ลามูลา 6
6
ลาฆู ฌาฮัจ นะ อูมัจ ซือมียา
1ตานา อูมัจ ซือมียา บือตามัฮ บาญะ เดะ อาตัซ ตือปัจ ตานัฮ ดัฮ_ กูญา อาดา ลูมอฮ นานะ นีบีนี. 2โกะ นานะ กีลากี นะ ตูฮัด#6.2 โกะ นานะ กีลากี นะ ตูฮัด ฮอย ซาปา ตาฮู ซูโงฮ จะ_ ปือมือเลา อีนี ตูโญะ กะ ซือมียา ดีฮา. ตาปี นู บาญะ เดะ กาวัด_ อาคา จะ_ ตูโญะ กะ โกะ ฮูลู บาลัก นะ ตูฮัด นู ซือซัจ. ลีฮัจ 2 เปโตร 2.4-5; ยูดา 6_ กูญา ลีฮัจ จะ_ โกะ นานะ นีบีนี อีตู บือฆาจะ_ อาเมด มาแรฮ ฌาดี บีนี นะ กูญา_ ตูโรจ บือกะ ฮาตี นะ กูญา ซูกา. 3กะฆีเตอ_ ตูฮัด บือซัยํ เดะ อาตัซ_ ญา มือเลา จะ_ “ซือมืองัจ นะ กู_ นะ เตด ดูโดะ บือซามา ฌางัน อูมัจ ซือมียา ปี ซือมาญัก รอจ ดัฮ_ ซาเบะ กูญา ฌาดี ซือมียา_ นู ฆาโดฮ มาตี. อูมอยํ นะ กูญา นะ เตด ลือเบฮ_ เดะ ซือราตุซ ดูวา ปูโลฮ (120) ตาโฮด” ตูฮัด ญา จะ.
4วะตู อีตู โปด_ เดะ โซะ บลากัก ฌูฆา_ อาดา ลูมอฮ ซือมียา ญาวา บือซัยํ#6.4 ซูรัจ ลามา บลาโลก กะ กูญา จะ “ลูมอฮ เนฟีลี.”_ ดูโดะ เดะ ดือนียา_ กาลา โกะ นานะ กีลากี นะ ตูฮัด_ มาโซะ มาแรฮ ซารี โกะ นานะ นีบีนี นะ อูมัจ ซือมียา. อาดา ลูมอฮ นานะ นะ กูญา_ นู ฌาดี ซือมียา ปานัย บือปรัก_ เดะ กาลา นูตู_ ฌาดี ลูมอฮ ซือมียา นู กือนา มือโอจ เลอ.
5ตูฮัด บือซัยํ เดะ อาตัซ เตอ_ ญา ลีฮัจ จะ_ ลาฆู ฌาฮัจ นะ อูมัจ ซือมียา_ อาดา บาญะ เดะ ดือนียา. ญา ลีฮัจ จะ_ ลาฆู อีงัจ เดะ ฮาตี ซือมูฮา นะ กูญา_ ฌาดี ซา ลาฆู นู ฌาฮัจ โตระ_ บีลัก วะตู.
6กะฆีเตอ_ ตูฮัด บือซัยํ เดะ อาตัซ เตอ_ ญา มือญือซัน_ นู ญา บือฌาดี อูมัจ ซือมียา เดะ ดือนียา กะฆีนี. ญา ฌาโวฮ ฮาตี ซูโงฮ_ เดะ ลาฆู อีนี.
7กะฆีเตอ_ ตูฮัด บือซัยํ เดะ อาตัซ มือเลา จะ_ “ลูมอฮ ซือมียา นู กู บือฌาดี ดัฮ_ กู นะ บูวัจ บรี ฌาฮานัม ฮาบิฮ_ เดะ ดือนียา. ลูมอฮ ซือมียา_ ลูมอฮ บือนาตัก ซูโรฮ บือกรือฌา_ ฌางัน ลูมอฮ บือนาตัก มือรากะ เตอ_ ลูมอฮ บูโรก เดะ ลาแงะ โปด_ นะ บูวัจ บรี ฮาบิฮ เดะ ดือนียา ซือมูฮา. กรานา กู มือญือซัน ฮาตี_ นู กู บือเลฮ บือฌาดี กูญา ดัฮ”_ ญา จะ. 8ตาปี โนอา เตอ_ ฌาดี ซือมียา นู กือนา เดะ ฮาตี นะ ตูฮัด บือซัยํ เดะ อาตัซ เลอ.
โนอา บูวัจ กาปัน บือซัยํ.
9ตะเดะ อีนี_ ฌาดี ซูรัจ ลาฆู บือแนฮ นะ โนอา. โนอา เลอ_ ญา ซืออูรัก นู บาฌิ ตือปัจ. ญา บาฌิ ซือมูฮา_ เดะ กาลา อีตู. ญา บือฌาลัด บือซามา ฌางัน ตูฮัด เดะ อาตัซ. 10โนอา อาดา นานะ กีลากี_ ตีฆา อูรัก_ ปือนามา_ เชม_ ฮาม_ ฌางัน ยาเฟด.
