimwene wa kwiunde ulingene na mwambula uwajasilwe mwetanda waungenye somba sia ngosyo siose; 48pe wagumbele wautisye ku mbwani, wateme wasagwile siambone myombo, nomben asio siangalumbana wasijasile. 49Ni eleyo pa mbesi wa chilambo, malaika tatioche tagawanya wangalumbana na asiene wambone, 50ni tiwajase mtanuu mwa moto; ni kweleko chililo ni kutauna meno. 51Isa wasalile, agaga mgapilikene? Wasalile, elo Ambuje. 52Wasalile, kwa ligongo alili, wa kulemba wose wambone asiene kujiganywa kwa uchimwene wa kwiunde, alingene na mundu asiene nyumba jua kutola mwipanji mwao indu ya wisi ni ya kala kala.
53Paliji pe wamasile Isa itagu aii atiosile ajawile. 54Pe waiche mchilambo mwao, wajiganisye msunagogi mwao, alapile, awelechete, welewa apatile kwapi hekima ai ni miujiza aji? 55Nganawa mwana wao sermala? Mama wao ngawilangwa Maryamu? ni nunagwao Yakob ni Yose ni Siman ni Yuda, 56ni achalumbu wao wakongwe, ngati wose kumangwao? Apatile kwapi welewa malowe aga gose? 57Achimiwe nao.
Isa wasalile, nabii ngakulusya majina pangawa mchilambo mwao ni mnyumba mwao. 58Na muno nganapanga kwekula miujiza ja mijinji, kwa ligongo nganajitichisya.
Pašlaik izvēlēts:
Mattayo 13: YAO1880
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Published by the British and Foreign Bible Society in 1880.