11กะฆีเตอ_ ตูฮัด เดะ อาตัซ_ ญา ลีฮัจ จะ_ ซือมียา เดะ ดือนียา ฮอย เตด ตือปากัย_ ดือนียา ซือมูฮา โปด ปือนอฮ ปี_ ฌางัน ลาฆู ซูมอก_ ลาฆู ฌาฮัจ. 12กะฆีเตอ_ ตูฮัด ญา ตีญุง ลีฮัจ กะ ดือนียา จะ_ ญา ฮอย เตด ตือปากัย_ กรานา ซือมียา ซือมูฮา เดะ ดือนียา_ บูวัจ ลาฆู ตะอารัฮ_ นู ฮอย เตด บือฆูนา เลอ.
13กะฆีเตอ_ ตูฮัด ญา มือเลา กะ โนอา จะ_ “กู ตือตู ดัฮ_ นู นะ บรี ลูมอฮ ซือมียา ฌางัน ลูมอฮ บือนาตัก_ มาตี ฮาบิฮ ซือมูฮา_ กรานา ดือนียา ปือนอฮ ปี_ ฌางัน ลาฆู ซูมอก_ ลาฆู ฌาฮัจ_ นะ กูญา ดัฮ. กะฆีเตอ เลอ_ กู นะ บูวัจ บรี ลูมอฮ กูญา_ ฌางัน ดือนียา ซือมูฮา_ บือนาซา. 14เกา เลอ_ อาเมด กายู รู โกเฟอ นู บาฌิ_ บูวัจ กาปัน บือซัยํ_ บรี อาดา รูวัก_ ตาแปะ ฌางัน ลาฆาลา โซะ ลูวัยํ_ ฌางัน โซะ ดาลับ. 15กือนา บูวัจ กาปัน กะฆีนี. บรี ปาญัก_ ตีฆา ราตุซ (300) ตก. บรี ลือฆา_ ลีมา ปูโลฮ (50) ตก. บรี ตีงี_ ตีฆา ปูโลฮ (30) ตก. 16บูวัจ ตีกะ เดะ อาตัซ_ ตีงี ซือตก. บูวัจ ปีตู เดะ รูโซะ. บูวัจ รูมัฮ_ ตีฆา จากัจ”_ ตูฮัด ญา จะ.
17ตูฮัด ญา มือเลา จะ_ “กู นี เลอ_ นะ บูวัจ บรี อาเย อาโปฮ ดือนียา ซือมูฮา_ บีดา บรี ลูมอฮ ซือมียา_ ฌางัน บือนาตัก_ นู บือเลฮ บือญาวา_ นะ บือนาซา เดะ บาวัฮ ลาแงะ ซือมูฮา. ราตา ซือมูฮา นู ดูโดะ เดะ อาตัซ ดือนียา_ นะ มาตี ฮาบิฮ. 18ตาปี กู นะ ตืองะ ปือมือเลา บือฌาญี บือตือตู ฌางัน เกา. บรี เกา มาโซะ กะ ดาลับ กาปัน. เกา ฌางัน โกะ นานะ กีลากี นะ เกา_ บีนี นะ เกา_ โกะ มือนาตู นะ เกา ฌูฆา_ บรี มาโซะ กะ ดาลับ กาปัน ซือมูฮา เลอ. 19เกา กือนา อาเมด บือนาตัก ราตา นู ฮีโดะ_ อายา บาปา_ ซือมาจับ ซือฆู_ บรี มาโซะ กะ ดาลับ กาปัน_ บรี ฮีโดะ ลือปัซ เดะ มาตี_ บือซามา ฌางัน เกา. 20โกะ บูโรก_ บือกะ บือแนฮ นะ ญา เตอ. โกะ บือนาตัก_ บือกะ บือแนฮ นะ ญา ฌูฆา. โกะ บือนาตัก มือรากะ เดะ ตานัฮ_ บือกะ บือแนฮ นะ ญา เตอ_ ซือมาจับ ซือฆู_ ราตา บือแนฮ เลอ. ญา นะ มาแรฮ มาโซะ ซารี เกา_ บรี เกา ตูโลก ญา บรี ฮีโดะ_ ลือปัซ เดะ มาตี. 21เกา กือนา บาวา ซือบารัก มากัด ราตา ฌือแนฮ นู มากัด บือเลฮ_ อาเมด มาแรฮ ตาโรฮ_ กะ เกา ซือตืองัฮ_ กะ ลูมอฮ บือนาตัก ซือตืองัฮ” ตูฮัด ญา จะ.
22ตูฮัด เดะ อาตัซ_ ญา ปือซัด บรี โนอา บูวัจ กะฆีนี_ โนอา เตอ_ ญา บูวัจ ตูโรจ กะ ปือมือซัด นะ ตูฮัด_ ซือมูฮา.
Pašlaik izvēlēts:
ลามูลา 6: ULBIBLE
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties